Yakkobo 4:8 - Bibliyeeda Ghaydit

⁸ Aneekiisiina ASEETA ak gaygwaneekiiseegwa agooga. Oamiini geatingeagwa, ea fuga riing'eega, oamiini gurooruunatkeagwa, ea fuga mabwagi.

NEAJEEDA EESH BEA BUUNEESSEAN

⁸ Aneekkissiina Aseetta ak gaygwaneekkiseegwa agooga. Oammiinni geattingeagwa, ea fuga ring'eega, oammiinni guroruunatkeagwa, ea fuga mabwagi.

Yakkobo 4:8 Referans Kwoze

NYIIGHEEGA 145:18

NG'UTAMIIDA ea neekeewa buuneesean guuriisa niny, buuneesean guuriisa gheawungaaschi aba huumwa.

Ebraniya 10:22

ghang'wana geeneekiisi nea geebeayi gurooruunatka huumwa nea geesikteawi muuchi masaweega, nea geapuuna gurooruunatkaasa alooheeda ak geang'ami ng'asheega munyas ak geehuun sasanuukaasa aba beega miyaas.

MALAKI 3:7

Gidang'eada damanda ghweanigeagwa noayami geat diigheanyeekeasu ak ea moang'waanyi. Ayamsean geat, ak gaydayamseegwa geaw, gwarugu NG'UTAMIIDA bea lugweega. Ak gooyeenyi agooga, ‘Gajeebiiktaaydan?’

SAKARIYA 1:3

Asi rukusiina saawa, gideaba gwayi NG'UTAMIIDA bea lugweega: Abiikni heedeanyu, aba girugu NG'UTAMIIDA bea lugweega, ak gaydabiigu heedeang'wa, gwarugu NG'UTAMIIDA bea lugweega.

2 DAMANYOOJIGA 15:2

ng'ata gawa jarooda gwaroonyi Asa, ak gwayeesha, “Aleeysean iita, ea Asa, sea fuga sean bea Yuda ea Benjamini. NG'UTAMIIDA gwandeayi sea agooga, nea eara agooga goondeayi sea niny. Nea iyoogaseadi niny, gajanyasa, ama inyas gajajakta niny, abeeda eara niny gaygwajaktaneegwa.

YEREMIYA 4:14

Ea Yerusalemu ahuuna munyinda mida gurooroadaang'u, ak abeeda gajeelealneey. Ghamneawa gajateemsheesiina ng'asheega munyas aba jeadaang'u ea ghoah eeju?

1 Yohaana 3:3

Nea giliwas sih rar niny iissa ghoamiidu geaw gawuurji gidamiyda niny.

NYIIGHEEGA 51:10

Ea ASEETA, sinnean guroorooda miy, ak ginung' gaweeshiit guroorooda mida jeedeanyu.

Ebraniya 7:19

(aba gideaba deaweeda manda gissin ak gamajeegiit); aba meatkweenagi, ea sigu gidamiy sirarji, aba nih ea sineekiisi ASEETA.

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

ESEKIELI 18:31

Ahisana hoowa sheagiin giidiinyeanyeekeagwa sean ghayi oosinyi ak ghoanyaschi jeeda miy ea guroorooda miy, ghwasaan anda googasayi ameawa Ea fuga Israeli?

NYIIGHEEGA 73:28

Nea aba aniini aamiy gideaba geawooschi neekeewa ASEETA, ak ea naanung' ghoah NG'UTAMIIDA was ASEETA dea jea damng'awsa, ak abeeda gearukwiidi gadiyoojigaagu sean.

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

1 Betro 3:21

Giibaatiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus ASEETA aba fughareeda miy, aba duunooda Yesu Gristo,

AYUBU 17:9

Nea siida doabiiwaat gayghoang'waay naweadaanyi, nea dea mideawa geatinga miyaasiin gayghwanyas uurda muuchi.

Mattayo 12:33

“Asina geeta ghamiidu ak ghamiyaasiit eara haghweagaaschi, ghana anung' gamunyiit geeta ak gamunyasiidi eara haghweagaaschi aba gideaba geeta geenala haghweagaaschi.

1 Dimotteo 2:8

Asi geagasayi gwandeawa headiga geatinga miyaas, biissa ea manyareessa, biissa ea masheang'dooschi. Abeeda headiga sunu ea dagatgada geatinga nyaawa googeal humng'eeda galeagasean damanda mooshta ghawooda.

ISAYA 29:13

Hean gwayi NG'UTAMIIDA, “Fiisu gwaneekiisean ak gwasinnean mureeda aba ghuusiga nyaawa gabeachi, nea gurooruunatka nyaawa ea sheageewanean, ak ghoawalan aba diigheanyeeka buuneeda ghayi siinaal.

NYIIGHEEGA 24:4

Siida mideawa geatinga miyaasiin ea gurooroodeesh, siida meadiing'uuna gurooroadaanyi mwadaagha, ak ea meaka habeawooda ng'uyeega.

1 Betro 1:22

Nea ghoamiidu jeesingeagwa aba mureedeang'wa aba heeda huumeanda aba bariinyeega huumwa aba heeda orjoogiyya, abwariinya geat huumwa aba jeeda guroorooda.

NYIIGHEEGA 18:20

NG'UTAMIIDA ghoamwaaran aba giteena doobiiwnateanyu; aba gisam alooheeda geatingeasu ghoah gidagoonan.

NYIIGHEEGA 26:6

Gaydeahuun geatingeasu aba gideaba mandanean ramaseanda; ak ea neaweesi headaang'u bea wagiida, Ea NG'UTAMIIDA,

Gadiyeeda Giijasoodiga 15:9

ak ea masina shiitmeeda aba aseasa ea saawa, ak goohuun gurooruunatka nyaawa aba masaweega.

GIING'EETA 18:23

Ng'ata goosiipsa Abrahamu ak gwayeesha, “Ang'iing'i gigasayi lasa uhuuda fuga doobiiweadi ea gea munyasi?

AYUBU 16:17

Ak ea manda gidamuy neasinyi, nea mooshteanyu aba heeda ASEETA aamiy.

Mattayo 15:2

“Ghwasaan anda giinealangaagu maduupa ng'asheega siing'wanyaana fugeaba garayi bea ghaheanya? Iissa gweagiischi nea meahuuna geatinga.”

YEREMIYA 4:11

Aba damandida fiisu ea mujiineeda Yerusalemu gajeeyeesha, “Jeameeda geayda ng'waan leabu iheenga heayeeniga balang'da gaygaweesa fugeasu, ak ghoaleal ghana gwasisin,

AYUBU 9:30

Earapeadi eahuundi beega gapkeanda, nea ghaanung' ghamiidu geatingeasu aba saabuuni.

ISAYA 13:15

Siida was sean siroonyi geang'ut, nea dea siing'waay geabwar aba ng'uta.

NYIIGHEEGA 73:13

Ak ea naamiidu gurooroodeanyu mwadaagha ak geahuunyi geatingeasu nea mandanean giidiinyeanda.

Mattayo 27:24

Daah Bilato gideaba mwanyasa gil ghoahaada nyarasta, gageanu beega ak goohuun geatingaaschi aba madeeda eemeeda ak gwayeesha, “Aniini manda gichea ghwaagan aba foojeandeaba siisi asawsiina agooga nea goobea geat.”

1 SAMWELI 14:35

Ng'ata ghwadeas Sawli heeda wagiida bea NG'UTAMIIDA; nih heeda wagiida deas bea madeeda gil sissa NG'UTAMIIDA.

NYIIGHEEGA 119:113

Aniini ghaasichi fuga maba fughareanagi, nea aniini ghaabwariinyi deaweedeadaang'u.

ISAYA 58:2

Ak gagaseadayean galeagasean, gagasa ghwanal naweadingeasu, gawuurji eemeeda Sini gea doobiiweadi, nea mwanung'waada deaweedeeda ASEETA nyaawa, ak aba heedeanyu gagasa diigheanda doabiiwaat ak gahoosan aba gideaba gwaneekiisa ASEETA.

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

HEAREEGA 3:57

Gihidu murdeedeanyu damanda eaguurnaneey; ak giyeeni, ‘Adibeali!’