RITEAYDA 4:5 - Bibliyeeda Ghaydit

⁵ “Aba gideaba ghamwas gideaba NG'UTAMIIDA ASEETA ghweaniga nyaawa gil, ASEETA Abrahamu, ea ASEETA Isaka, ea ASEETA Yakobo aba gideaba nibussean.”

RITEAYDA 4:5 Referans Kwoze

RITEAYDA 19:9

Ghwalamda NG'UTAMIIDA ak gwayeesha Musa, “Gaydahidu headaang'u nea geandi jeeda shamooghooda, ak gwayiing'shi buuneeda damanda eabaloolaneeyi, ak ghamwasnyi damanda manda muudeanooda.” Ng'ata gwarukwiisa Musa NG'UTAMIIDA.

RITEAYDA 3:15

Gabiikta ASEETA gwayeesha Musa, “Rukusiina ng'asheanji fuga Israeli, gideaba, ‘NG'UTAMIIDA, was ASEETA ghweanigeagwa, ASEETA Abrahamu, ea ASEETA Isaka, ea ASEETA Yakobo, goojeaknean heedeang'wa’; nih gheawungeasu gil ea gagul damanda manda muudeanooda, nih gayghoah gichea eepkeateewean ea gagul seaygoojiga sean.

GIING'EETA 48:3

Ng'ata gwayeesha Yakobo Yosefu, “ASEETA hoauur gabusean aba Lusu mida ng'eanyiida Ganaani ak gagoonan ghawooda,

GIING'EETA 26:2

Hean gabussa NG'UTAMIIDA ak gwayeesha, “Aduwi ng'eanyiida Misri; abiidana ng'eanyiida jea darukuneey.

GIING'EETA 18:1

Iimuchu ghwahidu NG'UTAMIIDA headaanyi nea gwanda guumda saboojiga Mamre, nea goopteada aba ghuuta maheemajeandaanyi nea gwaju daknooda.

GIING'EETA 12:7

Hean gabussa NG'UTAMIIDA Abramu ak gwayeesha, “Ng'eanyiini gaydagoonyi ea jeacheangaagu.” Ng'ata gwasissa NG'UTAMIIDA heeda wagiida aba hoowa, nea dea busiinyi sea niny.

Yohaana 11:42

Ghaanali gideaba iissa giileeysean iit galeagasean. Ak ghamneawa gearukuni ng'asheanji badahukeaba fiisu miinaada aba hijiin, ak abeeda gayghamwas gideaba giijeaknean.”

RITEAYDA 4:31

Iidu ghamwas buuneeda, hean nea geayiiy gideaba nibareasa NG'UTAMIIDA fuga Israeli, ea gideaba nidaah sawanadeeda nyaawa, hean gabuy iheenga nyaawa ak geaghadoawan.

Gadiyeeda Giijasoodiga 7:2

Ghwasha Stefano ak gwayeesha, “Fuga eaduupcheewi ea ghweanigeasu, ooleeysean iit. ASEETA ghaambiidaat ghayi gabusiinyi sea ghweandeanya was Abrahamu, damanda mideewa ng'eanyiida Mesopotamiya, nea mii gawa goobiida Harani,

Yohaana 20:31

suh geang'waar aba gideaba abeeda ghoamwaschi gideaba Yesu Gristo gil, Orjeeda ASEETA, amabeeda oamwaschi ghoanyaschi eaweega aba gheawungaaschi.

Yohaana 20:27

Ng'ata gwayeesha Domaso, “Goona mooneadaang'u iina hiji, ak ging'ulayi geatingeasu; ak gigooni geatindaang'u ak giing'waanyi gisheajeegeasu; ak ea adiwoosi siida mamwasa, huwa siida mwas.”

Yohaana 11:15

ak ghamneawa geahoosanyi aba badahuukeagwa ak ea nighaas heeta ea meandani hoowa ak abeeda ghoamwaschi. Asi eeweaya headaanyi.”

Yohaana 5:36

Amadu muuwuunooda eandeawi eahaweewa dea Yohana; aba gideaba gadiyoojiga easinyi gea ghayi goonan Bwaabwa dasin, ak ea gadiyoojiga ghamneawa easinyiin gil, ak gamuuwu gideaba ghayi goojeaknean Bwaabwa.

YEREMIYA 31:3

Ghayi gabusean NG'UTAMIIDA ak gwayi, asi naabwariinyeeyi aba bariinyeega manda muudeanooda, ak gaydandeawa doobiiwnata aba headaang'u.

ISAYA 7:9

Ak Efraimu goombal Samariya, nea Samariya goombal orjeeda Remaliya. Inyas ea moamwasi, aba huumwa mwajanyasa majeeknata.’”

2 DAMANYOOJIGA 20:20

Iing'ata ghang'eatng'eat sakteayda ak gwarita gaweay jeeda dareapcheeda Dekowa; nea iinea gwarita ghamiinaada Yehoshafati ak gwayeesha, “Ooleeysiinean iita ea fuga Yuda sea fuga abiita Yerusalemu! Asisiina masaweega NG'UTAMIIDA was ASEETEANG'WA, ak abeeda gajanyasa uurjeenga; asisiina masaweega sibangaaschi ak abeeda gajanyagaada.”

RITEAYDA 4:1

Hean ghwasha Musa ak gwayeesha, “Asi ng'ula gwadeepa ea meamwasan ghana ea meeleeysean iit ak gwayi, ‘Migabuseey NG'UTAMIIDA.’”

RITEAYDA 3:18

Ak saawa gayghwayiiy ghuutaang'u, ak gajadeayeewana gweargwa Israeli iyooweayi heeda sugoocheanda Misri ak giyeeshi niny, ‘Siroonyeewi NG'UTAMIIDA was ASEETA fuga Ebraniya, ak ghamneawa geemuscheey eeweaya eawooji samwagu jeeda dareapcheeda eatayda lukghumeeda aba heeda NG'UTAMIIDEANYA was ASEETA.’

RITEAYDA 3:6

Gabiikta ASEETA gwayi, “Aniini geawooschi ASEETA gweanu, ASEETA Abrahamu, ea ASEETA Isaka, ea ASEETA Yakobo.” Hean ghafuy Musa gheamamdaanyi, aba gideaba ghoawal ghwadaah ASEETA.

GIING'EETA 17:1

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

Ebraniya 11:16

Asi ghamneawa aba giduurji, gagaseadayi ng'eanyiida miy, nea diita bea humng'eedean. Hean ASEETA ea moamu ghabwaspwas aba gideaba geeguura ASEETA nyaawa, aba gideaba nisissa saawa mujiini.

GIING'EETA 28:13

Asi ng'ula, NG'UTAMIIDA ghamiinaada aba uhuuda ak gwayeesha, “Aniini geawooschi NG'UTAMIIDA, ASEETA Abrahamu was gweanu ea ASEETA Isaka; ng'eanyiini iwiiligeawiin gaydagoonyi ang'iing'i ea jeacheangaagu;

GIING'EETA 48:15

Ak ghoadaw Yosefu ghawooda, ak gwayi, “ASEETEANYU siniisa ghweanigeasu was Abrahamu ea Isaka gadiyeeda, ASEETA ghayi adoabiiwan aba jeeda eaweegeasu sean ea ghwahita askweareani.

RITEAYDA 3:4

Daah NG'UTAMIIDA gidaniyamda geaw ghwadaah gang'ula, gaguursa ASEETA niny aba jeeda murunjooda, “Musa, Musa!” Ak gwayi Musa, “Aniini geandi hiji.”

RITEAYDA 3:16

Una ak gibwadi geat gweargwa fuga Israeli, ak giyeeshi saawa, ‘NG'UTAMIIDA was ASEETA ghweanigeagwa, ASEETA Abrahamu, Isaka, ea Yakobo, gabusean ak gwayi, “Naahidu heedeang'wa ak ea naadaayi gisihindaneegwa aba ng'eanyiida Misri;

RITEAYDA 4:4

Ghwalamda NG'UTAMIIDA ak gwayeesha Musa, “Ahaakta geatindaang'u ak giing'waanyi shimng'eanda” hean ghoahaakta geadi ak ghoang'waay ak ghoah bileangida aba geatindaanyi

1 SUGOODIGA 18:36

Damanda siitayiideawa haleanjeeda sisabwa geadi bea ghadooweedean shing'ada, gwaneekiit sibaneeda was Eliya ak gwayi, “Ea NG'UTAMIIDA, was ASEETA Abrahamu, ea Isaka, ea Israeli, nung' eejeeng'u askweareani gideaba guwoosi ASEETA Israeli, ea gideaba geawooschi siidaang'u bea gadiyeeda, ea gideaba geasinyi ng'asheesu aba ng'asheandaang'u.