Yakkobo 3:6 - Bibliyeeda Ghaydit

⁶ Ak ng'ushapta ea beasta. Nea ng'ushapta ea gidamiidoabiiwaat gil aba jeeda fugaasa, iissa ghang'uda saseesean ririnnyeanda, iissa goong'eesa beasta haleanjeedeaba garayi, ak ghoang'eat jeeda beasta hang'weaniidooda.

NEAJEEDA EESH BEA BUUNEESSEAN

⁶ Ak ng'ushapta ea beasta. Nea ng'ushapta ea gidamiidoabiiwaat gil aba jeeda fugaasa, iissa ghang'uda saseessean ririnnyeanda, iissa gong'eessa beasta haleanjeedeaba garayi, ak ghoang'eat jeeda beasta hang'weaniidooda.

Yakkobo 3:6 Referans Kwoze

GHWASIILDEANGA 16:27

Siida muy seara ghamwaal ng'asheega munyas, nea ng'asheagaaschi inyeesa gawuurji beasta ng'waan.

Marko 7:15

Manda gichea gawa jeesiida leabu jarooda, jea ghang'uda siida ririnnyeanda. Amaduuku ng'asheanda leabu jeesiida ea gea ng'uta siida ririnnyeanda gil.” [

GHWASIILDEANGA 15:1

Sheayda ghuuta siida aba garbabanda gayghwanung' ghahawda nyarasta, nea ng'asheanda ng'waan gayghoahaat nyarasta.

Lukka 16:24

Gaguurda nea gwayeesha, ‘Bwaabwa Abrahamu, samsean ajeakni Lasaro ghang'uda mooneadaanyi jeeda beega, googarbiit ng'ushapteanyu aba gideaba geasawani aba jeedeapeasi.’

GHWASIILDEANGA 6:19

Muwshoocheanda ng'uyeega inyeesa gwarugu ng'asheega ng'uyeega, nea inyeesa ghang'uda foolayda buuneeda.

NYIIGHEEGA 140:3

Ak ghwashit ng'ushapkeaka nyaawa gawuurji ichipkeega, nea hing'eadayda ng'ushapkeaka nyaawa gwanda furooda ichipkeega.

NYIIGHEEGA 64:3

fuga shit ghuusiga nyaawa gawuurji ng'utkeaka, ak ghwanung' ghabeada geatka ng'asheega ng'weani,

3 Yohaana 1:10

Asi iyaawunyi, gaydeadu iita gissin, aba gideaba iissa goojuur nea gwarukuna badaydeanyu ng'asheega munyas. Ea mabeachi suh, ghaheawa niny ghwadeapta fuga eaduupcheewi, ak ghoaghuum eara fugiga gasa ghwadeapta saawaan ak gooruuteawa jeeda ganiisa.

Yakkobo 2:7

Nea marukunana ng'asheega munyas gheawungiga miyaasiin ghayi sigooneegwean?

Gadiyeeda Giijasoodiga 6:13

geesin muushoodiga ng'uyeega ak gwayeesha, “Siisi moang'wa ea marukuna ng'asheega munyas aba badaydeaba hiji ghaydidiin ea deaweeda;

Gadiyeeda Giijasoodiga 5:3

Ghwalamda Betaro ak gwayeesha, “Ananiya ghwasaan anda ginung' goobal gurooroadaang'u Shataani ea ghwanung' reengana Guroorooda Ghaydit ak gifunyi haleanjeeda mwaatkwa bea madamnyeandean?

Mattayo 12:24

Iiy Farisaayajeega ng'asheesu gwayi, “Siisi ghahoan meangeenda aba gideaba gwandeawa uurda Beelsebuli, meang'nyeandida bea eenda hawiin.”

Mattayo 5:22

Ak aniini geayeeshiineegwa, siida wassean jea gwanyareeksa orjeeda ghaamwat gammiisa girgweaksiinda; ama dea ang'eawi orjeeda ghaamwat gammiisa eata madeeda gweargwa, ama dea eesha orjeeda ghaamwat, ‘Guwoosi leekghteanda!’ Gammiisa beasta maloonghajeega.

2 SAMWELI 19:43

Ghwalamda fuga Israeli ak gwayeesha fuga Yuda, “Aseasa geendeawi ng'asheega sigasayi niba damanamughuush aba heeda sugoocheanda, ak eara aba heeda Dawdi geeburdeaweegwa agooga. Abeeda ghwasaan inyas goofooleasa? Neada ea meewoosi fuga madeeda rugu giideelnooda sugoocheandeanya?” Ak gang'weaniidi ng'asheega fuga Yuda ea ghwanaawa gea fuga Israeli.

Giidaheechta 19:20

Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuuta siida geeshi ea dea gatmooda sighi maygudu eebiikta eeyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak eemoojiga sean ea sireengani aba beeneetkweanduumeadaang'u.

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

2 Betro 3:3

Gidamadeeda geagasayi anala ng'asheanji bea gideaba damanda huuydean gay ghapka fuga bwariiy shikooda nea gay gwashikeegwa, nea ghwaat geeshta gidagasa sasanuuka nyaawa

Ditto 1:11

gidabal gearat ghuusiga nyaawa aba gideaba fiisu inyeessa gahuteawi buuneeda aba giinealshooda ak ghwanyas haleanjeeda aba giinealshooda mwadaagha.

Gadiyeeda Giijasoodiga 20:30

nea aba jeedeang'wa agooga gaygwarina fuga jea gwarugu ng'asheega ng'ooweata, jea ghwanung' ghwaat giinealanga geeshta nyaawa.

YEREMIYA 28:16

Ak ghamneawa ging'ulayi, gwayi NG'UTAMIIDA, ‘Ng'ula gaydaang'aamwaneeyi badayda ng'eanyiida, nea gaymeawa aba jeedeaba gweanyi aba gideaba niihaagi buuneeda sidita NG'UTAMIIDA.’”

YEREMIYA 20:10

Gwanda fuga aayiinyi nea ghwaak badaydeanyu. Gwanda muuwda meatkwajeega sean! “Oahaakta niny! Anung' Eahaakta!” Ng'asheesu gwarugu fuga earooroocheewi, nea goomuuku giibeedeaydeanyu. Ak gwayi, “Gwadeepa ghamwas eayaak gheanyanga, ak abeeda gajeajoar, ak geawaldi mureandooda aba headaanyi.”

ISAYA 30:27

Ng'ula, NG'UTAMIIDA ghwahidu nea gwaleabu deasheagi, nea gaba nyarasta ng'waan, nea ghuutaanyi gwarina aroosta haw, ak ghuutaanyi ghwanyiit nyarasta, nea ng'ushaptaanyi gawuurji beashta.

IITOODA 31:16

Ng'ula, suh gea nung' goodiiy fuga Israeli, aba girgweageeda Balaamu, ak ghwanung' gwasissa riing'eeda NG'UTAMIIDA aba ng'asheanji bea Beoriin, bwak ea ghwanyas buuneeda geeyooda muy was fuga bwatgeat bea NG'UTAMIIDA.

2 DAMANYOOJIGA 13:17

Ng'ata ghabwar Abiya sea fugaaschi saawa aba bayiiga hees; ak gameewa fih sagalamnyooji bughalaji muut (500,000) was headiga sigwalu.

2 SAMWELI 16:20

Hean gwayeesha Absalomu Ahitofeli, “Argweakseasa; gajeesina naaha?”

GIIPKEATA DIIGHEANDA 13:6

“Inyas orjeeda gweanu was orjeeda geamadu, ghana orjeedang'u, ghana hudaang'u, ghana gatmoadaang'u ibwariinyi, ghana siida irooroocheewi uurji gidibwariiydi geaw, ak gwayi, aba makcheameeda, ‘eeweaya eabwada aseecheeka,’ minali ang'iing'i ghana ghweanigaagu.

NG'ASHEEGA LAWI 24:11

hean goong'eawi orjeeda was ghaamwat Israelajeanda gheawunga ASEETA nea ghamwaashta. Ak geeyaat heeda Musa. Nea gheawunga ghaamwat geeguura Shelomiti, was hudeaba Dibri, bea dooshta Dani.

IITOODA 25:2

aba gideaba gaguursa gadeemga buuneeda ghapka lukghumajeega aseecheeka nyaawa, ak ghwaak buuneeda hamita ak gwatkuy ghabwat aseecheeka nyaawa.

GHWASIILDEANGA 7:5

Ak gaygafurnyi aba gatmooda hiseada, nea ghwasajaneey ng'asheega munyas bea gatmooda was rabascheanda.

ISAYA 50:11

Ak agoogeeda ooyeachi beasta, nea goosisi geat dabita ng'ucheeda bea gheaboonyanga. Asi aweayeena aba gheaboong'nyeandeaba beasi, ng'ushapta beasta oayeachi agooga nea goobea geat! Gichea anyasa aba heeda NG'UTAMIIDA nih gil, gajaweayeena ruweanga aba sawanadeeda haw.

Yakkobo 3:7

Aba gideaba gilinyoo ea heeluutka diyeanga gil ea dea dariidaka, ea dea diyeanga badiina ng'eanyi ea dea haleanjeeda mida jeeda basooda, geamu eefur, ak ea nigeawiit buuneeda ghoahaaghwa.