Mattayo 7:21 - Bibliyeeda Ghaydit

²¹ “Mii giliwas sih eeniisean, ‘Ng'utamiida, Ng'utamiida,’ jea gawa jeeda sugoocheanduumeeda humng'eeda, geaghus siida sin gidagasa Bwaabeeda mida humng'eeda.

NEAJEEDA EESH BEA BUUNEESSEAN

²¹ “Mii giliwas sih ennisean, ‘Ng'uttamiida, Ng'uttamiida,’ jea gawa jeeda sugoochcheandumeeda humng'eeda, geaghus siida sin gidagasa Bwaabwa mida humng'eeda.

Mattayo 7:21 Referans Kwoze

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda ASEETA, geaghus fugiga sina deaweeda jea eataw doobiiwnata.

Lukka 6:46

“Ghwasaan anda googuureewean ‘Ng'utamiida, Ng'utamiida,’ nea moosini gidearukuneegwa?

Yakkobo 1:22

Nea gagasa ahuwa fuga sina ng'asheanda, adoobeacheewi iing'da ak ghwahit, nea gooreenganayi geat.

Lukka 11:28

Hean gwayeesha, “Ghang'wana fugiga iiy ng'asheega ASEETA nea ghoang'waayiin!”

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.

Ebraniya 4:6

Asi eara gwasa gideaba gwanda fuga jea gaweay jeeda, nea fugiga ghayi asheeda ghoang'waay giijasta miyiin ghwaraay gaweay jeeda aba nyoota mureeda,

Yohaana 6:40

Aba gideaba gidagasa Bwaabwa nih gil, gideaba siida nyooh ghwadaah Orjeeda ak ghamwas abeeda ghwanyas eaweega manda muudeanooda, ak gaydeaduudu eaweeda huuydean.”

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

1 Betro 4:2

nea heesinung' abiideewa siida badayda ng'eanyiida aba ng'asheega gasa saseeda nea mii gidagasiida ASEETA gil.

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.

Mattayo 12:50

Aba gideaba siida wassean nyooh gwasin gidida bwariiy Bwaabeeda mida humng'eedean, siisi abeeda orjeeda giyeanya gil, ea huda giyeanya, ea iyya.”

Giidaheechta 22:14

Ghang'wana fuga ahuun hang'weaka nyaawa, ak gwandeawa doobiiwnata jea gaweesiina geeta eaweega ak gaweay jeeda mujiini aba gidaghuudajeagaaschi.

Yohaana 3:5

Ghwasha Yesu ak gwayeesha, “Aba huumwa, aba huumwa, geayeeshiineey, siida iimeejiilana beega ea Guroorooda ea mayghoammu gawa jeeda sugoocheanduumeeda ASEETA.

Mattayo 18:3

ak gwayi, “Aba huumwa geayeeshiineegwa, Iimoayami geat ea awuurjeewana diibiga, ea majaghanyi aweayeena jeeda sugoocheanduumeeda humng'eeda.

Yohaana 7:17

siida bwariiy gwasin gida bwariiy niny, gayghwanal giinealshooni ea gwaleabu heeda ASEETA ghana gideaba gearuku aba gheambalmeedeanyu.

Ruumi 12:2

Adiidu goomaseawji giduurji ng'eanyiida, geaghus ghanyi eayameagwa ak geanung' ahuwa fuga eashish aba fughareengeagwa, ak abeeda ghoanali muuchi gidabwariiy ASEETA was ng'asheega miyaas, simwas biissa ea majeekcheewi.

Marko 3:35

Siida nyooh gwasina haleanjeeda bwariiy ASEETA, siisi gayghoah orjeediyya, nea gayghoah eara hudiya, nea gayghoah iya.”

1 Desaloniikke 5:18

abadiischeena aba giliwas gil; aba gideaba nih gidabwariiyda ASEETA aba heedeang'wa aba jeeda Gristo Yesu.

Efeeso 6:6

nea mii gideaba googadiyeesi aba gheanyanga gil ak ghwahit, gawuurji fuga ahoosan buuneeda, gagasa gawuurji soomjooga Gristo, nea goosinyi ng'asheega bwariiy ASEETA leabu jih,

1 Betro 2:15

Aba gideaba nih gidagasiida ASEETA gil, gideaba aba sinooda ng'asheega miyaasiin abeeda geanung' ghwasiinda leendeeda fuga dasheahi.

Mattayo 25:21

Gwayeesha siidida hawiin, ‘Ghwadoabiiw soomjeanda miy doabiiwaat; niwoosi doabiwaat aba haleanjeeda ng'ay, gajambala gea saang'a, beeni apteada nea gihoosani sea siida haw.’

1 Desaloniikke 4:3

Aba gideaba ng'asheesu gea bwariiy ASEETA gil was giimiinoodeang'wa, ak gooheeleewi geat hiseadayeanduumeeda;

Golosaayi 4:12

Epafraheeda was siida jeedeang'wa was soomjeanda Gristo Yesu, ghoaghadeagwa nea goopkeateegwa galeagasean nea gwasin badiida aba moashtaanyi bea ASEETA, ak ghoamiinaadi nea simwaseagwa aba haleanjeedida gasa ASEETEAN.

Lukka 13:25

Gayghwahidu damanda jea ghang'eat siida bea gheeda ak ghwajap gidaghuuta, hean goobissi amiinaada ak googulguli gidaghuuta, nea gooyeenyi, ‘Ng'utamiida, jaaseasa.’ Ak gayghwasha niny nea gwayeesha, ‘Mwaanali heedooleabu.’

Gadiyeeda Giijasoodiga 14:22

hean goomajeek gurooruunatka giinealanga, nea goobaloola gideaba oopiidana jeeda masaweega, ak gwayeesha gajeanyasa sawanaduutka saang'a iijea eeweaya jeeda sugoocheanduumeeda ASEETA.

Lukka 18:25

Asi gajea wusis muuchi gideaba gaygwasik ngamiya seawadeeda sidageeda, maygawuurji beata jea gawa meanang'oocheanda jeeda sugoocheanduumeeda ASEETA.”

Marko 9:47

Eara gheang'daang'u iyaschoardaneey, ghang'wana giloodu! Ghang'wana guwi jeeda gheambalmeeda ASEETA nea gibeahi ghaang'agi. Mwasamwa gideaba gindeawi gheanyangaagu duwaawi amadu geejakseey jeeda beasta manda muudeanooda.

Mattayo 19:24

Nuut gicha geayeeshiineegwa, gajea wusis muuchi gideaba gaygwasik diyeayda siguura ngamiya seawadeeda sidageeda ea ea mawuurji gideaba gaygawa meanang'oocheanda jeeda sugoocheanduumeeda ASEETA.”

Mattayo 18:35

Asi gwasunu eara Bwaabeeda mida humng'eeda gaygwahinduneegwa eara agooga iimaba siisi samsa orjeeda geanyaawa aba jeadaanyi sean.”

Yohaana 15:23

Siida sidan aniini abeeda ghwasit eara Bwaabwa.

Mattayo 26:42

Gabiikta deabiyeenya ak ghamwaash ASEETA nea gwayi, “Ea Bwaabwa, iimay ghwasajaadawanaan bayoogi ea eeghus daleayda nung'waada gwasa gidigasiidi ang'iing'i.”

Mattayo 16:17

Ghwasha Yesu nea gwayeesha niny, “Ging'wani ang'iing'i, Simoneeda Bar-Yona! Aba gideaba ng'asheanji moadaajiida saseeda ea foojeanda nih ghoahiimneey Bwaabeeda mida humng'eeda.

Giidaheechta 2:27

ak gayghoahaaghwiida saawa bileangida gharinyeanda, gawuurji gidiisa ghwanyarda haleanjeeda sisna sigeeda ak ghoah banajanga, gwasunu eara aniini naanyaschi uurda leabu heeda Bwaabwa;

Yohaana 14:7

Inyeeda ghwanyawa ghoanalaan, gajanala eara Bwaabwa, ghang'eada ghamneawa ghoanali ak ea noadaayi niny.”

Yohaana 5:17

Ng'ata gwayeesha Yesu saawa, “Bwaabwa gudugagadiyi eara ghamneawa, ak eara aniini geagadiiyi.”

Mattayo 26:39

Hean gawa mwadi gilimwanang' ak gwatkuy ak gakula gheamamdaanyi ng'eanyi ak ghamwaash ASEETA nea, gwayi, “Ea Bwaabwa, iimuusi ginung' ghwasajaadawanaan bayoogi, ea adaghoah gida eagasiidi aniini, nung' ghoah gidigasiidi ang'iing'i.”

Mattayo 18:10

“Ang'ula! Adiidu goofooli earagi aba jeedeaba suh manang'iin, asi geayeeshiineegwa aba humng'eeda malaykajeega nyaawa iissa gang'ula galeagasean gheamamda Bwaabeeda mida humng'eeda. [

Mattayo 18:19

Geayeeshiineegwa gicha, aba jeedeang'wa iineajeesa fih iyeenya ng'ashaan aba hiji bea badayda ng'eanyiidean ak ghamwaash ASEETA, gayghoadaw Bwaabeeda mida humng'eeda.

Mattayo 25:10

Ng'eatng'eat haweegiga dasheahiin gaweay ghwasha nagheeda, goobeeru siida geeshi ak goodeayi jeeda gheeda haweegiga hidaat bay ea niidiing'diing'dean ak gaweay jeeda gheeda nyeangiida amang'ata gearat gidaghuuta.