Yakkobo 2:1 - Bibliyeeda Ghaydit

¹ Fuga eaduupcheewi, adiidu ghoahiimu shiitmeeda nea ghoang'waanyi masaweega Ng'utamiideanya was Yesu Gristo, Ng'utamiida giigheambiita.

NEAJEEDA EESH BEA BUUNEESSEAN

¹ Fuga eaduupcheewi, adiiduw ghoahhiimu shiitmeeda nea ghoong'ng'waanyi masaweega Ng'uttamiideanya was Yeesu Gristo, Ng'uttamiida gigheambiita.

Yakkobo 2:1 Referans Kwoze

GHWASIILDEANGA 24:23

Ak eara suh ea ng'asheega fuga weaghoodi gil, shiitmeeda buuneeda aba girgweageeda mwahida.

Yakkobo 2:9

Iidu iyooshiichi buuneeda goosinyi riing'eeda, ak gaygoorgweakseegwa deaweeda ak ghoahuuyi fuga adiiy.

GIIPKEATA DIIGHEANDA 16:19

Adiidu gighwani huumeanda doabiiwaat, adiidu gisini shiitmeeda; nea adigeandi haleanjeeda seawshooda, aba gideaba seawshooda iissa gwadukuta gheanyanga siida bwaraawu ak ghwayam girgweageeda fuga doobiiweadi.

NG'ASHEEGA LAWI 19:15

“Adiidu ghoalaji girgweageeda nea meatoabiiwi; ak ea adishiidi siida bwarbwar ghana awala gheang'da siida haw, gagasa laja girgweageeda gischeewoocheandaang'u nea giidoabiiwi.

GIIPKEATA DIIGHEANDA 1:17

Adiidu ghoashiichi buuneeda aba lajita girgweaguutka; ooleeysiina iita fuga manang'i ea gea hees aba gilagi; adiidu eara siyagi ghoabealeagwa, aba gideaba girgweaksiinda gaba ASEETA; aba girgweageeda ooraanyi alaja gooyeanean, ak abeeda gaydealeeysa iit aniini.’

GHWASIILDEANGA 28:21

Shiitmeeda buuneeda mwahida, ghana goodiiy siida aba banakcheanda mukaate.

2 DAMANYOOJIGA 19:7

Ak ghamneawa, danung' goobiida heedeanya gheawalmeeda NG'UTAMIIDA, nea goofurji muuchi gidoosinyi, aba gideaba aba heeda NG'UTAMIIDA was ASEETEANYA manda ng'asheanda muy, nea maduupa saseenuuka buuneeda, nea ea moang'oonya seawshooda.”

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

Yakkobo 2:3

amadu goosisi mureeda siidida akwa hang'weaka miyaasiin ak gooyeeshi, “Apteada ang'iing'i aba hiji,” ak giyeeshi siidida bwarbwariin, “Miinaada ang'iing'i aba hoowa,” ghana, “Apteada aba hiji bea geeshangeasuun,”

Yuuda 1:16

Fiisu inyeessa ghoaniikgh, fuga mideawa sicheeda, inyeessa ghwaat geeshta ng'asheega nyaawa gasa, fuga hees ghuusi gwara geat, reengani buuneeda ak ghwanyas gheata gidagasa.

1 Dimotteo 5:21

Ng'asheanji gearukuneey aba madeeda ASEETA ea madeeda Gristo Yesu ea madeeda giijasoodiga humng'eeda siloat, sina ng'asheesu nea adilamwaji girgweaksiinda, nea adisini ng'asheanda aba shiitmeeda.

Mattayo 22:16

Iidu goojeakta giinealanga nyaawa headaanyi ea gea Herode geanyaash nea geeyeesha, “Giinealshoocheanda, Aseasa geanali gideaba ang'iing'i guwoosi siida huumwa, ak gibwadi nih giinaali buuneeda naweeda ASEETA aba huumeanda, nea ghanyea miduupi hawunda siida aba gideaba ming'uli ratooda buuneeda.

1 Goriinto 2:8

Ea manda aba jeeda fuga ambaliischi aba damani dea nal ng'asheanji; aba gideaba inyeeda heeta ghwanal, abeeda ea maygoongoor Ng'utamiida ghaambiidaat.

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

Ditto 2:13

nea geamuughu ghusooda mideawa ghawooda ea giidaheachta giigheambiita ASEETA haw ea lealnoocheandeanya was Yesu Gristo,

Gadiyeeda Giijasoodiga 20:21

ak geamuuwiisi sean fuga Yahudi ea fuga Yunani ak gearukusi iita duukuunooda aba heeda ASEETA ea iita masaweega mida jeeda Ng'utamiideanya was Yesu Gristo.

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

Ditto 1:1

Bawlo, soomjeanda ASEETA ea biissa giijasoocheanda Yesu Gristo, ak ghaanung' gawa mwadi masaweega fuga loat ASEETA ea fughareeda huumeanda mideawa miyinda,

1 Dimotteo 1:19

Ak guhuwi siida masaweega biissa aamiy fughara aba gideaba gwanda fuga ninung'waada miyinda fughareeda, hean ghwadatas masaweega nyaawa.

Golosaayi 1:4

aba gideaba siyiinyi iita masaweegeagwa aba badayda Gristo Yesu ea gidoabwariiydi fuga sean ghaydidi,

Ebraniya 1:3

Aba gideaba niny ghoahiimu weeshinda giigheambiita ASEETA nea gwandeawa giirooraneeda ea seareadaanyi, ak ghwasar ng'eanyiida aba ng'asheandaanyi mideawa uurda. Iing'ata nea nisin giimiinnooda riing'eeda, hean goopteada aba meatkweeda geatinda dugwa bea ASEETA was Ng'utamiida aba hoowa bea dea daliiliin.

Ruumi 1:11

Aba gideaba geagasayi muuchi dadaheang'wa, ak abeeda geagoonyeegwa haleanjeeda guroorooda ak abeeda gagooneegwa uurda,

Gadiyeeda Giijasoodiga 24:24

Ng'ata eawoojisu ng'ay ghwahidu Feliksi nea goodeana gatmoadaanyi siguura Drusila, bea eemeeda Yahudi; hean ghwanung' eeyeadu Bawlo amahit gooleeysiit ng'asheega baloola bea iita masaweega Yesu Gristo.

Gadiyeeda Giijasoodiga 7:2

Ghwasha Stefano ak gwayeesha, “Fuga eaduupcheewi ea ghweanigeasu, ooleeysean iit. ASEETA ghaambiidaat ghayi gabusiinyi sea ghweandeanya was Abrahamu, damanda mideewa ng'eanyiida Mesopotamiya, nea mii gawa goobiida Harani,

Gadiyeeda Giijasoodiga 10:34

Ng'ata ghoang'eat Betaro baloaldaanyi nea gwayi, “Aba huumwa neajeeng'u gideaba ASEETA manda shiitmeeda;

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

Yakkobo 1:16

Adeereenganeegwa, fuga eaduupcheewi aabwariinyi.

Yakkobo 1:19

Hean nea ghoanali ng'asheesu, fuga eaduupcheewi aabwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea mii asas nyaras,