Yakkobo 1:1 - Bibliyeeda Ghaydit

¹ Yakobo, was soomjeanda ASEETA ea dea Ng'utamiida was Yesu Gristo. Heeda eemoojiga atamaniyeenya dardaawaat: Seayu.

NEAJEEDA EESH BEA BUUNEESSEAN

¹ Yakkobo, was soomjeanda Aseetta ea dea Ng'uttamiida was Yeesu Gristo, Heeda emoojiga attamaniyyeenya dardaawaat: Seayu.

Yakkobo 1:1 Referans Kwoze

ESEKIELI 12:15

Ak abeeda gajeanal gideaba geawooschi NG'UTAMIIDA, iyeadabearsi bugusta eemoojiga nea geajaksi jeeda ng'eanyiisean.

1 Betro 1:1

Betaro, giijasoocheanda Yesu Gristo, fuga was mang'aweanyeeka ak ea Dardaawaat aba ng'eanyiida Bonto, ea Galatiya, ea Gapadokiya, ea Asiya, ea Bitiniya,

Yohaana 7:35

Gabalool fuga Yahudi nea gwayeeniissa geat, “Siisi gaygawa yeenu jea ea mwajeamuusa eanyasaan? Gaygawa heeda eemeeda dardaawaat mida Yunani ak ghoanaal eemeeni bea Yunani iin?

Gadiyeeda Giijasoodiga 8:1

Ak ghamwas Sawli miyeadaanyi. Nea aba eaweedida ghwanyas ganiiseeda mida Yerusalemu ghabasta haw; ak ghwadarda sean aba jeeda ng'eanyiida Yudeya sea Samariya, ea eaghus giijasoodiga.

Gadiyeeda Giijasoodiga 26:7

nea diita ghus dooshingaasa was damaniyeenyean gil ak ghwarar gideaba gayghwanyas iibwat ASEETA eawa ea askweari. Nea aba gidaararji gidaghamneawa ahaaktaawanaan fuga Yahudi ea sugoocheanda!

Gadiyeeda Giijasoodiga 15:23

ak ghwaat barawajeanda sing'waardunu, “Fuga eaduupcheewi was giijasoodiga ea gweargwa, heeda fuga siduupcheewi was fuga Eemoojiga mida Antiyokiya ea Shaamu ea Gilikiya, ghaaghacheegwa.

Ditto 1:1

Bawlo, soomjeanda ASEETA ea biissa giijasoocheanda Yesu Gristo, ak ghaanung' gawa mwadi masaweega fuga loat ASEETA ea fughareeda huumeanda mideawa miyinda,

Galattiya 2:9

iidu nea ghwanyas dagheerjeanduumeeda ghayi sigoonan, Yakobo ea Gefa ea Yohana, siiwal gheanyangean, gagoonan sea Barnaba geatinda dugwa bea weecheeda, bea gideaba gajeeweaya heeda fuga Eemoojiga nea gaweay saawa heeda fuga ghasmeahooda;

Gadiyeeda Giijasoodiga 15:13

Ahiit baloolda nyaawa, ghwasha Yakobo nea gwayeesha, “Fuga eaduupcheewi,

GIIPKEATA DIIGHEANDA 28:64

Gaygoodearseey NG'UTAMIIDA jeeda eemoojiga sean, gidang'eada meatkweenagi bea ng'eanyiida ea gagul niirja; nea aba hoowa gaybwada aseecheeka suuk, bea geediga ea lagheanga, gea minali ang'iing'i ghana ghweanigaagu.

Ruumi 1:1

Bawlo, soomjeanda Yesu Gristo, siguursa ghoah giijasoocheanda, sisach aba gadiyeeda giijasta miy bea ASEETA

Gadiyeeda Giijasoodiga 21:18

Iimuchu geeteayi sea Bawlo ea eeweaya gheeh Yakobo ak eara gweargwa sean gwanda hoowa.

Yohaana 12:26

Siida jea gwasinnean gadiyeeda geaghus gweadu geeshteanyu; ak abeeda heeda eandi aniini eara soomjeandeanyu gaygwanda eara niny; siida jea gwasinnean gadiyeeda abeeda gaygwasissa Bwaabwa mureeda.

Mattayo 19:28

Gwayeesha Yesu saawa, “Aba huumwa, geayeeshiineegwa, agoogeeda ooyeadu geeshteanyu aba ng'eanyiideesh, jea ghwahidu eaweeda jea goopteadawa Orjeeda Siida hoorgeadaanyi ghaambiidaat, abeeda eara agooga gajoopiidana hoorgajeegiga atamaniyeenyean ak goorgweaksi eemoojigiga atamaniyeenya bea Israeliin.

Yuuda 1:1

Yuda, soomjeanda Yesu Gristo was orjeeda geenyea Yakobo. Heeda fuga siguursa, aabwariinyi aba jeeda ASEETA was Bwaabwa ak geetiiwsa Yesu Gristo:

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

Filippi 1:1

Bawlo ea Dimoteo, was soomjooga Gristo Yesu, heeda fuga ghaydidi sean mida naweeda Gristo Yesu, mida ng'eanyiida Filipi, sea jeagiischoodiga Ganiisa sea weedanga Ganiisa.

Galattiya 2:12

Damandida mii ghapkaana fiisu ng'ay ajeagu Yakobo, abeeda goombuuchi sea fuga Eemoojiga; ama iidu nea ghapka hean ghwanung'waada giimbuucheeda ak gabiikta bwadaw ak gooheeli geaw aba gideaba ghoawal fuga siyaat ghasmeahooda.

Galattiya 1:19

Ak ea manda giijasoocheanji naadaayi nuut geaghus Yakobo orjeeda gheamata Ng'utamiida.

Gadiyeeda Giijasoodiga 15:21

Aba gideaba ghang'eada seaygoojiga gwandeawa Musa fuga rukwiida ng'asheagaaschi aba jeesinga giliwas mujiini, iissa geasoamwa gilinyoo ea sabaato gil aba jeesinga ghoorajeega siinealshacheewa.”

Gadiyeeda Giijasoodiga 1:13

iidu nea geehita, gaweay jeemba ghooriini sideeksa uhuumba nuut, ak goobiitpiit geaba Betaro, Yohana, Yakobo, Andreya, Filipo, ea Domaso, Bartolomayo, ea Matayo, Yakobo orjeeda Alfayo, Simoneeda Selote, ea Yuda orjeeda Yakobo.

Mattayo 13:55

Neada siisi ea mii baleandeaba siidida sina beehajeegeani? Neada ghaamwat ea meeguureewana Mariya? Nea orjooga ghaamwat ea mii Yakobo gil ea Yosefu ea Simon ea Yudahi?

1 SUGOODIGA 18:31

Gageanu Eliya laghean damaniyeenya, sigala dooshinga orjooga Yakobo, hisiina ng'asheanda NG'UTAMIIDA ak gwayeesha, “Gheawungaagu gajeeguura Israeli”;

GIIPKEATA DIIGHEANDA 30:3

abeeda NG'UTAMIIDA was ASEATAANG'U gaygoodeelseey jeeda miyeenoadaang'u, ak ghabwaydaneey, nea gabiikta gicha ghoawaam aba jeeda buuneesean, heeda ghayi adearseey NG'UTAMIIDA was ASEATAANG'U.

NG'ASHEEGA LAWI 26:33

Ak gaydanung' adarsiina bugusta eemoojiga, ak gaydayiin geeshteang'wa ng'uta; nea ng'eanyiideang'wa ea maygwanda sih, ak gaydanyarjeaweada mujiinajeegeagwa ea ghoah raghoonyeanda.

Gadiyeeda Giijasoodiga 12:17

Goohiimsiina buuneeda geatinda gideaba asiinda ak gwarukusa buuneeda gidarukuteayda Ng'utamiida aba ghealooniga. Ak gwayeesha, “Arukusiina ng'asheesu Yakobo ea fuga siduupcheewi.” Hean gwarita jarooda gawa daroar nuut.

ESRA 6:17

Aba giitindeaba gheedida bea ASEETEAN hean geatayda haleanjeeda sighadoawanda, jiiru bughala, lagweendi bughalaji iyeenya, dayeega gisilga bughalaji ang'wan, nea aba badayda riing'eeda fuga Israeli sean geatayda ghwaray damaniyeenya, aba giteena mooneeda fuga Israeli.

GIIPKEATA DIIGHEANDA 4:27

Hean NG'UTAMIIDA gaygoodearseegwa jeeda eemoojiga suurja, ak nea gajeepuuda fiisu ng'ay jeeda eemoojiga heeda jea googealeegwa NG'UTAMIIDA.

RITEAYDA 39:14

Lagheanga ea damaniyeenya jea eeng'oorsa gheawunga orjooga Israeli, ak gawuurji giirooranga, ak gaba nih sing'oorsa gheawungaaschi bea eemooji atamaniyeenya.

RITEAYDA 24:4

Hean ghang'oar Musa ng'asheega sean bea NG'UTAMIIDA. Ak ghang'eat nea gudea sakteayda duw gil, ak ghwadeas heeda wagiida aba geeshta giijeeda, ak ghamiinda daranaji damaniyeenya, gwadeena mooneeda dooshinga fuga Israeli.

Giidaheechta 7:4

Ghaayiinyi mooneeda fuga siiroor, fih sagalamnyooji bughala ea haradam ea ang'wan siiroor, aba giliwas eamwa aba jeeda orjooga Israeli,

Gadiyeeda Giijasoodiga 2:5

Nea abeeda aba Yerusalemu gwanda Yahudi fuga bada ASEETA, leabu eemoojiga sean bea jeeda ng'eanyiida.

Lukka 22:30

Ak gajayeagiischeena nea gooleeshi aba jeeda sugoocheanduumeedeanyu, nea goopiitpiidi hoorgajeega sugoodiga ak goorgweaksi dooshin damaniyeenya bea Israeli.

Mattayo 10:3

Filipo ea Bartolomayo, Domaso ea Matayooyda ghayi ang'oonyi gwaadi, ea Yakobo orjeeda Alfayo, ea Dadayo.

ESTA 3:8

Hean ghwalamda Hamani ak gwayeesha sugoocheanda was Ahasuero, “Gwanda fiispa eemoojiga nidarda aba jeeda buuneesean bea darooraka sugoocheanduumeadaang'u; ak deaweedajeega nyaawa ea maweapchi sea dea buuneesuurja, nea meang'waanya eara deaweedeeda sugoocheanda, asi aba sareani mayghoamu geat sea sugoocheanda.

RITEAYDA 28:21

Ak lagheangiga gajea damaniyeenya gwadeena gheawunga orjooga Israeli, ak gayng'oorsiina gilinyoo ea lagheaneeda gil gheawunga gawuurji giirooraneeda aba eemoojiga atamaniyeenya.

2 Dimoteo 4:21

Sina badiida hini damanda miighwahina gooroogeeda. Googateey geaba Eubulo ea Bude ea Lino ea Glaudio ea orjooga sean.

Gadiyeeda Giijasoodiga 23:26

“Aniini Gilawdiyooyda Lisiya gil, ak geang'oorneey barawajeanji ang'iing'i Sugoocheanda Mureeda Feliki. Seayu.

Lukka 6:15

ea Matayo, ea Domaso, ea Yakobo orjeeda Alfayo, ea Simoneeda siguura Selote,

Marko 3:18

Ea Andreya ea Filipo, ea Bartolomayo, Matayo ea Domaso, Yakoboyda Alfayo ea Dadeo, ea Simoneeda leabu Ganaani,

GIIPKEATA DIIGHEANDA 32:26

Ak geayeenyi, “Gaydaadaarda saawa gwasheagiit, ak gaydageanda giipkeata nyaawa dageascheeda buuneeda.”