Yakkobo 4:6 - Bibliyeeda Ghaydit

⁶ Amadu gagoaneasa dagheerjeanduumeeda naawda; nea gwayi, “ASEETA iissa ghaheawa fuga adiing'u geat, ak iissa ghoadaw dagheerjeanduumeeda fuga eada geat ng'eanyi.”

NEAJEEDA EESH BEA BUUNEESSEAN

⁶ Amaduw gagoaneasa dagheerjeandumeeda naawda; nea gwayi, “Aseetta iissa ghaheawa fuga adiing'ng'u geat, ak iissa ghoadaw dagheerjeandumeeda fuga eada geat ng'eanyi.”

Yakkobo 4:6 Referans Kwoze

Mattayo 23:12

Siida adiing'u geaw gajeahiing'u, nea dea hiing'u geaw gajeetiing'u.

GHWASIILDEANGA 3:34

Aba huumwa inyeesa gafool fuga foola fih, ak ghoadaw fuga eadageat ng'eanyi dagheerjeanduumeeda.

1 Betro 5:5

Gwasunu eara agooga gheareemanga asisiina gweargwa mureeda. Ookweala geat, oogasean, nea gaba siisi sissa nuut mureeda, aba gideaba, “ASEETA iissa ghaheawa fuga ghwarjeeda, ak ghoadaw dagheerjeanduumeeda fuga eada geat ng'eanyi.”

GHWASIILDEANGA 18:12

Ghwarjeeda guroorooda gaygweadu nyariida, nea eateaba geaw bea ng'eanyi gaygweadu mureeda.

NYIIGHEEGA 138:6

Earapeadi NG'UTAMIIDA mida humng'eedean, iissa gang'ula fuga manda uurjeenga; ak ghwanal siida ghwarjeeda nea sheagi.

GHWASIILDEANGA 29:23

Siida mideawa ghwarjeeda gaygoorareang'u niny, nea dea aat geaw ng'eanyi gajeataw mureeda.

GHWASIILDEANGA 22:4

Garbabanda ea gheawalmeeda NG'UTAMIIDA, gaygwanyakneey giimearda, ea mureeda, ea eaweega.

Lukka 14:11

Aba gideaba siisi nyooh goodiing'u geaw gajeahiing'u nea dea hiing'u geaw gajeetiing'u.”

ISAYA 2:17

Ak weashweashta siida gajeahiing'u, nea ghwarjeeda buuneeda gajeerareang'u; ak gajeakghaambiit NG'UTAMIIDA ak ghwahit eaweecheanji.

AYUBU 22:29

Aba gideaba ASEETA gayghabwaay fuga ghwarjeeda, ak gwalealu fuga ng'eeni.

Lukka 18:14

Geayeeshiineegwa, ghwararang'aada siidida ang'oonyi gwaadiin gawa gheanyi nea siitaw doobiiwnata ea ghang'al niirja; aba gideaba siida nyooh goodiing'u geaw gajeahiing'u, nea dea hiing'u geaw gajeetiing'u.”

DANIELI 4:37

Asi ghamneawa aniini Nebukadinesa, ghaaghaambiichi nea geasisi mureeda nea geagwarsi sugoocheanda mida humng'eeda; aba gideaba gadiyoojigaaschi sean aamiyaas nea naweadingaaschi ghwadoabiiw; nea fuga ghwarjeeda gayghwahiing'u.

ISAYA 57:15

“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.

Lukka 1:52

Ak ea niirareang'na fuga mideawa uurjeenga hoorgajeega nyaawa bea sugoocheanduumeeda, ak goodiing'u fugiga mandeawana uurjeengean;

GHWASIILDEANGA 15:33

Gheawalmeeda gheang'da NG'UTAMIIDA giinealshooda weaghuumeeda gil, eatoodeaba geaw bea ng'eanyi gaygooshooyna mureeda.

2 DAMANYOOJIGA 33:12

Hean aba jeeda sawanaduutkaaschi ghoapkaat alooheeda NG'UTAMIIDA was ASEATAANYI ak ghwaat geaw ng'eanyi aba madeeda ASEETA ghweanigaaschi.

1 SAMWELI 2:3

Adagudubaloola muuchi nea gighwari geaw, ak ea adagwarina ghuutaang'u ng'asheega ghwarjeeda; aba gideaba NG'UTAMIIDA ASEETA mideawa fughareeda, ak aba niny gaygoorgweaksa ng'asheega sin buuneeda.

2 DAMANYOOJIGA 34:27

aba gideaba gurooroadaang'u nibumbuniit ak giyaadi geaw ng'eanyi aba madeeda ASEETA damanda iiyiinyi ng'asheagaaschi rukusa ng'eanyiini ea fugeaba ng'eanyiini, ak ea niyaadi geaw ng'eanyi aba madeedeanyu, nea nibwaashaadi hang'weakaagu nea giiyeawdi aba madeedeanyu, eara aniini ea nealeeyseey iita, gwarugu NG'UTAMIIDA.

2 DAMANYOOJIGA 32:26

Ng'ata gwahiing'sa geaw ng'eanyi Hesekiya aba ghwarjeeda gurooroadaanyi, niny sea fuga abiita Yerusalemu, ak ea mudu ghwahidu nyarasta NG'UTAMIIDA heanyaawa aba damanda Hesekiya.

Mattayo 13:12

Aba gideaba siida wassean mideawa gil gajeeheasa ea ghwanaawda, nea siidida mandeawana giliin, eara gidida mideawean gajeareat.

2 DAMANYOOJIGA 33:23

Ak niny ea mwaada geaw ng'eanyi aba madeeda NG'UTAMIIDA gawuurji gida aata geaw ng'eanyi Manaseyda was ghwaan, ak Amoni niny ghoahaat ramaseanyeeka saang'a.

RITEAYDA 18:11

Asi ghamneawa ghaanali gideaba NG'UTAMIIDA eahaweewa aseecheeka sean, aba gideaba gwalealu buuneeda aba geatinda fuga Misri, ea aba sawanadeeda ghayi nyas saawa.”

ISAYA 54:7

Neanung'useey heeda gili mwanang', nea aba baydeayda haw gaydeadeelneey.

NYIIGHEEGA 9:12

Aba gideaba dea smureandooda foojeanda ghoapkaadeagwa, mii gwaroosa shooka fuga ng'arng'ari.

2 DAMANYOOJIGA 33:19

Ak musiischoadaanyi ea gida shaayda ghuutaanyi ASEETA, ea riing'eagaaschi sean ea ramaseanyeakaaschi ea heeda deeksa heetiyeada ak ghwayiin Asherimu ea sanaamajeega sisin, gheata mii ghwaat geaw ng'eanyi, ng'ula geeng'oorsa jeeda damanyoojiga meanga.

Yakkobo 4:10

Ayaada geat ng'eanyi aba madeeda Ng'utamiida, ak gaygagatkadeegwa.