Mattayo 6:2 - Bibliyeeda Ghaydit

² “Asi ang'iing'i iidaydi haleanjeeda iiweadi fuga barbari adiidiing'u geaw ak gisindi gidasiniida fuga amiitu geat aba jeesinga ghoorajeega siinealshacheewa ea ghuusiga naweadinga, gagwarsa buuneeda. Aba huumwa, geeyeeshiineegwa suh ninyas giimearda nyaawa.

NEAJEEDA EESH BEA BUUNEESSEAN

² Asi ang'iing'i iidaydi haleanjeeda iiweadi fuga barbari adidiing'u geaw ak gisindi gidasinniida fuga ammiitu geat aba jeesinga ghorajeega siinnealshachcheewa ea ghuusiga naweadinga, gagwarsa buuneeda. Aba huumwa, geeyeeshshineegwa suuh ninyas gimearda nyaawa.

Mattayo 6:2 Referans Kwoze

Mattayo 6:5

“Asi iyoamwaashchi ASEETA, ea adoowuurjeewi fugiga amiitu geadiin; saawa ghabwariiy ghamwaash ASEETA nea ghamiinaada aba jeesinga ghoorajeega siinealshacheewa ea ghuusiga naweadinga, ghwadaah buuneeda. Aba huumwa, geayeeshiineegwa, nigeawiit ghwanyas giimearda nyaawa.

Mattayo 6:16

“Nea iyoolluuldi geat, ea adoowuurjeewi fuga amitu geat, saawa iissa gookaroomnyi gheamamuunatka nyaawa ghoahiimu geat ghwadaah buuneeda gideaba niiluulda geat. Aba gideaba geayeeshiineegwa suh ninyas giimearda nyaawa.

Yohaana 5:41

Aniini mwaanyasi giigheambiita aba heeda buuneeda.

Ebraniya 13:16

Adoofooli sinooda ng'asheega miyaasiin nea goobareanyi haleanjeeda oondeawi, aba gideaba lukghumeeda sunu goohoosan ASEETA.

Lukka 20:46

“Ashageada ng'oorshoodiga, fuga bwariiy gwaleamideawa hang'weaka geawi bwariiy eeyeeniisa seayu aba naadajeega, ea hoorgajeega miyaasiin aba gealga siinealshacheewa, nea eara iiweay gealga ghweelmeeda ghwanyoahaada hoorgajeega madeeda,

Yohaana 7:18

Siida baloola gheambalmeadaanyi abeeda gagaseadayi giigheambiiteaba geaw, amaduuku siida gasa giigheambiita siida ghayi ajeagu gaba huumwa nea jeadaanyi ea manda munyinda.

1 Betro 4:11

siida wassean balool, gawuurji dea ruku ng'asheega ASEETA; nea dea wassean sin gadiyeeda, dawuurji dea sin gadiyeeda aba uurda adaw ASEETA; ak abeeda aba haleanjeeda sean geakghaambiit ASEETA aba naweeda Yesu Gristo. Giigheambiita gammiisa niny ea gheambalmeeda ea ghoah damanda manda muudeanooda. Amin.

NYIIGHEEGA 37:21

Siida mii doabiiwaat iissa ghoalaach, ak ea mayghoadayda, nea siida doabiiwaat goodayiideawa inyeanda jeeda;

Efeeso 4:28

Mareanghweanda danung'waada gwadishta, dang'eada ghuuta gadiyeeda miy aba geatingaaschi, ak ghwanyas gichea ghoadaw fugiga gassean.

Galattiya 2:10

ak goopkaaneasa gideaba eapkaada fuga barbari, was gidida easawani aba gasooda sinoodean.

Gadiyeeda Giijasoodiga 10:4

Gang'ula nea nibeal ak gwayeesha, “Naaha gil Ng'utamiida?” Ghwalamda ak gwayeesha, “Mooshtaang'u bea ASEETA ea haleanjeeda isabi geadi nidiyeada ak ghoah giipkeata aba madeeda ASEETA.

HOSEYA 8:1

Iina ghuutaang'u durumbeati, aba gideaba madooyda gwanda uhuuda gheeda NG'UTAMIIDA, aba gideaba ninyarja neajeedeanyu, nea ea mudu ghoang'waay digheandeanyu.

1 Dimotteo 6:18

Dasina ng'asheega miyaasiin ak ghoaw meanang'oodiga aba sinooda gea miyaas, ak ghoadayda haleanjeeda nyaawa nea gabareanyi sea buuneesuurja aba jeeda miy,

Ruumi 12:8

ea siida reekwiisa buuneeda gil, aba jeeda reekusiindaanyi; ea siida adayiida haleanjeeda, aba jeedeesh; ea siida weeda buuneeda mideawa doobiiwnata; siida sina gadiyeeda baydeayda, biissa gahoosani.

Gadiyeeda Giijasoodiga 24:17

Iing'ata gweanyeeka saang'a ghaawunyi deasa fuga eemeedeanyu haleanjeeda sisapa geadi bea ghadooweeda ea gujaweeda.

Gadiyeeda Giijasoodiga 10:31

nea gwayi, ‘Gorneliyo, mooshtaang'u bea ASEETA siyiiy ak eara haleanjeeda isabi geadi ea niipkaat ASEETA.

Gadiyeeda Giijasoodiga 10:2

siisi aamiy ea fugeaba gheanyi sean, ak goowali ASEETA, iissa ghoadayda haleanjeeda sisapa geadi bea ghadooweeda ak ghaweat buuneeda, nea inyeesa ghamwaash ASEETA galeagasean.

Gadiyeeda Giijasoodiga 9:36

Abeeda gwanda ng'eanyiida Yopa giinealaneeni siguura gheawungaaschi Dabita, nea gideaba Dorkasi gil. Abeeda gwasina gadiyoojiga ninyas nea gaweeda buuneeda.

Yohaana 13:29

Aba gideaba Yuda abeeda siida adiing'iida sandakwajeanda lapiya gil, hean ghaghay giinealanga mwaatkwa gili eesha Yesu, “Shaaha haleanjeeda sigasa eaweeda ghweelmeeda”; ghana gideaba gwayeesha adawa fuga barbari haleanjeeda.

Yohaana 5:44

Abeeda gajamwastaan, siida nyasa giigheambiita hichpa siinuut ak ea magassa giigheambiita leabu heeda ASEETA?

Lukka 6:42

Ak gajamuustaan eeshiina orjeeda geamadu, ‘Orjeeda iya, nung' dageanu hararooyeanda mida gheang'daang'u,’ nea midaahi geeta mida gheang'daang'u ang'iing'i. Siida amiitu geaw, nyooh ghanyi geanda geeta mida gheang'daang'u, abeeda gaydaaha muuchi gichea geandeayda hararooyeanda mida gheang'da orjeeda geamadu.

Marko 12:39

Nea eara Iiweay gealga ghweelmeeda ghwanyoahaada hoorgajeega madeeda.

GHWASIILDEANGA 20:6

Fuga saang'a gagwarageat gideaba aamiyaas, ak siida doabiiwaat bea huumwa gayghoamu ng'eaha ghwanyas.

GHWASIILDEANGA 19:17

Siida weat siida bwarbwar ghwanung' ghoalaach NG'UTAMIIDA, ak Ng'utamiida gaygawalu aba sinaweagaaschi miyaas.

NYIIGHEEGA 112:9

Ak goodayiida haleanjeeda aba inyeanda jeeda, ak goodawi fuga barbari; doobiiwnataanyi gaygoobiida damanda manda muudeanooda; nea gujaweadaanyi gajeetiing'u aba giigheambiita.

Filimoon 1:7

Aba gideaba naanyaschi hooseaneega muuchi ea hawdeayda aba bariinyeagaagu orjeediyya, aba gideaba gurooruunatka fuga ghaydidi nihawda aba badaydaang'u.

1 Desaloniikke 2:6

nea ghanyea miyeegassa gharbeeda aba heeda buuneeda, ghana heedeang'wa ghana hichpa fih suuk, ghana gwadeepa ea sigasayi aba gideaba geawooschi giijasoodiga Gristo.

Gadiyeeda Giijasoodiga 11:29

Ghang'eat fugiga was giinealangean ak gaba nih aat gida ammu wassean, ak geeyeassa weeta fuga siduupcheewi mida Yudeyaan;

Lukka 13:15

Hean ghwasha Ng'utamiida nea gwayeesha, “Fuga amiitu geat! Aba agooga gwanda siida maygwajeassa heeydaanyi ghana digeadaanyi aba seamooda, eaweeda Sabaato ak gawa ghoaleayda?

Lukka 12:56

Fuga amiitu geat! Ghoanali arukuni giduurji ng'eanyiida ea humng'eeda ak ea moanaldaniin arukuni damani bea ghamneawean?

Lukka 12:33

Ashaayda haleanjeeda oondeawi ak ghoataydi haleanjeeda sisapa geadi bea ghadooweeda; asisina geat shageeniga mawoosiita, gheaseeda mayghoashoay aba humng'eeda heeda may gwaneekiisa mareanghweanda, heeda mayghwaak eara muguyga.

Lukka 11:43

Farisaayajeega ashageada! aba gideaba ghoabwariinyi oopiitpiidana hoorgajeega madeeda aba jeeda gealga siinealshacheewa nea geekeatooscheeweegwa aba naada.

Lukka 11:41

Asi oatawa haleanjeeda sisapa geadi bea ghadooweeda bea jih; abeeda gayghamiidu haleanjeeda sean aba heedeang'wa.

Lukka 6:24

“Asi ashageada agoogeeni oowooschi baruurjeewiin, aba gideaba noanyaschi hawdeayda.

Marko 7:6

Ghwalamda Yesu ak gwayeesha, “Fuga amiitu geat! Niiw huumwa ramoraneeda ghayi rukuteawa. Isaya badahuukeagwa, ‘Ghayi gwayi ASEETA, Fiisu gwasinunean mureeda aba ghuusiga ak ghwahit, nea gurooruunatka nyaawa ea sheageeweani.

Mattayo 24:51

Ak gayghwaaga ghoorjooda, ak ghwanung' gwandeayi sea fuga amitu geat; abeeda gaygwanda shooka ea giiwiirooda geeshatka.

Mattayo 23:6

Fuga bwariiy goobiitpiida hoorgajeegeaba mwadi eaweeda ghweelmeeda, nea ghabwariiy goobiida mwadi aba jeesinga ghoorajeega siinealshacheewa.

Mattayo 22:18

Gwajeeng'u Yesu munyasnacheeka nyaawa ak gwayeesha, “Anda googasayi asimsimean ea fuga amitu geat?

Mattayo 16:3

Iighar gayeew iissa gooyeenyi, ‘Askweareani gaygwarukusa, aba gideaba humng'eeda ea areara nea ghwanung' eabeal.’ Ghoamuuschi anala damanyoojiga iyoong'ulayi humng'eeda, nea moamuusi anala gwadeagwajeega damanyoojiga.

Mattayo 15:7

Ea fuga amitu geat! Nidoabiiw ng'asheanda ghayi ramoaran sibaneeda siguura Isaya aba badahuukeagwa nea gwayi,

ISAYA 58:7

Giiluuldeaydeaba geaw bea huumwa gideaba gajadawa fuga bearji jalooda hamitaang'u, ea gideaba nung' ghapka gheang'u fuga barbari manda heeda jea goobiida; ak giidawi hang'weaka fuga mandeawana hang'weaka, nea giweadi eara buweadeagaagu.

ISAYA 9:17

Asi NG'UTAMIIDA maygahoosan aba badayda gheareemanga nyaawa, nea mayghabwayda bananga ea masinung'weega nyaawa; aba gideaba manda eara siyagi awal gheang'da ASEETA ak gaba ng'uya sean, nea eara aba badaydeaba suh seaniin ea mii goosha nyarastaanyi gudughamiinda geatindaanyi.

REEKUSIINDA 11:2

Adawa gida fih ispwa ghana fih sis, aba gideaba minali gidamuy deepa ghwahidu badayda ng'eanyiida.

1 SAMWELI 15:30

Hit gwayi, “Aniini neasinyi riing'eeda; ak gisinnean mureeda aba madeeda gweargwa buuneedeanyu ea madeeda Israeli, ak giyami geaw sea aniini, ak abeeda ghaabwachi NG'UTAMIIDA was ASEATAANG'U.”

Mattayo 7:5

Ea orjeeda siida amiitu geaw, nyooh ghanyi asheeda geanda geeta mida jeeda gheang'daang'u, ak abeeda gajamuusa geani hararooyeanda mida gheang'da orjeeda geamadu.

Mattayo 5:18

Aba huumwa geayeeshiineegwa; eara ghang'ata humng'eeda ea ng'eanyiida, ghanyea manda eara hiji mwanang', ghana roobadeanagi mwanang', muuchi bea deaweeda majeegeanda ea gwasa ng'asheega sean.

ISAYA 10:6

Gaydeajeakta ghabwar eemeeda munyas seara, ak ghabwar fuga eanyareeksi, ak ghoareat haleanjeeda nea ghwanung' ghoah rabadanga, nea ghoalaapta ng'eanyi gawuurji sheang'weeda mida naweeda.

Mattayo 6:3

Asi ang'iing'i iidaydi haleanjeeda iiweadi fuga barbari eara geatindaang'u ghaadaam adaghwanal gissin geatindaang'u bea dugwa.

Mattayo 23:5

Gicha sinaweega nyaawa sean inyeesa gwasin ghwadaah buuneeda aba gideaba iissa gooheetu barawajeegeagwa bea mooshta ghawooda, nea googeawiidi seapseapta nyaawa.

1 Goriinto 13:3

Iyaadaydi haleanjeedeanyu sean eandeawi, ama aadaydi saseedeanyu eaghwarda, ak ea meandeawani bariinyeega, ea meanyasi gil.