RITEAYDA 13:3 - Bibliyeeda Ghaydit

³ Ghwalamda Musa ak gwayeesha buuneeda, “Oapkaada eaweeda ghayi ooriteawi aba ng'eanyiida Misri aba gheeda soomjeandumeeda, gooruunaneegwa NG'UTAMIIDA hoowa aba uurdaanyi haw, ak ea adoayaaji mukaateeyda simwatawiit.

RITEAYDA 13:3 Referans Kwoze

GIIPKEATA DIIGHEANDA 24:18

apkaada gideaba ghayi eara ang'iing'i guwoosi soomjeanda aba ng'eanyiida Misri ak gwalealneegwa NG'UTAMIIDA was ASEATAANG'U aba hoowa; asi gearukuneegwa gideaba asina ng'asheanji.

GIIPKEATA DIIGHEANDA 5:15

Eaweecheanji bea fuufteani gaygoopkeaneegwa gideaba ang'iing'i gajapkaada gideaba ghayi guwoosi soomjeanda aba ng'eanyiida Misri, ak gooruuneegwa NG'UTAMIIDA was ASEETA aba geatingaaschi hoauur, ghoah gidearukuneegwa gideaba asisiina mureeda eaweeda sabaato.

RITEAYDA 20:2

“Aniini geawooschi NG'UTAMIIDA was ASEATAANG'U, ghayi aruunaneey ng'eanyiida Misri, aba gheeda soomjeandumeeda.

GIIPKEATA DIIGHEANDA 16:12

Ak gajapkaada gideaba ghayi guwoosi soomjooga aba ng'eanyiida Misri; ak gaysina badiida aba giing'ooydeaba diigheanyeeksu.

GIIPKEATA DIIGHEANDA 5:6

“‘Aniini NG'UTAMIIDA was ASEATAANG'U gil, earuuneeweey ng'eanyiida Misri, jeeda gheeda soomjeandumeeda.

GIIPKEATA DIIGHEANDA 15:15

Ak gajapkaada gideaba agooga ghayi goowooschi soomjooga aba ng'eanyiida Misri, ak gooruuneey NG'UTAMIIDA was ASEATAANG'U, ak ghamneawa gearukuneey ng'asheanji.

GIIPKEATA DIIGHEANDA 6:12

fura geaw adiidu gwarooseey NG'UTAMIIDA, aruunaneey ng'eanyiida Misri was gheeda soomjeandumeeda.

GIIPKEATA DIIGHEANDA 16:3

Adiidu giyeaguudayi sea mukaateeda siimatawiidi; eawooji ispwa gajagudayeewana mukaateeda meamwatawiida, mukaateeda hang'weanidooda aba gideaba girini ng'eanyiida Misri nea gilamwajaani, hean abeeda aba jeeda eaweagaagu gajapkaada eaweeda irini jeeda ng'eanyiida Misri.

GIIPKEATA DIIGHEANDA 8:14

Abeeda adiidu gighwari geaw, ea gwarooseey NG'UTAMIIDA was ASEATAANG'U, aruuteaweey jeeda ng'eanyiida Misri, jeeda gheeda soomjeandumeeda.

RITEAYDA 13:14

Ak inyas ghwahidu damanda ak ghoanyaashnyi orjeedang'u gideaba, ‘Gili gideabeadaanyi naaha?’ Gajeeshiina niny, ‘nih geebaysiina gideaba gooruuneasa NG'UTAMIIDA aba geatinda uurdaanyi aba gheeda soomjeandumeeda aba ng'eanyiida Misri.

YOSHUWA 24:17

aba gideaba NG'UTAMIIDA was ASEETEANYA ghayi aruunaneasa sea ghweanigaasa ng'eanyiida Misri, aba gheeda soomjeandumeeda, ea dea ghayi sin gwadeagwajeega hees aba madeedeanya, ak ghoahaaghwaneasa aba naweedida sean siyaachiin, ea bugusta fuga sean sisikchi bugusta nyaawaan;

GIIPKEATA DIIGHEANDA 13:10

Gay fuda aba lagheanga ea ghami, aba gideaba ghayi gagasa ghoang'aamwaneey heeda NG'UTAMIIDA was ASEATAANG'U ghayi aruunaneey ng'eanyiida Misri, jeeda gheeda soomjeandumeeda.

GIIPKEATA DIIGHEANDA 24:22

Oapkaada gideaba ghayi goowooschi soomjooga aba ng'eanyiida Misri; asi gearukuneegwa gideaba asina ng'asheanji.

RITEAYDA 12:42

Eaweedida ghoang'wearu NG'UTAMIIDA, aba gideaba gooruuna saawa ng'eanyiida Misri, ak nih ea eaweeda NG'UTAMIIDA gil, ak gammiisa gideaba gaygoopkeadi fuga Israeli sean ea ghoah seaygoojiga nyaawa.

GIIPKEATA DIIGHEANDA 13:5

Nea sibaneedida ghana siidida argweadiin anuusa aba gideaba gwaruku ng'asheega gasa anung'usiina heeda NG'UTAMIIDA was ASEETEANG'WA, aruunaneegwa jeeda ng'eanyiida Misri ak gwalealnaneegwa jeeda gheeda soomjeandumeeda, gagasa ghoang'aamwaneey jeeda naweeda rukuneey NG'UTAMIIDA was ASEATAANG'U jea aada. Hean gajang'aamwana munyinda jeedeang'wa.

GIIPKEATA DIIGHEANDA 4:34

Ghana deepa gwanda aseeta wassean nigala geandeayda ng'eanyiida nea gaba geaw aba bugusta eemooji suuk, aba sawanaduutka, ea gwadeagwajeega, ea deamdeamanga, ghana aba ng'ucheeda, ghana aba geatinda mideawa uurda ghana aba geatinda siitoabiiw, ghana aba sawanaduutka hees, aba giduurji haleanjeeda sean ghayi sin NG'UTAMIIDA was ASEETEANG'WA aba badahuukeagwa aba ng'eanyiida Misri aba madeeda gheanyangeagwa?

RITEAYDA 23:15

Gaysina ghweelmeeda mukaateeyda meamwatawiida, gawuurji gidearukuteaydi, gajaga mukaateeyda meamwatawiida eawooji ispwa, gajeesin damanda hit bea sheetamwan ghana ghawghaw, aba gideaba damanda ghayi oorinani ng'eanyiida Misri. Ea manda siida jea ghwahidu madeedeanyu nea manda geatinda gil.

RITEAYDA 20:8

“Apkaada eaweeda Sabaato ak giimiidu.

RITEAYDA 12:19

Aba jeemba eawooji ispwa adagoobiida gidamwataw jeeda gealgeagwa, ak siida was sean ak gidamwataw, abeeda gagasa eang'aamwa jeeda fuga Israeli, ea rabascheanda gil ghana ea siida ng'eanyiida gil.

RITEAYDA 12:8

Ak gajeayaak banyeega eaweedida, nea sibeash, sea mukaateeyda miyeamwatawiit, geayaak sea nyeanyiida ng'weani.

RITEAYDA 6:1

Ghwalamda NG'UTAMIIDA ak gwayeesha Musa, “Asi ghamneawa gaydaaha gichea dahinda Farao, aba geatinda mideawa uurda gaygooruuta saawa jarooda, ak aba geatinda mideawa uurda gayghahoana saawa ng'eanyiidaanyi.”

RITEAYDA 3:20

Ak gaydamiinda geatindeanyu dalas ng'eanyiida Misri aba ng'asheega deamdeameadi sean jea dasisa, ng'ata abeeda gagwasikseegwa aweayeena.

RITEAYDA 12:15

Gajayaaga mukaateeyda meamwatawiida eawooji ispwa, eaweeda madeeda bea eawoojisu asispwaan ageandeawana gidamwataw jeeda gealgeagwa, siida wassean jea ghwaak mukaateeyda mwataw ghang'eada eaweeda madeeda ea ghwahita eaweedeaba ispwa, siida sunu ooruuteawana jeeda fuga Israeli.

NYIIGHEEGA 105:5

Oapkaada gadiyoojigaaschi deamdeameadi ghayi sin, deamdeamangaaschi, ea girgweaguutka rugu,

Efeeso 1:19

nea aba giteena hawunda uurdaanyi mwoamu eeteen aba heedeanya was fuga mideawa masaweega, aba gidagadiyeata uurdaanyi haw

1 Goriinto 11:24

hean, iing'ata badiischeesiinda, ghabwanach, ak gwayi, “Nih saseedeanyu gil ghayi sibeagu aba badahuukeagwa, asindunu aba giipkeateanyu.”

1 Goriinto 5:8

Asi eesina ghweelmeeda, nea mii dea matawanda ghayi bea garayi was matawanda bwada geawunda gheang'da ea munyinda, gagasa gaba mukaateeyda meamwatawiida, nih weeshinda jeeda gil ea huumwa.

Lukka 22:19

Ak gageanu mukaate, ak gabadiischeesa ak ghabwanach ak ghoadawaada saawa nea gwayeesha, “Nih saseedeanyu gil siitayda aba badahuukeagwa. Ahindunu aba giipkeateanyu.”

NEHEMIYA 9:10

ak giihiimu gwadeagwajeega ea ng'asheega deamdeameadi; aba badayda Farao ea fugaaschi sean bea gadiyeeda, ea badayda fugaaschi sean bea ng'eanyiidaanyi, aba gideaba ginali gideaba geesin aba badayda ghweanigaasa; ak ginyaksi geaw gheawunga aba giduurjeata ghamneawa.

1 DAMANYOOJIGA 16:12

Oapkaada ng'asheagaaschi deamdeameadi ghayi sin; Gwadeagwajeagaaschi ea girgweageeda ghuutaanyi;

Mattayo 10:12

Iyooweayi jeeda gheeda gookeacheewi fuga bea gheeda.

RITEAYDA 6:6

Eeshiina fuga Israeli, ‘Aniini geawooschi NG'UTAMIIDA, ak gaydearuuteawaneegwa jeeda sareeni bea fuga Misriin, ak gaydearuuteawaneey jeedeaba gadiyeeni hang'waay iisini bea fuga Misrihiin, ak gaydalealneegwa aba jeeda soomjeandumeeda nyaawa, ak gaydalealneegwa aba geatinda doabiiwaat ea biissa girgweaksinda haw,

RITEAYDA 7:4

ak Farao ea maygooleeyseegwa iit, ak gaydayiin geatindeanyu badayda Misri ak gearuudu lugoodeanyu, nea gearuuni fugeasu was fuga Israeli jeeda ng'eanyiida Misri aba girgweaksiinda haw.

RITEAYDA 12:17

Ak gajasina ghweelmeeda mukaateeyda meematawiita, aba gideaba eaweecheanji gearuudu eemeedeang'wa aba ng'eanyiida Misri, asi abeeda gajasina ghweelmeeda eaweecheanji, ea gagul seaygoojigeagwa ak ghoah deaweeda damanda manda muudeanooda.

RITEAYDA 13:9

Ak gayghoah gwadeagooda aba geatindaang'u, nea ghoah giipkeata aba gheanyangaagu, nea gwanda ghuutaang'u deaweedeeda NG'UTAMIIDA aba gideaba gooruunaneey NG'UTAMIIDA ng'eanyiida Misri aba geatinda mideawa uurda.

GIIPKEATA DIIGHEANDA 7:8

aba gideaba nih gweagu gideaba ghabwariinyeegwa NG'UTAMIIDA ak ea gudugoodiiw neajeeda ghayi sin sea ghweanigeagwa; aba gideaba NG'UTAMIIDA gooruuneegwa aba geatindaanyi hoauur, lealneegwa aba heeda oosisi gadiyeeda soomjeandumeeda, gooruuneegwa aba geatinga Farao was sugoocheanda ng'eanyiida Misri.

1 SUGOODIGA 8:42

(aba gideaba gayghwayiiy gheawungaagu hees, ea geatindaang'u haw uur ea geatindaang'u doabiiwaat). Inyas ghoan ak gamusiischi nea gawiileesa gheawi,

NYIIGHEEGA 114:1

Damanda rinna Israeli Misri, nea gheeh Yakobo gwarina jeeda fuga baloola iita eemoojiga,

NYIIGHEEGA 136:11

ak gooruuna Israeli bugusta nyaawa, aba gideaba bariinyeagaaschi manda muudeanooda;

GIING'EETA 15:16

Ak gaygabiigu hiji aba seaygeedeaba damanang'wan; aba gideaba munyasnacheeka fuga Amori miighwahit.”

RITEAYDA 6:7

ak gaydageandaneegwa awoosa fugeasu, ak gaydoaw ASEETEANG'WA, ak gajanala gideaba geawooschi NG'UTAMIIDA was ASEETEANG'WA ghayi aruunaneegwa jeeda gadiyeeda hang'waay bea fuga Misri.

RITEAYDA 12:2

“Sheeni gayghoah sheeda jea oong'eeteena sheega, aba heedeang'wa, ak gayghoah aba heedeang'wa sheeda madeeda aba gweayda.

RITEAYDA 12:41

Mudeanoodeaba gweanyeeksu as bughalaji ang'wan ea diktam ea damanamughuushiin eaweeda riteawa lugooda NG'UTAMIIDA ng'eanyiida Misrihi.

RITEAYDA 34:18

“Gayghamwada ghweelmeeda mukaateeyda meamwaatawiida. Gajaga mukaateeyda meamwatawiida eawooji ispwa, gawuurji gidearukuteaydi nea geenda geashu damanda ghayi oorini Misri.

GIIPKEATA DIIGHEANDA 6:21

ak gajeeshiina orjeedang'u, ‘ghayi geewooschi soomjooga Farao aba ng'eanyiida Misri, ak gooruuteaweasa NG'UTAMIIDA ng'eanyiida Misri aba geatindaanyi haw uuri;

GIIPKEATA DIIGHEANDA 9:12

Hean gwayeeshiinean NG'UTAMIIDA, ‘Ng'eadana hiji lamwaja rarang'aada; aba gideaba fugaagu ghayi iiruuni Misri nisin ng'asheega munyas; niyamwa geat naweeda ghayi earukusi; nisissa geat sanaamu.’

GIIPKEATA DIIGHEANDA 13:6

“Inyas orjeeda gweanu was orjeeda geamadu, ghana orjeedang'u, ghana hudaang'u, ghana gatmoadaang'u ibwariinyi, ghana siida irooroocheewi uurji gidibwariiydi geaw, ak gwayi, aba makcheameeda, ‘eeweaya eabwada aseecheeka,’ minali ang'iing'i ghana ghweanigaagu.

GIIPKEATA DIIGHEANDA 13:11

Nea fuga sean bea Israeli gayghwayiiy ak gayghang'ut muuwda, ak ea maygudu gabiikta gwasin ng'asheega munyas uurji suh aba heedeang'wa.

GIIPKEATA DIIGHEANDA 16:1

“Sisiina mureeda sheeda siguura Abibu, ak gisisi NG'UTAMIIDA was ASEATAANG'U ghweelmeeda Basaaka, aba gideaba sheeda Abibu gooruunaneey NG'UTAMIIDA was ASEATAANG'U ng'eanyiida Misri eawa.

GIIPKEATA DIIGHEANDA 26:8

ak gooruunaneasa NG'UTAMIIDA ng'eanyiida Misri aba geatinda mideawa uurda, ea geatinda doabiiwaat ea gharbeeda ng'waan sea gwadeagwajeega ea ng'asheega deamdeameadi,

FUGA LAJA GIRGWEAGUUTKA 2:12

ak ghwanung'waada NG'UTAMIIDA, was ASEETA ghweaniga nyaawa, ghayi aruuna saawa ng'eanyiida Misri; aba eadita geeshta aseecheeka suuk; aba jeeda aseecheeka fuga ascheayi saawa, nea gwahiing'sa geat; ak ghwanung' ghwanyareas NG'UTAMIIDA.

FUGA LAJA GIRGWEAGUUTKA 6:8

Hean goojeakta NG'UTAMIIDA sibaneeda heeda fuga Israeliin; ama ng'ata gwayeesha, “NG'UTAMIIDA was ASEETA Israeli gwayi: Aniini gearuunaneegwa ng'eanyiida Misri, ak gearuunaneegwa jeeda gheeda soomjeandumeeda,

NEHEMIYA 1:10

Fiisu fugaagu bea gadiyeeda gil, ak ea fugaagu gil ghayi ilealu aba uurdaang'u hawi ea aba geatindaang'u hoauur.

NYIIGHEEGA 89:14

Doobiiwnata ea girgweageeda sindeeta hoorgeadaang'u; bariinyeega ea huumeanda gwanda madeeda gheanyangaagu.

NYIIGHEEGA 136:12

aba geatinda hoauur bea gheambalmeeda, aba gideaba bariinyeagaaschi manda muudeanooda;

YEREMIYA 34:13

“Gwayi NG'UTAMIIDA was ASEETA Israeli, ghayi geasinyi neajeeda sea ghweanigeagwa, damanda ghayi earuuni saawa ng'eanyiida Misri abeeda gwanda jeeda soomjeanduumeeda nea geayeenyi.

DANIELI 9:15

Asi ghamneawa, Ea NG'UTAMIIDA was ASEETEANYA, ghayi iiruuni fugaagu jeeda ng'eanyiida Misri aba geatinda mideawa uurda, ak ea nisisi geaw gheawunga, gawuurji gideaba ghamneawa, sisinyi riing'eeda, ak ea sisinyi gea munyas.