Mattayo 7:17 - Bibliyeeda Ghaydit

¹⁷ Gwasunu eara geeta miy gwajiila haghweega miyaas, nea geeta muy gwajiila haghweega munyas.

NEAJEEDA EESH BEA BUUNEESSEAN

¹⁷ “Gwasunu eara geetta miy gwajiila haghweega miyaas, nea geetta muy gwajiila haghweega munyas.

Mattayo 7:17 Referans Kwoze

Efeeso 5:9

(aba gideaba haghweega weeshinda geenyassa jeeda haleanjeeda sean miyaasiin ea doobiiwnata ea huumwa),

NYIIGHEEGA 1:3

Ak gaygawuurji geeta sing'eapsa ghuuta eeniga beega, ak gwajiila haghweagaaschi aba damandaanyi, ak eara seendoadaanyi ea masisa. Nea aba gadiyoojiga sean sina, iissa ghwanyagaada.

Golosaayi 1:10

ak abeeda gajoomuusa oopiideata gidagasiida Ng'utamiida nea goosinyi gichea goohoosan, ak giibindeang'wa gaygwaji haghweega aba gadiyoojiga miyaasiin nea gooheetu aba fughareeda ASEETA.

YEREMIYA 17:8

Gawuurji geeta sing'eapsa ghuuta eenda inyeesa ghaftu hawungaaschi ak gagal jeeda eenda, nea eara gwadagu daknooda ea maduupa eara gil aba gideaba seengaaschi iissa ea shabeadi; nea maygwadeawiit gweayda manda roopta, ak ea mayghwashnya jeata.”

Yuuda 1:12

Suh geeyeata ghuusi aba ghweelmajeegeagwa, aba damanda leeshoodeang'wa iyoabwachi geat, nea iissa goong'ulayi geat; shamooghuutka manda beega, nea iissa ghwaat jeameeda; geediga manda haghweega doomeelda shing'da, nimeewa deabiyeenya, ak gealoata;

Filippi 1:11

nea siinyiideagwa haghweega doobiiwnata leabu naweeda Yesu Gristo, aba giigheambiita nea geeduumsheesa ASEETA.

YEREMIYA 11:19

Aniini geanung' dawuurji dayeenda gisilleanda ng'eeni siyaat heeda fuga jeeng'shachi. Meajeeng'ni gideaba saawa gagasa gwasinnean munyinda nea gwayeena, “Anung' eebwara geeta ea haghweagaaschi anung' ealaja ak geang'ami jeeda ng'eanyiida fuga mideawa eaweega, ea mudu eapkaat gheawungaaschi earahay.”

ISAYA 61:3

Ak ghaadawji fugiga ayeawdean aba Sayuniin– shiipka deakghweeda gawa hoorgeeda deareeda, ea nagheeda ghweelmeeda aba hoorgeeda giinyahuushooda, eaghwada gwarsiinda gawa hoorgeeda guroorooda durumwana ak saawa gajeeguura sawacheeka doobiiweadi ghayi ng'aapta NG'UTAMIIDA aba gideaba eakghaambiit.

Mattayo 7:18

Geeta miy moamu gwaji haghweega munyas, nea geeta muy ea moamu gwaji haghweega miyaas.