Yakkobo 1:12 - Bibliyeeda Ghaydit

¹² Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

NEAJEEDA EESH BEA BUUNEESSEAN

¹² Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Yakkobo 1:12 Referans Kwoze

1 Betro 5:10

Iidu nea ghang'ata sawanadeedida gilimwanang', hean ASEETA mideawa dagheerjeanduumeeda sean, ghayi guurneegwa apkaani jeeda giigheambiitaanyi manda muudeanooda aba jeeda Gristo, gaygoodeelu niny, ak goomajeegiideegwa.

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Yakkobo 5:11

Ang'ula, geeguuri fiisu fuga mideawa ng'wanaweega aba gideaba ghamilikghta. Ak ea noayiinyi iita milikghteayda Ayubu, ak ea noadaayi gidabaysiina Ng'utamiida gwandeawa baydeayda nea garbabu.

Ruumi 8:28

Ak geanali gideaba aba jeeda ng'asheega sean iissa gwasin ASEETA gadiyeeda miy sea fugiga bwariiy ninyiin, fugiga ghayi siguursa aba gidagasiida ninyiin.

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

1 Goriinto 9:25

Nea siida mida jeeda deangheeda iissa ghwasaja geaw haleanjeeda sean. Asi iissa gwasindunu ak abeeda ghwanyas shiipka, ak geegaleadi ak abeeda geanyaschi shiipka mayghwadatasa.

1 Betro 3:14

Eara gwasa asawanana aba badayda doobiiwnata, gajeegooneegwa ghawooda. Adoawali saawa, nea adaghang'udeagwa muuwda,

2 Dimoteo 4:8

ama ng'ata suh geegoonan shiipka aba doobiiwnata dea iidu eaweeda jea gagoonan Ng'utamiida nea niny ea dea doabiiwaat girgweaga ak ea mii aniini gil ak ghwahit eara fugiga sean gasa giidaheachtaanyiin.

Yakkobo 2:5

Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

1 Betro 5:4

Iidu nea geataajiit Jeagiischoocheanda haw, gajanyasa shiipka giika mayghaghajaamiit bea giigheambiitean.

1 Goriinto 2:9

Gawuurji gissing'oarda, “Haleanjeeda manda gheang'da nidaah, ghana iita niyiiy, ghana ghoapkaat guroorooda siida, haleanjeeda nigeawiit gwasisin ASEETA aba badahuuka fuga bwariiy niny.”

GIIPKEATA DIIGHEANDA 8:2

Ak gajapkaada naweeda sean abeada NG'UTAMIIDA was ASEATAANG'U adoabiiweagwa aba gweanyeew haradam aba jeeda dareapcheeda, nea ghwahiing'neey, ak gwasimsimnyi ghwadaah gida mida jeeda gurooroadaang'u, ghwadaah ea jea sisiina mureeda diigheanyeekaaschi ghana manda.

GHWASIILDEANGA 17:3

Alooheeda dahaabu ghana lapiya geeteena beasta, ak gurooruunatka buuneeda goodeeni NG'UTAMIIDA.

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.

1 Betro 4:13

Asi ahoosana aba gideaba noopareanyi sawanaduutka Gristo, ak abeeda eara agooga goohoosanyi nea goong'weelayi damanda jea eatahaaja giigheambiitaanyi.

1 Goriinto 8:3

Nea siida iibwariiy ASEETA, abeeda siisi ghwanal ASEETA.

Giidaheechta 3:19

Fugiga aabwariinyiin, inyeessa geawoowsi nea ghaabwarji; asi milmiliida ak giduukuuni.

GIIPKEATA DIIGHEANDA 13:3

Adiidu giileeysiit ng'asheega sibaneedida ghana gea siidida argweadiin; aba gideaba NG'UTAMIIDA was ASEETEANG'WA gagalgaleegwa, ghwadaah ea ghoabwariinyi NG'UTAMIIDA was ASEETEANG'WA aba gurooruunatkeagwa sean ea aba jeadaang'u sean.

Ebraniya 10:32

Asi apkaada askwearjoojiga ghayi bea mwadi damanda siipwaanyaneey, hean ghoarjeang'di ng'ucheeda ng'waan ea sawanadeeda,

NYIIGHEEGA 119:71

Ak aamiy aba heedeanyu gideaba geesawanan, ak abeeda ghaanaali geaw deaweedajeagaagu.

GIIPKEATA DIIGHEANDA 7:9

Nala gideaba NG'UTAMIIDA was ASEATAANG'U niny ASEETA, was ASEETA waam adiiwi neajeadaanyi ea bariinyeega huumwa, aba heeda fuga bwariiy niny nea gwasissa mureeda diigheanyeekaaschi, ea gagul seaygoojiga hita sagalama,

Ebraniya 6:15

Gwasunu eara Abrahamu, aba riyeeng'deayda, ghwanyas heeleesiinda.

Mattayo 25:34

Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;

NYIIGHEEGA 119:67

Damanda miiyeesawananean abeeda aniini naaroachi; duuku ghamneawa ghaang'waanyi ng'asheandaang'u.

NEHEMIYA 1:5

Ak geayeenyi, “Ea NG'UTAMIIDA was ASEETA humng'eeda, haw siiwali ASEETA amajeegi neajeadaanyi ea bariinyeega huumwa aba heeda gea bwariiy niny nea geang'waay diigheanyeekaaschi;

Ebraniya 11:17

Abrahamu aba masaweega, eaweeda sisimsima, ghoadayda Isaka, nea ninyeeda ghayi nyas heeleesiinda hean gagasa ghoadayda orjeedaanyi was haghasheeda,

NYIIGHEEGA 119:75

Aniini ghaanali gideaba girgweaguutkaagu ghwadoabiiw, Ea NG'UTAMIIDA, ea gideaba nilaschaan aba gideaba guwoosi doabiiwaat.

1 Yohaana 4:19

Aseasa geabwariinyi, aba gideaba goosheeda niny ghabwariinyeasa.

ISAYA 64:4

Ghang'eada garayi manda siida nidaah, nea miighwayiiy aba iidigaaschi manda siida nidaah ASEETA uurjeeweey, sina ng'asheega aba badayda giika ghus ninyiin.

NYIIGHEEGA 5:11

Nea buuneesean salsa headaang'u gaygahoosan, gaygwasarman galeaga sean aba hooseaneega; aba gideaba giihaaghwi saawa, nea fugiga bwariiy gheawungaaguun gaygahoosaseey.

RITEAYDA 20:6

Ak ghaabwaydi fih sagalamnyooji sagalama bwariinyan, nea ghoang'waay diigheanyeekeasu.

Ebraniya 12:5

Ak ea nirooseegwa ng'asheega ghayi rukuneegwa nea gwahindaneegwa orjooga?– “Orjeedeanyu, adiidu ging'ulayi nea giibudeayani lasooda lasnyi Ng'utamiida, ghana gabur iheengeagwa iilaseegwa niny.

AYUBU 5:17

“Ng'ula ghang'wana siidida awoowsa ASEETEAN, asi adifooli ASEETA hoauur awoowseey.

NYIIGHEEGA 94:12

Ea NG'UTAMIIDA ghang'wana siida ilasi, ak giinaali diigheandaang'u.

GIING'EETA 22:1

Iimuchu nea ning'ata ng'asheesu gwasim ASEETA Abrahamu, ak gwayeesha, “Abrahamu!” Ak gwayeesha, “Aniini geandi hiji.”

AYUBU 2:10

Ng'ata ghwasha Ayubu ghuuta gatmoadaanyi nea gwayeesha, “Ang'iing'i gibalooldi gadeemga dasheahi. Iisinyaschi gea miyaasiin gooneasa ASEETA, abeeda ghwasaan iijea eeheawana gea munyas leabu heeda ASEETA?” Aba badaydeaba suh seaniin Ayubu mii gwarukuna ghuutaanyi ng'asheanda muy jea ghoah giidiinyeanda aba heeda ASEETA.

NYIIGHEEGA 11:5

NG'UTAMIIDA gwasima siida doabiiwaat ea dea muy, ak gurooroadaanyi ghwasit siida bwariiy jaliida.

Lukka 6:22

“Ghoang'wani agoogeeda sideagwa buuneeda, nea gwahistaneegwa nea goong'eaweegwa ak geemunyasiidi gheawungeagwa, aba badayda Orjeeda Siida!

Ruumi 5:4

nea milikghteayda gaygweadu hang'ooynata jeeda, nea hang'ooynata jeeda gaygweadu rarooda,

2 Dimoteo 2:15

Milmiliida eadaanyi gideaba nimwasnyi ASEETA, siida gadiyeeda mabwaspwasa aba gadiyeadaanyi, ak giinaali ng'asheanda huumwa aba gidamiisiinda.

1 Betro 4:14

Iisiyaataneegwa ghuut aba gheawunga Gristo ea ng'wanaweegeagwa gil aba gideaba guroorooda giigheambiita bea ASEETA gwanda badaydeang'wa.