Yakkobo 5:1 - Bibliyeeda Ghaydit

¹ Asi ghamneawa meanang'oodiga, ooyeawda nea gookuuli aba sawanadeeda jea gwahisseegwa.

NEAJEEDA EESH BEA BUUNEESSEAN

¹ Asi ghamneawa meanang'oodiga, oyyeawda nea gokkuulli aba sawanadeeda jea gwahisseegwa.

Yakkobo 5:1 Referans Kwoze

GHWASIILDEANGA 11:28

Siida ghus meanang'oocheanduumeadaanyi gayghoabeada, nea siida doabiiwaat gayghwanyagaada gawuurji nyeeshtooda nyawiish.

YEREMIYA 9:23

Ng'ata gwayi NG'UTAMIIDA: “Adiidu siida weaghoot ghaghwar geaw aba weaghuumeadaanyi, nea siida haw uur adiidu ghaghwar geaw aba uurdaanyi, ak eara meanang'ocheanda adiidu ghaghwar geaw aba meanang'oocheanduumeedanyi;

GHWASIILDEANGA 11:4

Meanang'oocheanduumeeda mayghwaloat gil eaweeda nyarasta, nea doobiiwnata gayghoaghuuha siida miyeeda.

Yakkobo 1:11

Aba gideaba aseeta iissa goorearu nea gweadu beasta, ak ghoaghajaam seenga; ak ghoabit deakghweadaanyi, ak goosha alooheeda. Gwasunu eara meanang'oocheanda gayghaghajaamiit aba naweadingaaschi.

MIKA 6:12

Aba gideaba meanang'oodigaagu gooreedi fih haleanjeeda; nea fugaagu bea ng'eanyiida gabaloola ng'uyyeega, nea ng'ushapta nyaawa gaba reengaweega aba ghuusiga nyaawa.

SEFANIYA 1:18

Eara lapiyeeda nyaawa ghana dahaabu mayghoamu ghaweat saawa eaweeda nyarasta NG'UTAMIIDA. Aba beasta nyarastaanyi shissa ghaang', ng'eanyiisean gaygoosha aba beasta; ea ng'weaninda nyarastaanyi ak gaygahuuyda buuneesean mida badayda ng'eanyiida.

ISAYA 13:6

Ooyeawda aba gideaba eaweeda NG'UTAMIIDA nineekiit; gayghwahitaayda giishealda leabu heeda ASEETA hoauur!

Yakkobo 4:13

Asi apkaani ghamneawa, agoogeeda ooyeenayi, “Askweareani ghana numuji gajeeweaya jeedeaba mujiineani ea mujiineani ak geepiidi gweayda nea geekeakshi ak gooheadeeseasa haleanjeeda”;

Yakkobo 2:6

Nea agooga ea noojakteaysi mureeda siida bwarbwar. Neada meanang'oodiga ea madiing'siineegwa ng'eanyi agooga, nea goongiireegwa ea ghwaadeagwa madeeda girgweageeda?

GIIPKEATA DIIGHEANDA 32:15

“Ak Yeshuruni ghwariish ak geadas; niriishi ak guwoosi riishaat ea sina jeeda; ak ghoanung'wi heeda ASEETA sineegwa, ak gafool Harearacheanda lealeanoadaanyi.

YOELI 1:11

Ahamwa ng'eanyi, ea fuga bwar ng'eanyi, ookuula, ea fuga fur sabiibu, aba badayda ngaano ea shayiiri; aba gideaba nirooda booga madameega.

YOELI 1:5

Aboogida, ea fuga boogidi, ak gooyeawdi; ookuula, agoogeeda leeha difaayi, aba badayda difaayeeda duu ghwaheas, aba gideaba sisachnyi aba ghuusigeagwa.

ESEKIELI 19:2

Ak giyeeni: Geamadu ghayi ng'eaha? Soorearda gwalil aba badayda ng'anyeeka aba bugusta dayeega ng'adiida, ak ghoang'aata diibigaaschi.

YEREMIYA 4:8

Asi aba ng'asheanji ookweala hang'weaka beareadi, ak googutu heareega nea gooyeawdi; aba gideaba nyarasta ng'waan bea NG'UTAMIIDA miighang'amwa heedeanya.”

Yakkobo 4:9

Agiisana nea goonyahuushi nea gooyeawdi. Reargeagwa gagasa ghwayamwa ghoah giinyahuushooda, nea ghoah hooseaneegeagwa giiseaneega.

YOELI 1:13

Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

NYIIGHEEGA 17:14

Ea NG'UTAMIIDA, lealnean aba heedeaba fugiga mideawa haleanjeeda sean gasa aba jeedeaba ng'eanyiini. Lasa saawa aba sawanaduutka ghayi iidiiwsi saawa; ak ghwanyas gea deay ahiit saawa sea diibiga nyaawa ak ghoabit mwaatkwa aba diibiga nyaawa.

ISAYA 15:3

gookwa hang'weaka guniyajeega aba jeeda naweadinga bareanda sean; ea badahuuka ghoorajeega nyaawa ea dang'adga ghoorajeega nyaawa gaba nih ayeawda nea goobuut dabeaka.

ESEKIELI 30:2

“Ea orjeeda siida, ramoora nea giyeeshi, gwayi NG'UTAMIIDA was ASEETA, “Oochuura giijuureanda sawanadeeda, ‘dashageada eaweedida!’