Yakkobo 1:22 - Bibliyeeda Ghaydit

²² Nea gagasa ahuwa fuga sina ng'asheanda, adoobeacheewi iing'da ak ghwahit, nea gooreenganayi geat.

NEAJEEDA EESH BEA BUUNEESSEAN

²² Nea gagasa ahuuwa fuga sina ng'asheanda, adoobeachcheewi iing'da akghwahit, nea goreenganayi geat.

Yakkobo 1:22 Referans Kwoze

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda ASEETA, geaghus fugiga sina deaweeda jea eataw doobiiwnata.

Yohaana 13:17

Asi iyoanali ng'asheesu abeeda ghang'wana iyoosinyi.

Yakkobo 4:17

Asi siida nal gidadoabiiw sinooda ak ea masina, aba headaanyi niiw riing'eeda.

1 Yohaana 2:3

Aba badaydeaba nih abeeda geanali gideaba geanali niny, iisiing'waanyi diigheanyeekaaschi.

Lukka 11:28

Hean gwayeesha, “Ghang'wana fugiga iiy ng'asheega ASEETA nea ghoang'waayiin!”

Mattayo 12:50

Aba gideaba siida wassean nyooh gwasin gidida bwariiy Bwaabeeda mida humng'eedean, siisi abeeda orjeeda giyeanya gil, ea huda giyeanya, ea iyya.”

Golosaayi 3:17

Nea gili wasean oosinyi, aba ng'asheanda ghana sinooda, asina sean aba gheawunga Ng'utamiida was Yesu, nea goobadiischeesi ASEETA was Ghweanda aba naweedeaba niny.

Giidaheechta 22:7

Ak ging'ulayi, gaydahidu nea ghaalamwajaanyi. Ghang'wana siida ang'waay ng'asheega siramoorani aba jeedeaba gitaaboani.”

1 Yohaana 3:7

Diibiga manang'i, adagwareenganeegwa sih; siida sina ng'asheega doobiiweadi gwandeawa doobiiwnata, gawuurji gidadoabiiwaata niny.

Yakkobo 1:26

Siida iiyeesha geaw gideaba gwandeawa diini, nea mwarada ng'ushaptaanyi, nea gwareengani gurooroadaanyi, diineedeaba siisi marachi gil.

Galattiya 6:7

Adeereenganeegwa, ASEETA meereenganna, aba gideaba siida gayghwalach gida wasean ghayi hista.

3 Yohaana 1:11

Fuga aabwariinyi, adoogali sinooda ng'asheega munyas, anala geaw alooheeda. Siida sina alooheeda siisi gaba ASEETA; ak dea sina ng'asheega munyas ea mii ghwadaah ASEETA.

Galattiya 6:3

Ak siida iiyeesha geaw guwoosi gil, nea mii gili, adagwareengani geaw.

1 Goriinto 6:9

Ghana moanali gideaba fuga mii doobiiweadi maygwahearan sugoocheanduumeeda ASEETA? Adeereenganeegwa; fuga munyas searooji gil, ghanea fuga bada haleanjeeda sanaamu, ghanea fuga mealuuli, ghanea fuga ashiigi suurja,

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

1 Yohaana 1:8

Iisiyeeshi geat meendeawani riing'eeda, geereenganayi geat, nea ea manda huumeanda jeedeanya.

Filippi 4:8

Asi orjoogiyya gidahuuydean jea ooteemsheesiina nih, ng'asheega sean was gea huumwa, ea gea mideawa mureeda, ea gea doobiiweadi, ea gea miyaas, ea gea sibwariiy, ea dagheerjeanduumeeda iimida miyinda wassean, ghana giigheambiita miy wassean, ooteemsheesiina ng'asheesu.

1 Goriinto 15:33

Adeereenganeegwa, “Baloolda muy iissa gwanuus searoojiga miyaas.”

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

2 Betro 2:13

ak gwasawana aba giidiinyeanda aba giidiinyeanda nyaawa. Ak ghwanung' ghoah miyeenooda leeshooda askwearda. Asi gwandeawa washta ea agita badayda, gwaleeshi nea gwareengani geat, aba jeeda ghweelmeeda nyaawa bea leeshooda sea agooga.

Ditto 3:3

Aba gideaba ghayi aba mwadi geewooschi dasheahi, ak ea meendeawani mureeda ak geewooschi roodanga, ea giing'oonyanga aba miyeenooda muunda ng'eanyiida, nea geepiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

OBADIYA 1:3

Ak ea nireenganeey ghwarjeeda gurooroadaang'u, ang'iing'eeda abiita jeesinga bearuutka lagheanga, nea giibindaanyi easheagi gwanda humng'eeda, was dea balool aba jeeda gurooroadaang'u, “Gaygweanean ng'eaha ng'eanyi ea daahiidu badayda ng'eanyiida?”

ISAYA 44:20

Ak giiteemshoadaanyi gweateay sea gil was deareedean. Siisi abeeda niroat mayghoamu ghaweat geaw nea gabwageaw ak gwayi, “Aba huumwa gili aang'oanyi geatindean reengaweega beachi gil.”

1 Goriinto 3:18

Siida adagwareengani geaw. Siida iidaah geaw, gideaba gwandeawa weaghuumeeda aba jeedeang'wa aba gweanyeeksu ea dadashaahiida ak abeeda ghwanyas weaghuumeeda.

2 Dimoteo 3:13

Ak fuga munyas searooji ea gea ng'uyeega gayghang'ata mwadi ak ghwaraanya buuneeda nea eara saawa geereengani.

YEREMIYA 11:6

Ng'ata gwayeeshiinean NG'UTAMIIDA, “Rukwiida ng'asheesu seaniin aba jeeda mujiinajeega Yuda ea jeeda naweadinga Yerusalemu, gideaba: Oaleaydiit ng'asheegeaba neajeeni ak ghoang'waanyi.

Yakkobo 4:11

Fuga eaduupcheewi adoobeerayi geat. Siida beash orjeeda geanyaawa ghana goorgweaksa orjeeda geanyaawa, ghabeash deaweeda nea goorgweaksa deaweeda. Nea iirgweaksi deaweeda abeeda ea muwoosi siida sina deaweeda abeeda ea nihuuwi siida laja girgweaguutka.