Mattayo 6:13 - Bibliyeeda Ghaydit

¹³ Adiigealeasa jeeda simsimda, ak giighuuhaneasa gidida muyiin.

NEAJEEDA EESH BEA BUUNEESSEAN

¹³ Adigealleasa jeeda simsimda, ak gighuhaneasa gitta muyiin.

Mattayo 6:13 Referans Kwoze

1 Goriinto 10:13

Manda simsimda ninyaseagwa agooga mawoosa dea gealaan aba heeda siida. ASEETA doabiiwaat, nea niny ea mayghwanung'waada eesimeegwa ea ghwanaawa uurjeengeagwa, earapeadi jea eesimeegwean gaygwasin naweeda jea ariteawana ak abeeda ghoamuuschi arjeang'da.

Yohaana 17:15

Aniini maamwaashi gideaba geandeawana jeeda ng'eanyiida, geagasayi gideaba gayfura aba gidida muyiin.

Mattayo 26:41

Oang'wearni nea ghoamwaashchi ASEETA ea moapiitani jeeda simsimda; guroorooda ghwanyawa gagasa, amadu ea ng'arng'ar saseeda.”

Giidaheechta 19:1

Ng'ata ng'asheesu ghaayiinyi ghuuta haw uurji dea eemeeda saang'a aba humng'eeda, nea gwayi, “Haleluya! Lealeanooda ea giigheambiita ea uurda gaba ASEETEANYA,

2 Desaloniikke 3:3

Iidu Ng'utamiida ea doabiiwaat; jea goomajeegiideegwa nea ghoahaaghwaneegwa aba diita muyiin.

Mattayo 6:10

Sugoocheanduumeadaang'u nung' ghwahidu, Gidigasayi gagasa eesin, aba hiji bea ng'eanyiidean gawuurji gisisiniida aba hoowa bea humng'eedean.

YEREMIYA 15:21

“Gaydaweanyi aba geatinga fuga gwaneadi; ak gealealnaneey geatinga fuga munyas.”

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,

1 Desaloniikke 1:10

nea ghoamuughu orjeedaanyi jea gwaleabu humng'eeda, ghayi aduuna miyeeda, nea Yesu gil, lealnaneasa nyarasta jea ghwahidu.

NYIIGHEEGA 47:7

Aba gideaba ASEETA sugoocheanda ng'eanyiisean; asarmanana gearinda.

1 DAMANYOOJIGA 29:11

Ea NG'UTAMIIDA, hawunda daang'u, ea giimuusta, ea giigheambiita, ea jooriischooda, ea gheambalmeeda; aba gideaba haleanjeessean mida humng'eeda ea ng'eanyiida gaagu gil; gheambalmeeda daang'u, Ea NG'UTAMIIDA, ak ea siikghaambiinyi, ang'iing'i guwoosi haweewa haleanjeeda sean.

Giidaheechta 21:4

ak gaygoobuus giliwas dabeaka aba gheanyanga nyaawa, ak ea maygudu gwanda miyeeda, ghana giiseaneega ghana shooka ghana sawanadeeda, maygudugwanda aba gideaba, ng'asheega madeeda goola ghang'ata.”

NYIIGHEEGA 10:16

NG'UTAMIIDA sugoocheanda gil damanda manda muudeanooda; eemoojiga gaygoosha aba jeeda ng'eanyiidaanyi.

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

1 Yohaana 3:8

Siida sina riing'eeda gaba meang'nyeandeenda; aba gideaba meang'nyeandeenda ghayi gabean gwasina riing'eeda. Gissibaysiina wunooda Orjeeda ASEETA geataajiit ghwadatas gadiyeeda meang'nyeandeenda.

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

NYIIGHEEGA 41:13

Asi eakghaambiida NG'UTAMIIDA was ASEETA Israeli, eakghaambiida ghamneawa ea ghoah damanda manda muudeanooda! Amin! Amin!

1 DAMANYOOJIGA 16:36

Deaghaambiida NG'UTAMIIDA, was ASEETA Israeli, Ghang'eada damanda manda muudeanooda!” Ea ghwahita damanda manda muudeanooda. Ak gwayi buuneesean, “Amin!” Ak ghoaghaambiit NG'UTAMIIDA.

1 DAMANYOOJIGA 4:10

Ak gaguursa Yabesi ASEETA Israeli, nea gwayi, “Inyeeda gigoonyean ghawooda nea ginung' gwaheedu moonghoodeanyu, ak gwanda geatindaang'u badaydeanyu, ak giiheeleewean sawanadeeda ak abeeda ea masawanean!” Ak ghoadaw ASEETA Yabesi gidagasa.

GIIPKEATA DIIGHEANDA 8:16

nea ghoang'aataneey aba hamita siguura maana aba jeeda dareapcheeda nea ghweanigeagwa ea mwanala, hean ghwanung' nyasa hang'weanidooda nea gwasimnyi, muchu ak gagoonyi alooheeda aba huuydeanda.

RITEAYDA 15:18

NG'UTAMIIDA gaygoombaliischi damanda manda muudeanooda.”

GIING'EETA 22:1

Iimuchu nea ning'ata ng'asheesu gwasim ASEETA Abrahamu, ak gwayeesha, “Abrahamu!” Ak gwayeesha, “Aniini geandi hiji.”

Galattiya 1:4

nea gabeagu geaw aba riing'eegaasa ak gwalealnaneasa aba jeeda seaygeani bea ghamneawa munyasiin, gawuurji gidagasiida ASEETA was Ghweanda;

2 Goriinto 1:20

Aba gideaba heeleesiinda sean bea ASEETA iissa ghwanyas Ea aba jeadaanyi. Nih gissirukuuni Amin gil aba badaydaanyi, aba giigheambiita ASEETA.

NYIIGHEEGA 47:2

Aba gideaba NG'UTAMIIDA, was ASEETA haw bea humng'eeda, aang'waan, niny sugoocheanda hawi aba badayda ng'eanyiisean.

IITOODA 5:22

Nea beega eatu mooshteayda gaygaweay jeadaang'u, ak ghwanung' ghoapka jeadaang'u, nea gisoonani;’ ak gayghwasha gatmooda nea gwayi, ‘Amin, Amin.’

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Mattayo 5:37

Nea ng'asheegeagwa ghoanung' ghoah ‘Ea’ ghana ‘Manda’; gili wassean nyooh ghwanaawda gwaleabu heedeaba diita muyiin.

DANIELI 4:25

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

GHWASIILDEANGA 30:8

Geandeawanean ng'uyeega ea reengaweega, adigoonyean barbaranda ea meanang'oocheanduumeeda, goonean daghwardeanyu ak ghwahit.

GIIPKEATA DIIGHEANDA 8:2

Ak gajapkaada naweeda sean abeada NG'UTAMIIDA was ASEATAANG'U adoabiiweagwa aba gweanyeew haradam aba jeeda dareapcheeda, nea ghwahiing'neey, ak gwasimsimnyi ghwadaah gida mida jeeda gurooroadaang'u, ghwadaah ea jea sisiina mureeda diigheanyeekaaschi ghana manda.

1 Goriinto 14:16

Eara gwasa, ang'iing'i iibadiischeesi aba guroorooda, siidida uurji gilimida jaroodean gaygwayeendaan “Amina” iing'ata badiischeesiindaang'u iimwanala gidirgu?

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

NYIIGHEEGA 106:48

Asi deakghaambiida NG'UTAMIIDA, was ASEETA Israeli, ghang'eada damanda manda muudeanooda ea ghwahita damanda manda muudeanooda! Ak ea dayi buuneesean, “Amin!” Eakghaambiida NG'UTAMIIDA!

NYIIGHEEGA 89:52

Eakghaambiida NG'UTAMIIDA damanda manda muudeanooda Amin ea Amin.

NYIIGHEEGA 72:19

Gheawungaaschi ghaydit deakghaambiida damanda manda muudeanooda; ng'eanyiisean danyiida giigheambiitaanyi! Amina, Amina!

1 SUGOODIGA 1:36

Ak Benayeeda was orjeeda Yehoyada ghwasha ghuuta sugoocheanda, “Amin! Gagasa NG'UTAMIIDA, was ASEETA ng'utamiideanyu was sugoocheanda, gwarugu ng'asheanji.

Giidaheechta 19:4

Nea gweargiga atiktam ea ang'waniin sea diyeangiga asang'wan majeekcheewiin goobeedeayi ak ghoaghadoawan ASEETA apteada aba badayda hoorgeeda gheambalmeeda nea gwayi, “Amin. Haleluya!”

Giidaheechta 5:13

Ak gilinyoo gwanda humng'eeda ea badayda ng'eanyiida ea uuta ng'eanyiida ea jeeda basooda, ea haleanjeeda sean mida jeadaanyi, gwayi, “Ghawooda ea mureeda ea giigheambiita ea giimuusta gwandeawa ninyeeda apteada aba uhuuda hoorgeeda gheambalmeeda ea Dayeenda Gisilleanda ea ghoah damanda manda muudeanooda!”

Giidaheechta 3:14

“Heeda malaykajeanda ganiiseeda Laodikiya ng'oara: ‘Ng'asheega siida was Amin, was siida doabiiwaat was muushoocheanda huumwa, was giing'eeta haleanjeeda sean sin ASEETA.

Ebraniya 11:36

Mwaatkwa gwasawana aba shikooda ea bayiiga, nea ghabwada geerata munyaloalajeega aba ghealooniga.

1 Dimotteo 1:17

Mureeda ea gheambiida daba sugoocheanda eaweega manda muudeanooda was dea maygamutmudan, ak ea miidaach, niny ASEETA bwaageawi, ea ghoah eaweega manda muudeanooda. Amin.

YEREMIYA 28:6

ak gwayi Yeremiya, “Amin! Gagasa ghoadoabiiw NG'UTAMIIDA; gagasa ghwanung' NG'UTAMIIDA ghoah huumwa ng'asheega ramoorani, ak ghwanung' gabiikna Babeli dabita gheeda NG'UTAMIIDA sea fuga sean ghayi weay ghealooniga.

NYIIGHEEGA 22:28

Aba gideaba gheambalmeeda gaba NG'UTAMIIDA; ak niny ea dea ambal eemoojiga.