RITEAYDA 15:3 - Bibliyeeda Ghaydit

³ NG'UTAMIIDA siida ng'ucheeda, NG'UTAMIIDA gheawungaaschi.

RITEAYDA 15:3 Referans Kwoze

NYIIGHEEGA 24:8

Neada ea ng'eaha Sugoocheanda ghaambiidaat? NG'UTAMIIDA mideawa uurda, ak ea mwaay, NG'UTAMIIDA, ea mwaay aba ng'ucheeda!

RITEAYDA 14:14

Gaygang'uchi NG'UTAMIIDA sea weajoodigeagwa aba badahuukeagwa, ak agooga gajayeena saw.”

ISAYA 42:8

Aniini geawooschi NG'UTAMIIDA, nih gheawungeasu gil; giigheambiiteanyu maydaadaw siinuut, nea eara giigheambiiteanyu ea maydaadaw sanaamu.

NYIIGHEEGA 83:18

Nung' ghwanal saawa gideaba ang'iing'eeda was gheawungaagu NG'UTAMIIDA nea gibwaageaw, ang'iing'i guwoosi dea Haw mida Humng'eeda aba badayda ng'eanyiisean.

NYIIGHEEGA 45:3

Iina ng'utaang'u gheataang'u, ang'iing'eeda uwoosi hoauur, giigheambiita daang'u gil ea uurda!

RITEAYDA 3:15

Gabiikta ASEETA gwayeesha Musa, “Rukusiina ng'asheanji fuga Israeli, gideaba, ‘NG'UTAMIIDA, was ASEETA ghweanigeagwa, ASEETA Abrahamu, ea ASEETA Isaka, ea ASEETA Yakobo, goojeaknean heedeang'wa’; nih gheawungeasu gil ea gagul damanda manda muudeanooda, nih gayghoah gichea eepkeateewean ea gagul seaygoojiga sean.

RITEAYDA 3:13

Ghwalamda Musa ak gwayeesha ASEETA, “Iyaahiiti heeda fuga Israeli ak geayeeshi saawa, ‘Goojeaknean ASEETA ghweanigeagwa heedeang'wa,’ ak ghoanyaashan, ‘Gheawungaaschi ng'eaha?’ Abeeda gaydayeeshaan saawa?”

ISAYA 42:13

NG'UTAMIIDA gaygwardu nea gawuurji siida daruus, gawuurji shirikarajeanda ng'uchi aba ng'ucheeda; ak gaygooyeawda aba ghuuta haw, nea ghoahiimu uurdaanyi aba heeda weajoodigaaschi.

YEREMIYA 33:2

“Gwayi NG'UTAMIIDA bwat ng'eanyiida, NG'UTAMIIDA sin ak goomajeek ng'eanyiida, gheawungaaschi NG'UTAMIIDA gil.

RITEAYDA 3:14

Gwayeesha ASEETA Musa, “ANIINI GEANDI WAS DIITA BEAN GWANDEAN.” Ak gwayeesha, “Nih gichea rukusiinda fuga Israeli gil, ‘ANIINI GEANDI goojeaknean heedeang'wa.’”

RITEAYDA 14:25

ak gootineada geeshanga mutukwajeega nyaawa ak gaweay mutukwajeega nea goojiileada muuchi, hean gwayi fuga Misri, “Eesalda eang'amwana madeeda fuga Israeli aba gideaba NG'UTAMIIDA gwanda meatkweeda nyaawa aba badayda fuga Misri.”