Yakkobo 1:2 - Bibliyeeda Ghaydit

² Anung' ghoah haleanjeeda sean hooseaneega, fuga eaduupcheewi, aba iisisimsimeegwa aba gilakil,

NEAJEEDA EESH BEA BUUNEESSEAN

² Anung' ghoaw haleanjeessean hooseaneega, fuga eaduupcheewi, aba isisimsimeegwa aba gilakkil,

Yakkobo 1:2 Referans Kwoze

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Filippi 1:29

Aba gideaba agooga geegooneegwa gheata aba badayda Gristo jea agadiyeesiina, ea mabeachi masaweega gwanda eara gideaba gajeesawaneegwa aba badaydaanyi,

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,

Golosaayi 1:24

Ak ghamneawa geang'weelayi aba sawanadeeda aanyaschi aba badahuukeagwa, nea aba saseedeanyu ghaahiichi giika shoodaan aba sawanadeeda Gristo aba badayda saseadaanyi, nea ea ganiisa,

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Gadiyeeda Giijasoodiga 5:41

Gwarita ak ghang'amwa madeeda girgweageeda, nea gahoosan aba gideaba gammiisa sawanadeeda aba gheawunga Yesu.

Ebraniya 10:34

Aba gideaba noondeawi baydeayda aba badahuuka fuga mida ghealooniga, ak ghoamwaschi nea goohoosanyi aba giireeta haleanjeedeang'wa, nea ghoanali gideaba agooga goondeawi haleanjeeda miyaasiin jea ghwashng'u.

Filippi 2:17

Eara eayiinan uhuuda haleanjeeda sisapa geadi bea ghadooweeda aba badayda masaweegeagwa, aniini geahoosanyi nea geang'weelayi sea agoogeeni seaniin.

Ruumi 5:3

Ea meakghusa nih, aseasa geehoosanyi aba jeeda sawanaduutkaasa, nea geanali gideaba sawanadeeda iissa gweadu milikghteayda,

Yakkobo 1:16

Adeereenganeegwa, fuga eaduupcheewi aabwariinyi.

Yakkobo 1:19

Hean nea ghoanali ng'asheesu, fuga eaduupcheewi aabwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea mii asas nyaras,

Yakkobo 5:11

Ang'ula, geeguuri fiisu fuga mideawa ng'wanaweega aba gideaba ghamilikghta. Ak ea noayiinyi iita milikghteayda Ayubu, ak ea noadaayi gidabaysiina Ng'utamiida gwandeawa baydeayda nea garbabu.

Filippi 2:18

Gwasunu eara agooga ang'weela nea goohoosanyi sea aniini.