OBADIYA 1:3 - Bibliyeeda Ghaydit

³ Ak ea nireenganeey ghwarjeeda gurooroadaang'u, ang'iing'eeda abiita jeesinga bearuutka lagheanga, nea giibindaanyi easheagi gwanda humng'eeda, was dea balool aba jeeda gurooroadaang'u, “Gaygweanean ng'eaha ng'eanyi ea daahiidu badayda ng'eanyiida?”

OBADIYA 1:3 Referans Kwoze

YEREMIYA 49:16

Nea giimuuwdaang'u bea buuneeda ea ghwarjeadaang'u ea nireenganeey, nea ghwarjeeda gurooroadaang'u, ang'iing'eeda abiita gwaleadinga lagheanga, ang'iing'eeda abiita uhuuda heayeeda. Earapeadi niyiini giibindaang'u humng'eeda gawuurji dea rabearda, asi gaydahiing'naneey hoowa, gwarugu NG'UTAMIIDA.

GHWASIILDEANGA 29:23

Siida mideawa ghwarjeeda gaygoorareang'u niny, nea dea aat geaw ng'eanyi gajeataw mureeda.

ISAYA 16:6

Siyiinyi iita ghwarjeeda fuga Moabu, gideaba gaba ghwarjeeda haw; ea iita weashweashtaanyi, ea ghwarjeadaanyi, ea nyarastaanyi– weashweashtaanyi mii gili.

2 SUGOODIGA 14:7

Ak gwanuus fih sagalamnyooji damanamughuush bea eemeeda Edomu aba jeeda moangoachiyda balang'da. Ak ghoang'waay mujiineeda Sela aba ng'ucheeda, ak gaguura gheawungaaschi Yokteli ea ghoah ghamneawa.

MALAKI 1:4

Nea iyayi Edomu, “Sidataseasa ak gajeebiikta eadeasa heeda sinyarja,” gwarugu NG'UTAMIIDA bea lugweega, “Ghoamu ghwadeas, ak gaydabwaay, ea eeguura ng'eanyiida fuga munyas, fuga ghayi nyareeksa NG'UTAMIIDA damanda manda muudeanooda.”

YEREMIYA 49:4

Ghwasaan inyas gighwari geaw aba badayda moohajeagaagu, Ea huda mandeawana masaweega, ang'iing'i gighusi haleanjeadaang'u iidiiwi, nea giyeeni, ‘Neada aniini gayghoan ng'eaha gang'ucheewean?’

GHWASIILDEANGA 18:12

Ghwarjeeda guroorooda gaygweadu nyariida, nea eateaba geaw bea ng'eanyi gaygweadu mureeda.

GHWASIILDEANGA 16:18

Ghwarjeeda gaygoosheeda lasooda uhuuda, ak weashweashta goosheeda giibeedeayda.

2 DAMANYOOJIGA 25:12

Ng'ata ghoang'waay fuga Yuda fih sagalamnyooji damanamughuush was fuga majeekcheewi, ak ghwaat ea ghoahiita uhuuda lagheaneeda, aba ng'ata goong'adeana saawa uhuuda lagheaneeda; ak hean gagiishachi sean.

2 DAMANYOOJIGA 25:11

Ng'ata goomajeek gurooroadaanyi Amasiya, ak goosheedeawa fugaaschi, ak gaweay ea ghwahita moangoachiyda balang'da, hean ghabwar gameewa fih sagalamnyooji damanamughuush bea Seyiri.

AYUBU 20:6

Geawundaanyi eara gawa ea ghwahita humng'eeda, nea ghwahita uhuudaanyi shamooghuutka.

YEREMIYA 21:13

“Ng'ula, gaydang'ucheeweegwa, Ea fuga abiita moangoachi Ea gea mida jeeda lagheaneeda mida mooheeda; Agoogeeda ooyeenayi, ‘Gayghwararang'aan ng'eaha gang'ucheeweasa, ghana gayghoamu ng'eaha ghwahidu heeda siipiiti?’ Gwayi NG'UTAMIIDA,

YEREMIYA 37:9

Asi gwayi NG'UTAMIIDA, adooreenganay geat nea gooyeenyi, “Fuga Galdayo gayghwanung'waneasa heeda ak gaweay.” Aba huumwa mayghwanung'waneegwa heeda.

YEREMIYA 48:28

“Ang'amwana mujiinajeega, ak goopiidi jeeda lagheaneeda, Ea fuga abiita Moabu! Awuurjeewana ghariibajeanda sissa ghooriidaanyi mareeta mida ghuuta shoomanda.

GIING'EETA 36:8

Hean goobiida Esawu ng'eanyiida heayeeniga Edomu.

ESEKIELI 28:16

Aba seang'ayda giigeakshoadaang'u, buuneeda ghwanyiit jeadaang'u ng'asheega munyas, ak ea nisini riing'eeda aba badaydeaba ng'asheanji gaydajaktaneey aba uhuuda giijeeda ASEETA aba uurda, gawuurji gida mideawa ririnnyeanda, ak ea naalaschi uhuudaang'u, ea geeruubajeanda dea sidukuta, riteawana jeedeaba lagheang'su bea beastean?