Yakkobo 2:5 - Bibliyeeda Ghaydit

⁵ Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

NEAJEEDA EESH BEA BUUNEESSEAN

⁵ Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Yakkobo 2:5 Referans Kwoze

Mattayo 5:3

“Ghang'wana fuga barbari gurooruunat, aba gideaba sugoocheanduumeeda humng'eeda daanyaawa.

Lukka 6:20

Iidu gagatkat gheanyangaaschi goong'weersa ginealangaaschi, ak gwayeesha: “Ghoang'wani agoogeeda barbari, aba gideaba sugoocheanduumeeda ASEETA deang'wa.

Giidaheechta 2:9

“‘Ghaanali sawanadeadaang'u ea barbarandaang'u, (ak guwoosi meanang'oocheanda), ak ghaanali eara giing'weakeaba fiisu eena geewooschi fuga Yahudi nea mawoosean, nea saawa ea ghooriida siinealshacheewa bea Shataani.

2 Goriinto 8:9

Aba gideaba noanali dagheerjeanduumeeda Ng'utamiideanya was Yesu Gristo, earapeadi baruuriin, hean ghabwarbwariit aba badahuukeagwa, ak abeeda aba barbarandaanyi ghoahuuyi baruurji.

Lukka 12:21

Asi nih giduurji siida adiiwiisa geaw gheaseeda, Nea meabarursiina gea ASEETA.”

1 Betro 1:4

ak geanyaschi hearanda may ghwadatas, mandeawana ririnnyeanda, nea mayghwasis, sighamwat aba humng'eeda aba badahuukeagwa,

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Ebraniya 11:26

Ak ghwanung' ghoah giing'weaka ea sawanadeeda Gristo meanang'oocheanduumeeda haw mawuurji maghasuuka siitiing'da bea ng'eanyiida Misri, aba gideaba ghoamuughu giimearda.

Lukka 12:32

“Adoabeali agoogeeda ng'ay, aba gideaba gagasa Ghweandeang'wa gideaba gahaguuw gagooneegwa sugoocheanduumeeda.

1 Goriinto 2:9

Gawuurji gissing'oarda, “Haleanjeeda manda gheang'da nidaah, ghana iita niyiiy, ghana ghoapkaat guroorooda siida, haleanjeeda nigeawiit gwasisin ASEETA aba badahuuka fuga bwariiy niny.”

Mattayo 25:34

Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;

Giidaheechta 21:7

Nea dea jooriischi gaygwahearan haleanjeeni, ak gaydoaw ASEATAANYI nea niny gayghoah orjeedeanyu.

Yakkobo 1:9

Anung'waada orjeeda giyeanya mwanang' ghaghwar geaw aba jeeda hooseaneagaaschi,

2 Dimoteo 4:8

ama ng'ata suh geegoonan shiipka aba doobiiwnata dea iidu eaweeda jea gagoonan Ng'utamiida nea niny ea dea doabiiwaat girgweaga ak ea mii aniini gil ak ghwahit eara fugiga sean gasa giidaheachtaanyiin.

2 Goriinto 6:10

geewuurjeewi fuga giisan, nea ghana geehoosanyi galeagasean; nea geewuurjeewi fuga barbari, nea ghana geeparuurji fuga saang'a; geewuurjeewi fuga mandeawana gil, nea ghana geendeawi haleanjeeda sean.

Giidaheechta 3:18

Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.

1 Dimotteo 6:18

Dasina ng'asheega miyaasiin ak ghoaw meanang'oodiga aba sinooda gea miyaas, ak ghoadayda haleanjeeda nyaawa nea gabareanyi sea buuneesuurja aba jeeda miy,

Lukka 16:25

Gwayeesha Abrahamu, ‘Orjeedeanyu, apkaada gideaba ang'iing'i ninyasi haleanjeeda miyaasiin aba jeeda eaweagaagu, nea Lasaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Mattayo 11:5

fuga ng'oowi ghoang'wearda, fuga badeeda gaweelweel, gea bearji udamusuura geamiidu, gea miinyi gwayiing'shi, fuga meewa gwaduutu nea fuga barbari geerukusa Giijasta Miy.

1 SAMWELI 2:30

Ng'ata gwayi NG'UTAMIIDA was ASEETA Israeli: ‘Aniini gearugu gideaba gheang'u ea ghaheang'wa gayghapka nea gaweay aba madeedeanyu damanda manda muudeanooda’; ak ghamneawa gwayi NG'UTAMIIDA: ‘Gagasa gwasheagiidanean ng'asheanji; aba gideaba fuga sinnean mureeda gaydasissa, nea fugiga foolaniin gaydafool.

2 Betro 1:11

ak gajanyasa muuchi beata jeeda sugoocheanduumeeda manda muudeanooda bea Ng'utamiideanya ea lealnoocheandeanya was Yesu Gristo.

2 Dimoteo 4:18

Ak gaygwalealneani Ng'utamiida aba ng'asheanda wassean muy, ak gayghaghamwadan ea dahita gheambalmeadaanyi bea humng'eeda. Giigheambiita daanyi gil ea ghoah eaweega manda muudeanooda. Amin.

2 Desaloniikke 1:5

Nih gwadeagooda girgweageeda huumwa bea ASEETA, ak abeeda geanung' ahuwa fuga miisa gheambalmeeda ASEETA, was dea ghamneawa sisawasseegwa–

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

Ruumi 8:17

ama siwooschi diibiga, ada abeeda geewooschi fuga jea gwahearaniischi, fuga adaw ASEETA hearaniischooda, jea gwahearaniischi sea Gristo, asaha, iisisawaneasa sea niny abeeda iimuchu geakghaambiideasa sea niny.

Lukka 16:22

Ghami siidida bwarbwariin, ak ghwaat malaykajeega ea ghoahiita madeeda Abrahamu. Muchu ghami eara meanang'oocheandida ak geebuy;

SAKARIYA 11:7

Hean ghaahuuyi jeagiischoocheanda gisilga jea eenuuseada, was gisilga munyas manda uurjeenga. Ak ghaanyaschi bayi iyeenya, ak dea madeeda geaguuri dagheerjeanduumeeda, nea deaba iyeenya geaguuri guuyeeda, ak ghaahaaghwi gisilga.

ISAYA 29:19

Fuga eadageat ng'eanyi gayghoahaada hooseaneega nyaawa aba badayda NG'UTAMIIDA, nea fuga barbari mida bugusta buuneeda gaygahoosan aba badayda dea Ghaydit asagi bea Israeli.

ISAYA 14:32

Gajeashaaha naaha ghuuta fuga siicheagu bea eemoojiga? “Gajeeyeesha gideaba NG'UTAMIIDA nideas nea goomajeek sindeeta Sayuni, ak fugaaschi ghayi sighabwas gaygamng'awsa hoowa.”

AYUBU 34:19

was dea meahiimsiina shiitmeeda fuga hees, ghana gang'ula muuchi meanang'oodiga ea ghang'al fuga barbari, aba gideaba sean gadiyeeda geatingaaschi?

AYUBU 34:10

“Asi, ooleeysean iit, agoogeeda oondeawi fughareeda, ASEETA maygwasin ng'asheanda muy, ASEETA hoauur moamu gwasin giidiinyeanda.

RITEAYDA 20:6

Ak ghaabwaydi fih sagalamnyooji sagalama bwariinyan, nea ghoang'waay diigheanyeekeasu.

Yakkobo 1:16

Adeereenganeegwa, fuga eaduupcheewi aabwariinyi.

1 Desaloniikke 2:12

ak ghoabeadi gidahaguuwdaneegwa aba madeeda ASEETA, ghayi guurneegwa agooga ak abeeda gooweayi jeeda sugoocheanduumeadaanyi ea giigheambiitaanyi.

Efeeso 1:18

Gheanyanga mida jeesingeagwa gagasa eayeat, ak ghoanali rarooda gidaguurdeaydaneegwa giduurji, ea meanang'oocheanduumeadaanyi ea giigheambiita hearaniischoadaanyi aba heeda fuga ghaydidi,

2 Goriinto 4:15

Aba gideaba ng'asheega sean gaba badahuukeagwa nea gidahaadaata dagheerjeanduumeeda muuchi, ghoahaada badiischeesiinda aba heeda fuga saang'a, aba giigheambiita ASEETA.

Yohaana 7:48

Ghoang'wa adaaha eara ea siyagi gil aba jeeda fuga ambaliischi dea mwas ghana Farisaayo dea mwas niny?

Lukka 22:29

gawuurji gidaghayi goondaneani Bwaabwa sugoocheanduumeeda, eara aniini gaydagooneegwa,

Marko 7:14

Ghabwada geat Yesu eemeeda ama hit gwayeesha, “Oaleaydiit oogasean ak goojeeng'u.

SAKARIYA 11:11

Ng'ata geenuus neajeeda eaweedida. Nea fugiga shaah nea ghwashaayda gisilgean gang'ulean, ak ghwanal gideaba NG'UTAMIIDA gabaloola jeeda ng'asheega easinyi.

SEFANIYA 3:12

Ak gaydeabiida bugusteang'wa fuga garbapi ea gea barbari. Ak saawa gaygagasa heeda jea gamng'awsa aba gheawunga NG'UTAMIIDA,

GHWASIILDEANGA 8:32

Asi ooleeysean iit orjoogeasu, ghang'wana gea ang'waay naweadingeasu.

GHWASIILDEANGA 7:24

Asi orjoogeasu, ooleeysean iit ghamneawa, ak gooteemsheesi ng'asheega earukuneegwa.

AYUBU 38:14

Ak ghwayamwa oormeadaanyi gawuurji sigeeda mida hing'eadayda giirooraneeda, nea haleanjeeda sean gwardu nea gawuurji eaghwada.

1 SUGOODIGA 22:28

Ak gwayeesha Mikaya, “Inyas gibiigu nea gibeahi hoyyoo, abeeda ea miigoobaloolan NG'UTAMIIDA.” Ak gwayeesha, “Ayiinya buuneesean.”

Gadiyeeda Giijasoodiga 7:2

Ghwasha Stefano ak gwayeesha, “Fuga eaduupcheewi ea ghweanigeasu, ooleeysean iit. ASEETA ghaambiidaat ghayi gabusiinyi sea ghweandeanya was Abrahamu, damanda mideewa ng'eanyiida Mesopotamiya, nea mii gawa goobiida Harani,

FUGA LAJA GIRGWEAGUUTKA 9:7

Iidu nea gwarukusa Yotam, ghang'eat gawa ak ghamiinaada aba uhuuda giijeeda Gerisimu, ak ghwanya ghuutaanyi nea goojuur, nea gwayeesha, “Ooleeysean iit ea fuga sean bea Shekemu, ak abeeda gaygooleeyseegwa iit ASEETA.

1 SAMWELI 2:8

Iissa goodiing'u fuga barbari ghang'eatng'eada jeeda birjeanda; ak gagatkat fuga gasa haleanjeeda aba raghwata deareeda, ak ghwanung' gwandeayi sea sugoodiga hees nea gwahearan hoorgeeda ghaambiidaat. Aba gideaba daranajeega ng'eanyiida gaba NG'UTAMIIDA, nea iheenga nyaawa ea niyiin ng'eanyiida.

GHWASIILDEANGA 13:7

Gwanda siida inyeesa gwahinda geaw giliwas meanang'ocheanda, nea mandeawana eara gil, ak gwanda dea hinda geaw gil bwarbwar, nea ea meanang'ocheanda gil.

Yakkobo 1:19

Hean nea ghoanali ng'asheesu, fuga eaduupcheewi aabwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea mii asas nyaras,