Mattayo 6:25 - Bibliyeeda Ghaydit

²⁵ “Aba sareani geayeeshiineegwa, adoodeawiisi eaweegeagwa, aba gichea ayaaga ghana gichea aleaha, ghana gichea ookwealsiina sasanuukeagwa. Heapi eaweega mwang'ala hamita, nea saseeda ea mwang'ala hang'weaka?

NEAJEEDA EESH BEA BUUNEESSEAN

²⁵ “Aba sareani geayeeshshineegwa, adoodeawiissi eaweegeagwa, aba gichchea ayaaga ghana gichchea aleaha, ghana gichchea ookwealsiina sasanuukeagwa. Heappi eaweega mwang'ala hamitta, nea saseeda amwang'ala hangweakka?

Mattayo 6:25 Referans Kwoze

Filippi 4:6

Adoodeawiichi geat aba ng'asheanda wassean, geaghus aba mooshta ASEETA nea ghoamwaschi ghawooda, nea ghoabwachi ASEETA ak ghwanal ASEETA gidoogasayi wassean.

1 Betro 5:7

Ak ghoatawji niny sawanaduutkeagwa sean, aba gideaba niny gwadeawiisa muuchi ng'asheegeagwa.

Ruumi 8:32

Ninyeeda ghayi mabwayda eara Orjeedaanyi asakaleala, ak gagu aba badahuukaasa eesa sean, niny maygagooneasa haleanjeeda miyaasiin sea niny?

NYIIGHEEGA 55:22

Adawa NG'UTAMIIDA sareandaang'u, ak gayghoaghuunyi; mayghwanung'waada siidaanyi doabiiwaat eajoar.

Mattayo 6:31

Asi adoodeawiichi nea gooyeenyi, ‘Gajeayaaga naaha?’ ghana ‘Gajealeaha naaha?’ ghana ‘Gajeekweala naaha?’

Marko 4:19

iidu ghwahidu mitagheasta muunda ng'eanyiida bea geaba gasooda baruureega, ea seechmeeda seach saawa gilinyoo ghwariis ng'asheandida, ghwanung' ea mudu gwaji haghweega.

Mattayo 10:19

Asi iisiyaadeagwa adooteemsheesi gichea arukuta aba gideaba damandida gajeegooneegwa gichea arukuta.

1 Goriinto 7:32

Geagasayi oopala geat aba deawiitmeeda. Siida mii gageeshi iissa gwadeawiisa ng'asheega Ng'utamiida, gida jea goohoosanda Ng'utamiida;

Mattayo 6:34

“Asi adoodeawiisi ng'asheegeaba numuji, aba gideaba numuji gaygwadeawiisa geaw. Giliwas eaweecha ghoahiit deawiitmeadaanyi.

2 Dimoteo 2:4

Shirikarajeanda mida jeeda ng'ucheeda maygwadeawiit aba haleanjeeda muunda ng'eanyiida aba gideaba gaygoohoosan shirikarajeandaanyi haw.

Lukka 8:14

Nea giika abitpisa jeeda geediga halaghweengean, ea giika ama iiy, iidu nea gaweay ghwariis mitagheasta muunda ng'eanyiida bea gasooda baruureega, ea haleanjeeda bwariiy sasanuuka nyaawa ak iidu haghweagaaschi ea mwaheasa.

Mattayo 13:22

Nea dea abissa jeeda geediga halaghweenga, ea siidida iiy ng'asheanda amadu aba geawunda gheang'da baruureega badayda ng'eanyiida, ghaminighis ak ea mudu gwaji haghweega.

Lukka 12:11

Ama deepa eayaadeagwa ghooriida siinealshacheewa ea fuga ahaaghwa ng'eanyiida ea madeeda gea mideawa gheambalmeeda, ea adoohirbabanyi aba gichea ashaayda ea ng'asheega jea arukuta;

Marko 13:11

Nea eara iisiyaadeagwa gheeda sirgweacha, ea adoohirbabanyi, aba badayda ng'asheega jea arukuta, iihidu damandida, arukuta ng'asheanda wassean sinyuneegwa, aba gideaba mii agooga gil fuga jea gabalool, gaygabalool Guroorooda Ghaydit.

YEREMIYA 45:5

Ak gigakiisi geaw ng'asheega heesi? Adigasayi; aba gideaba ng'ula, gaydeadu ng'asheega munyas badahuuka haleanjeeda sean nyooh gwandeawa saseeda, gwarugu NG'UTAMIIDA; ak gaydagoonyi eaweagaagu ghoah gichea dagoonyi ea nihi gaydaaghu eaweagaagu aba hiji uwi sean.”