OBADIYA 1:8 - Bibliyeeda Ghaydit

⁸ Neada aba eaweedida, ea maydahuyda fuga bareahi iheeni mida ng'eanyiida Edomu, gwarugu NG'UTAMIIDA, ea fuga was weaghoodiga, ea fuga nal ng'asheega aba Giijeeda Esawu?

OBADIYA 1:8 Referans Kwoze

ISAYA 29:14

Ak ng'ula, gaydasima fiisu gicha ng'asheega deamdeameadi, ng'asheega deamdeameadi jea ghahamng'eanyi buuneeda; ak fuga weaghoot gaygoosha weaghuumeeda nyaawa, nea fuga bareahi iheeni, goosha bareaynacheeka iheenga nyaawa.”

NYIIGHEEGA 33:10

NG'UTAMIIDA iissa ghwalalakta girgweageeda eemoojiga; ak gwahista fughareenga buuneeda.

ISAYA 19:3

Gaydageanda meaynata fuga Misri ak gaydayam gadiyoojiga nyaawa gwachi jea gwasin; gaygaweay goonyeari ng'asheega aba heeda sanaamajeega, ea heeda meanga ea heeda fuga bara lagheanga ea beeneediga;

ISAYA 19:11

Fugiga was hees bea mujiineeda Soani nidasheahiidi muuchi, weedanga mideawa weaghuumeeda bea Farao ng'asheega nyaawa marachi gil. Gajoamuustaan ayeeshiina Farao gideaba, “Aniini geawoschi orjeeda gea mideawa weaghuumeeda, orjeeda sugoodigeaba garayi?”

ISAYA 19:12

Gwanda yeenu fugaagu mideawa weaghuumeeda? Asi nung'waada saawa gwarukuneey ghamneawa ak ghwanal ng'asheega jea gwasin NG'UTAMIIDA bea lugweega aba badayda Misri.