Yakkobo 4:1 - Bibliyeeda Ghaydit

¹ Gweaduuni ng'ucheeda, ak gweaduuni bearjeeda aba jeedeang'wa? Mii ng'asheegiga bea geawunda gheang'da ng'uchi aba sasanuukeagweani?

NEAJEEDA EESH BEA BUUNEESSEAN

¹ Gweaduuni ng'uchcheeda, ak gweaduuni bearjeeda aba jeedeagwa? Mii ng'asheekka bea geawunda gheang'da ng'uchchi aba sasanuukkeagweani?

Yakkobo 4:1 Referans Kwoze

1 Betro 2:11

Fuga aabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchi sea gurooruunatkeagwa.

Galattiya 5:17

Aba gideaba saseeda gagasa gidida magassa Gurooroodean, ak eara Guroorooda gagasa gidida magassa saseedean; aba gideaba suh gwasheang'nyi ak ea majoamuusa asina gidoogasayi.

Ruumi 7:23

amadu ghaadaayi aba saseedeanyu deaweeda nuut nea gang'uchi sea deaweedeeda fughareedeanyu ak ghwanung' doaw giing'oonyaneeda deaweedeeda riing'eeda mida jeeda saseedeanyuun.

Ruumi 8:7

Nea fughareeda siikeal ng'asheega saseeda ea muy aba heeda ASEETA; ghanyea mamwasa deaweedeeda ASEETA, nea aba huumwa ghanyea maygwasissa mureeda;

Yakkobo 1:14

hean giliwas sih iissa geesimsim damanda sigassa nea geaghurghur aba gidida gasean.

YEREMIYA 17:9

Guroorooda gaba ng'uya ea ghwanaawa haleanjeeda sean, nea ea nidatasa muuchi; gayghoamu ng'eaha ghwanal?

1 Betro 1:14

Awuurjeewana diibiga mideawa mureeda, ak adagudoobiiksi jeeda ng'asheegeagwa munyas bea mwadi bea leendeedeang'wa,

Golosaayi 3:5

Asi anung'waada ng'asheega munyas bea muunda ng'eanyiida mida saseenuukeagwa: was hiseadayeanduumeeda, ririnnyeanda, geawunda gheang'da muy, giiteemshooda muy, ea shidoodeaba ghaang', ea ghadoowanda sanaamu.

2 Betro 3:3

Gidamadeeda geagasayi anala ng'asheanji bea gideaba damanda huuydean gay ghapka fuga bwariiy shikooda nea gay gwashikeegwa, nea ghwaat geeshta gidagasa sasanuuka nyaawa

Yakkobo 4:3

Eara amusa ghanyea mwajanyasa, aba gideaba goomunyiichi musooda, ak abeeda goosini gidida oogasayiin.

2 Betro 2:18

Aba gideaba iissa gwarugu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

Ditto 3:3

Aba gideaba ghayi aba mwadi geewooschi dasheahi, ak ea meendeawani mureeda ak geewooschi roodanga, ea giing'oonyanga aba miyeenooda muunda ng'eanyiida, nea geepiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

Ditto 3:9

Ak giing'aami geaw ng'asheega jaleadinga, ea ng'asheega siroaproabwaada, ea foolayda ea sheang'nyeeda aba badayda deaweeda, aba gideaba mayghwaloat gil ak ea mwahida.

Ruumi 7:5

Aba gideaba damanda duu eepiideewana saseeda aba gasooda riing'eeda, mida aba badayda deaweeda, sin gadiyeeda aba sasanuukaasa ak iidu gwajiilsa miyeeda haghweega.

Mattayo 15:19

Aba gideaba jeeda guroorooda gwarituuna giiteemshajeega munyas, nuusta siida, mealuuleega, hiseadayeanduumeeda, mareanghuumeeda, muuwuunooda ng'uyyeega, ea beeshta siida.

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

2 Dimoteo 2:23

Asi heawana sheang'nyeeda leendeeda manda jeeda fughareeda, ak ginali gideaba sheang'nyeeni gaygwaji jaliida.