Mattayo 7:11 - Bibliyeeda Ghaydit

¹¹ Abeeda iyoanali agoogeeda munyas gideaba gajoatawa diibigeagwa haleanjeeda miyaas, ea mayghwaraanya muuchi Ghweandeang'wa mida humng'eeda ak ghoadaw gea miyaasiin fugiga ikaaschi musiin!

NEAJEEDA EESH BEA BUUNEESSEAN

¹¹ Abeeda iyoanalli agoogeeda munyas gideaba gajoattawa diibigeagwa haleanjeeda miyaas, ea mayghwaraanya muuchchi Ghweandeang'wa mida humng'eeda ak ghoadaw gea miyaas fukka ikkaaschi musiini!

Mattayo 7:11 Referans Kwoze

Yakkobo 1:17

Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

Ruumi 8:32

Ninyeeda ghayi mabwayda eara Orjeedaanyi asakaleala, ak gagu aba badahuukaasa eesa sean, niny maygagooneasa haleanjeeda miyaasiin sea niny?

NYIIGHEEGA 84:11

Aba gideaba NG'UTAMIIDA was ASEETA niny aseeteanya gil ea igeamboodeanya; niny gaygagu alooheeda ea mureeda. Manda gidamiy jea ghaweada NG'UTAMIIDA fuga beawa doobiiwnata.

Yohaana 3:16

Aba gideaba ASEETA ghabwariiy ng'eanyiida ea eeyi bwak ea ghoadayda Orjeedaanyi asakaleala, ak abeeda siida wassean mwas niny ea mwaroada ak abeeda ghwanyas eaweega manda muudeanooda.

ISAYA 49:15

“Heapi gatmooda ghoamu gwaroosa jeaptaanyi duu gwareeri? Ak ea mayghabwayda dea jihi? Asaha, saawa gayghoamu gwaroosa, ak aniini ea maygwaroosean.

NYIIGHEEGA 86:15

Nea ang'iing'i, Ea NG'UTAMIIDA, guwoosi ASEETA mideawa baydeayda ea miyeenooda, ak ea mii asas nyaras ak gwandeawa bariinyeega huumwa ak ea doabiiwaat.

1 Yohaana 4:10

Nea nih ea bariinyeega, mii gideaba geabwariinyi aseasa ASEETA ghabwariinyeasa niny ak goojeagu Orjeedaanyi ghoah dea adayda leadeeda riing'eegaasa.

NYIIGHEEGA 86:5

Aba gideaba ang'iing'i Ea NG'UTAMIIDA guwoosi miy nea gisamiisi fih, nea gibwariinyi muuchi fuga sean guuruuneey.

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.

1 Yohaana 3:1

Ang'ula nih bariinyeega uurjiin gil gooneasa Ghweanda, bea gideaba eeguureewaneasa diibiga ASEETA, ak ea gidasiwuurjeewi gil. Ak abeeda ghoah gidamwanalaneasa ng'eanyiida ak ea mwanala niny.

GIING'EETA 6:5

Hean ghwadaah NG'UTAMIIDA gideaba niheedu munyasnacheeka buuneeda aba jeeda ng'eanyiida, ea gideaba fughareenga sean mida gurooruunatka nyaawa ea munyas galeagasean.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

MALAKI 1:6

“Orjeeda gwasiniisa ghwaan mureeda, nea siida gadiyeeda gwasiniisa siidaanyi haw. Asi aniini iyeawooschi ghweanda, gwandeenu mureedeanyu? Ama eawooschi siida haw, gwandeenu gheawalmeedeanyu? gwarugu NG'UTAMIIDA bea lugweega, Ea ashoohoodiga, fool gheawungeasu. Ak gooyeenyi, ‘Neada aseasa geefooldiin gheawungaagu?’

NYIIGHEEGA 85:12

Huumwa NG'UTAMIIDA gaygagu gidamiy ak abeeda gaygagu ng'eanyiideanya boagaaschi.

Ruumi 3:19

Asi sinali gideaba ng'asheega sean rugu deaweeda gwarukuna badahuuka fuga mida jeeda deaweeda, ak abeeda gearat ghuusiga sean, ak gawa ng'eanyiisean jeeda girgweageeda ASEETA;

Galattiya 3:22

Nih nibean gwarugu Ng'ooruutka gideaba nijooriischi riing'eeda aba ng'eanyiisean geetaajiitunu aba gideaba fugiga mwas Yesu Gristohiin gayghwanyas heeleesiindida ghayi sirukusean aba masaweega.

Ruumi 3:9

Asi gajeayeanaan? Aseasa fuga Yahudi geewooschi miyaasiin muuchi? Manda, eara gili mwanang'. Aba gideaba sisikteawi aseasa gideaba buuneesean, fuga Yahudi ea fuga Yunani, eara saawa gwanda jeeda uurda riing'eeda,

YEREMIYA 33:14

“Ng'ula, gayghwahidu eawoojiga, gwarugu NG'UTAMIIDA, jea dasina ng'asheanda miy ghayi earguun aba badayda fuga Israeli ea aba badayda fuga Yuda.

2 SAMWELI 7:19

Nea gicha ng'asheanji ea mwanang' aba madeeda gheanyangaagu, Ea NG'UTAMIIDA was ASEETA; ak gibalooli badayda gheeda siidaang'u bea gadiyeeda aba damanda haw jea ghwahidu, ak ea niihiimnaan seaygoojiga jea ghwahidu, Ea NG'UTAMIIDA was ASEETA!

HOSEYA 14:2

Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

YEREMIYA 17:9

Guroorooda gaba ng'uya ea ghwanaawa haleanjeeda sean, nea ea nidatasa muuchi; gayghoamu ng'eaha ghwanal?

AYUBU 15:16

Siida inyeesa ghoanyareas fih ak gabiisa gaba ririnnyaan, siida inyeesa gwasinda ng'asheega munyas siida leah beega.

ISAYA 63:7

Gaydargu alooheeda NG'UTAMIIDA, ea giigheambiita NG'UTAMIIDA, aba ng'asheega sean sinneasa NG'UTAMIIDA, aba seang'ayda alooheadaanyi aba gheeh Israeli, nea gwasinneasa baydeaydaanyi aba seang'ayda alooheadaanyi.

Mattayo 7:10

Ghana iimus ghweayeanda, jea ghoadaw ichibooda?

Mattayo 23:9

Nea adooguuri siida, Bwaabwa aba ng'eanyiida aba gideaba, Ghweandeang'wa ea akaleala nea gwanda humng'eeda.