Mattayo 6:10 - Bibliyeeda Ghaydit

¹⁰ Sugoocheanduumeadaang'u nung' ghwahidu, Gidigasayi gagasa eesin, aba hiji bea ng'eanyiidean gawuurji gisisiniida aba hoowa bea humng'eedean.

NEAJEEDA EESH BEA BUUNEESSEAN

¹⁰ Sugoochcheandumeadaang'u nung' ghwahidu, Gidigasayi gagasa eesin, aba hiji bea ng'eanyidean gawuurji gissisinniida aba hoowa bea humng'edean.

Mattayo 6:10 Referans Kwoze

Ebraniya 10:36

Asi gagasa andeawana riyeeng'deayda, ak abeeda goosinyi gidagasa ASEETA ak ghoanyaschi gidida siheeleesean.

Yohaana 4:34

Gwayeesha Yesu saawa, “Hamiteanyu sinooda gidabwariiy siida ghayi ajeaknean gil, ak ghaahiichi gadiyeadaanyi.

Mattayo 26:42

Gabiikta deabiyeenya ak ghamwaash ASEETA nea gwayi, “Ea Bwaabwa, iimay ghwasajaadawanaan bayoogi ea eeghus daleayda nung'waada gwasa gidigasiidi ang'iing'i.”

Mattayo 12:50

Aba gideaba siida wassean nyooh gwasin gidida bwariiy Bwaabeeda mida humng'eedean, siisi abeeda orjeeda giyeanya gil, ea huda giyeanya, ea iyya.”

1 Desaloniikke 5:18

abadiischeena aba giliwas gil; aba gideaba nih gidabwariiyda ASEETA aba heedeang'wa aba jeeda Gristo Yesu.

Ruumi 12:2

Adiidu goomaseawji giduurji ng'eanyiida, geaghus ghanyi eayameagwa ak geanung' ahuwa fuga eashish aba fughareengeagwa, ak abeeda ghoanali muuchi gidabwariiy ASEETA was ng'asheega miyaas, simwas biissa ea majeekcheewi.

Yohaana 6:40

Aba gideaba gidagasa Bwaabwa nih gil, gideaba siida nyooh ghwadaah Orjeeda ak ghamwas abeeda ghwanyas eaweega manda muudeanooda, ak gaydeaduudu eaweeda huuydean.”

Golosaayi 1:9

Ak aba sareani dea ghayi siyiinyi ng'asheesu ea miyeenung'waada mooshta ghawooda aba badahuukeagwa, gideaba gagooneegwa ASEETA fughareeda huumwa bea gidagasiida niny ak gagooneegwa weaghuumeeda ea nalooda aba jeesingeagwa,

Efeeso 6:6

nea mii gideaba googadiyeesi aba gheanyanga gil ak ghwahit, gawuurji fuga ahoosan buuneeda, gagasa gawuurji soomjooga Gristo, nea goosinyi ng'asheega bwariiy ASEETA leabu jih,

NYIIGHEEGA 40:8

Aniini ghaabwariinyi dasin gida ibwariinyi, Ea ASEETEANYU; deaweedeadaang'u gwanda jeeda gurooroodeanyu.”

Mattayo 7:21

“Mii giliwas sih eeniisean, ‘Ng'utamiida, Ng'utamiida,’ jea gawa jeeda sugoocheanduumeeda humng'eeda, geaghus siida sin gidagasa Bwaabeeda mida humng'eeda.

1 Betro 2:15

Aba gideaba nih gidagasiida ASEETA gil, gideaba aba sinooda ng'asheega miyaasiin abeeda geanung' ghwasiinda leendeeda fuga dasheahi.

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

Lukka 22:42

“Bwaabwa, iigidibwariiydi gil giischoarjaan bayoogi; nea adaghoah gida eagasiidi, nung' ghoah daang'u.” [

Yohaana 7:17

siida bwariiy gwasin gida bwariiy niny, gayghwanal giinealshooni ea gwaleabu heeda ASEETA ghana gideaba gearuku aba gheambalmeedeanyu.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

Giidaheechta 19:6

Hean ghaayiinyi ghuuta uurji dea eemeetuw, ak ghwanyaashta ghuuta beega saang'a ak gabiissa ghwanyaashta dea giighweandandeeda haw nea gwayi, “Haleluya! Aba gideaba Ng'utamiida was ASEETEANYA Hoauur niimbaliischi.

1 Desaloniikke 4:3

Aba gideaba ng'asheesu gea bwariiy ASEETA gil was giimiinoodeang'wa, ak gooheeleewi geat hiseadayeanduumeeda;

Gadiyeeda Giijasoodiga 21:14

Iidu nea ghaheawa ng'asheagaasa, hean geasiindi ak geeyeenyi, “Nung'waada gwasin Ng'utamiida gidagasiida.”

DANIELI 4:35

aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

Gadiyeeda Giijasoodiga 13:22

Iidu nea geegeanda niny, hean ghwaloat Dawdi ghoah sugoocheanda nyaawa; hean gamuuwu ng'asheega badaydaanyi nea gwayi, ‘Naanyaschi aba jeeda Dawdi orjeeda Yese siida mwas guroroodeanyu, ak nih ea siichea gwasin ng'asheega sean eagasayi dasin.’

Mattayo 4:17

Ghang'eada damandida ghoang'eat Yesu rukwiideayda ng'asheega ASEETA nea gwayi, “Aduukuunana aba gideaba sugoocheanduumeeda humng'eeda nineekiit.”

Giidaheechta 12:10

Ak ghaayiinyi nyeashta haw nyaasha humng'eeda nea gwayi, “Ghamneawa lealeanooda ea uurda ea Sugoocheanduumeeda ASEETEANYA ea gheambalmeeda Gristoydaanyi nihidu, aba gideaba sijaksa ng'eanyi dea aheakiida fuga siduupcheewi, ninyeeda aheakiida aba madeeda ASEETEANYA askweari ea eawa.

1 Betro 4:2

nea heesinung' abiideewa siida badayda ng'eanyiida aba ng'asheega gasa saseeda nea mii gidagasiida ASEETA gil.

Ebraniya 10:7

Ak geayeenyi, ‘Ean naawunyi dasin gidigasayi, Ea ASEETA,’ gawuurji gissing'oarda aba badaydeanyu aba jeeda gitaabu.”

Lukka 19:38

nea geeyi, “Ning'usha ASEETA sugoocheanda wuna gheawunga Ng'utamiida! Niiw hoyyoo aba humng'eeda ea giigheambiita aba hoowa bea humng'eedean.”

Marko 3:35

Siida nyooh gwasina haleanjeeda bwariiy ASEETA, siisi gayghoah orjeediyya, nea gayghoah eara hudiya, nea gayghoah iya.”

Mattayo 16:28

Aba huumwa geayeeshiineegwa, gwanda hiji bea jeedeang'wean fuga maygameewa, ea eaghus ea nidaah Orjeeda Siida nea ghoana jeeda sugoocheanduumeadaanyi.”

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

NEHEMIYA 9:6

Ghwalamda Esra ak gwayi. “Ang'iing'i guwoosi NG'UTAMIIDA, nea gibwaageaw; nea gibwadi humng'eeda, ea humng'eeda mida humng'eeda, ea lugoadaanyi sean, ea ng'eanyiida ea haleanjeeda sean mida jeeda, ea baskweega ea haleanjeeda sean mida jeesinga nyaawa; nea haleanjeeni seaniin giidiiwi ang'iing'i; nea ghabwannyi lugooda humng'eeda.

Marko 11:10

Sibadiischooweey ea gheambalmeeda sugoocheanda ghayi was ghweandeanya siyi Dawdi. Oakghaambiida ASEETA mida humng'eeda.”

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.

NYIIGHEEGA 2:6

“Ak aniini ea naambiichi sugoocheandeanyu aaloachi aba uhuuda Sayuneeda was giijeedeanyu ghaydit.”

Ebraniya 1:14

Neada malaykajeega gadiiyi ghayi siicheagu gagadiiyeesa, aba badahuuka fuga jea ghwanyas lealeanoodean?

Golosaayi 1:13

Ak niny gwalealnaneasa jeeda uurda misanuumeeda ak goobaleegeasa ea ghwadeasa jeeda sugoocheanduumeeda Orjeedaanyi bwariiy,

Lukka 19:11

Iidu nea ghwayiiy ng'asheesu, hean gwarukuta aba galeega, aba gideaba nineekiisa Yerusalemu, aba gideaba saawa ghaghay gil sugoocheanduumeeda ASEETA gaygabean ghwadaajiit.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

ISAYA 2:2

Nea eaweeda huuydean, giijeeda gheeda NG'UTAMIIDA gajeemajeek aba uhuuda giijeega, ak gajeetiing'da uhuuda heayeeniga; ak gaygwasalsa eemoojiga sean,

Gadiyeeda Giijasoodiga 22:14

Hean gwayeeshean, ‘ASEETA ghweanigaasa niloanyi aba gidagasa, ak gidaahi dea Asagi Doabiiwaat ak giyiinyi ghuutaanyi;

YEREMIYA 23:5

“Ak hean gwayi NG'UTAMIIDA, “Ng'ula gayghapka eawoojiga jea danung' gafirfirsa Dawdi damealeanda doabiiwaat, ak gaygoombaliischi gawuurji sugoocheanda aba weaghuumeeda, ea huumeanda ea aba doobiiwnata aba ng'eanyiida.