Mattayo 7:13 - Bibliyeeda Ghaydit

¹³ “Aweayeena ghoah nea goosku gidaghuuta mwariis; aba gideaba gidaghuuta ea bwara nea naweeda ea bwara dea jea gahuteaweegwa ak aasaang'a fuga jea gwasik gidaghuudeeni.

NEAJEEDA EESH BEA BUUNEESSEAN

¹³ “Aweayeena ghoah nea goosku gidaghuutta mwariis; aba gideaba gidaghuut aabwara nea naweeda aabwara dea jea gahutteawweegwa ak asaang'a fuga jea gwasik gidaghudeani.

Mattayo 7:13 Referans Kwoze

GHWASIILDEANGA 16:25

Siida gwadeepa ghwadaah gideaba naweadaanyi ghwadoabiiw, ak huuydeanda gaygoogeal jeeda miyeeda.

Yohaana 14:6

Gwayeesha Yesu niny, “Aniini geawooschi naweeda, ea huumeanda, ea eaweega; siida moamu gawa heeda Bwaabwa, geaghus gwasku heedeanyu.

Yohaana 10:9

Aniini geawooschi gidaghuuta, siida iiweah gah nea gwasku heedeanyu gajeelealu, gaygawa gah nea gwardu ak abeeda gayghwanyas haghweeda.

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

GHWASIILDEANGA 9:6

Nung'waada leendeeda ak gajabiidana, aada geeshta naweeda fughareeda.”

Galattiya 5:24

Fugiga was gea Yesu Gristohiin niingoorda saseeda ea ng'asheagaaschi munyas bwariiy nea gagasa.

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

Mattayo 3:8

Asi ajiila haghweega miisa duukuunooda,

2 Goriinto 6:17

Asi arinana jeenyaawa, ak gooheeleewi geat saawa gwarugu Ng'utamiida, ak ea adoang'waanyi gida mideawa ririnnyeanda; ak abeeda gaydaadeagwa ghoah.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Giidaheechta 20:15

Ak giliwas sih iimiyeeng'oorsa gheawungaaschi jeeda gitaabooda eaweega, hean geejaksa jeedeaba basoodida bea beastean.

Filippi 3:19

Mudeanoodeaba fiisu nyariida gil, ak aseeta nyaawa ea jeeda gil, ak ng'asheega aghaambiida geat ea gea baspaseega gil, mideawa fughareenga ng'asheega ng'eanyiida.

2 Goriinto 4:4

Aba sareani aseeteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa giigheambiita Gristo, nea niny gawuurji sea ASEETA.

Gadiyeeda Giijasoodiga 3:19

Asi aduukuunana, ak goobiikti ayamni geat, ak abeeda geegeanda riing'eegeagwa, ak abeeda ghwahidu damanda hawdeayda jea gwaleabu heeda Ng'utamiida,

Giidaheechta 20:3

ak gwajaksa niny jeeda shoomanda, hean gwadukuta ak ghwayiin giirooraneeda badaydaanyi, aba gideaba maygabiikta gicha gwareengani eemoojiga, ea ghang'ata gweanyeew sagalama. Amang'ata hiji gajeetin gilinuwaas.

1 Yohaana 5:19

Aseasa geanali gideaba geebeayi ASEETA, ak ng'eanyiisean goombal diita muyiin.

Mattayo 25:46

Abeeda fiisu gaygaweay jeeda ghoorjooda manda muudeanooda, nea fugiga doobiiweadiin gaygaweay jeeda eaweega manda muudeanooda.”

Mattayo 25:41

Iidu gaygwayeesha fugiga mida meatkweadaanyi bea geatinda ghaadaamiin, ‘Oang'amwana madeedeanyu, fuga ghayi simwaashta, aweayeena jeeda beasta manda muudeanooda ghayi sibay eerarsa meang'nyeandeenda ea malaykajeagaaschi;

GIING'EETA 6:12

Hean gang'ula ASEETA ng'eanyiida, ak ghwadaah gideaba nimunyiit; aba gideaba naweadinga sean bea buuneeda nimunyasiidi aba badayda ng'eanyiida.

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Ruumi 9:22

Asi naaha iigasa ASEETA ghoahiimu nyarastaanyi nea ghwanung' eanala uurdaanyi, ak ghamilikghta muuchi nea ghwarjeang'da aba dabitida nyarasta sisissa nyaroodean,

Lukka 14:33

Asi gwasunu eara aba agooga, siida manung'usiina heeda haleanjeadaanyi sean mideawa moamu ghoah giinealaneedeanyu.

ISAYA 1:9

Inyeeda NG'UTAMIIDA bea lugweega ea meabuuneasa boosteang'su ng'ay, gwachi gajeasamwa Sodoma, ak geewuurjeewi Gomora.

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

GIING'EETA 6:5

Hean ghwadaah NG'UTAMIIDA gideaba niheedu munyasnacheeka buuneeda aba jeeda ng'eanyiida, ea gideaba fughareenga sean mida gurooruunatka nyaawa ea munyas galeagasean.

Lukka 9:33

Iidu nea gwasimsa fiisu beata gwayeesha Betaro Yesu, “Siida haw ghwanyawa gahaguuw ea meang'amwani hiji; anda meesini udahabeascheew samwagu aba hiji, dea mabeanyi ang'iing'i niirja gaba Musa nea niirja gaba Eliya”; nea niny abeeda mwanala eara gidarukuta.

GHWASIILDEANGA 7:27

Gheanyi naweeda weah gheeda maloonghajeega gil gayghwararang'aada ea ghwahita jeeda ghoorajeega miyeeda.

ISAYA 35:8

Nea aba jeedida gaygwanda naweeda bareanda, ak gajeeguura “Naweeda ghaydit;” ak fuga riing'eega ea maygwasik naweedida, geaghus fuga ASEETA, ak eara fuga dasheahi, maygwarooda aba naweedida.

Mattayo 7:14

Gidaghuuta ea mwariis nea naweeda ea mwariis dea jea gagal ghuhooda, ak gajea ng'ay fuga jea ghwadaa.