Biblia Todo Logo
Bib sou entènèt

- Piblisite -




Mattayo 5:3 - Bibliyeeda Ghaydit

3 “Ghang'wana fuga barbari gurooruunat, aba gideaba sugoocheanduumeeda humng'eeda daanyaawa.

Gade chapit la Kopi

NEAJEEDA EESH BEA BUUNEESSEAN

3 “Ghang'wana fuga barbari guroruunat, aba gideaba sugoochcheandumeeda humng'eeda daanyaawa.

Gade chapit la Kopi




Mattayo 5:3
55 Referans Kwoze  

Aba gideaba haleanjeeni seaniin geasinyi aniini, ak gwardu haleanjeeni seaniin, gwarugu NG'UTAMIIDA. Ak siisi ea siichea dang'ula gil, siida ng'eeni ak ea niduukuuna, nea iiyiiy ng'asheandeanyu ghang'ut muuwda.


Siida mideawa ghwarjeeda gaygoorareang'u niny, nea dea aat geaw ng'eanyi gajeataw mureeda.


NG'UTAMIIDA ea neekeewa fuga nyareadi gurooruunat, nea gea ninyara gurooruunatka gwalealu.


Ghang'wana eatoodeaba geaw ng'eanyi, ea barbaranda, mwasamwa gideaba gajeelaja easanga sea fuga ghwarjeeda.


Geayeeshiineegwa, ghwararang'aada siidida ang'oonyi gwaadiin gawa gheanyi nea siitaw doobiiwnata ea ghang'al niirja; aba gideaba siida nyooh goodiing'u geaw gajeahiing'u, nea dea hiing'u geaw gajeetiing'u.”


inyas fugeasu siguuriisa aba gheawungeasu gayghwaat geat ng'eanyi, ak gwaduukuunana naweadinga nyaawa munyas, abeeda gaydealeeydiit, aba humng'eeda, ak abeeda gaydasamsa riing'eega nyaawa nea gaydaahaap ng'eanyiida nyaawa.


Lukghumajeega gasa ASEETA guroorooda doabiiwaadi; ea ASEETA, ang'iing'i mayfoola guroorooda doabiiwaat bea mureeda.


“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.


Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?


Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.


aba gideaba gurooroadaang'u nibumbuniit ak giyaadi geaw ng'eanyi aba madeeda ASEETA damanda iiyiinyi ng'asheagaaschi rukusa ng'eanyiini ea fugeaba ng'eanyiini, ak ea niyaadi geaw ng'eanyi aba madeedeanyu, nea nibwaashaadi hang'weakaagu nea giiyeawdi aba madeedeanyu, eara aniini ea nealeeyseey iita, gwarugu NG'UTAMIIDA.


Ea orjeeda siida, niny ghoahiimneey gea miyaas; ak NG'UTAMIIDA gagasa naaha aba headaang'u gagasa gideaba gaysina gitoabiiw, ak gibwariinyi baydeayda, ak guwi nea giyaadi geaw ng'eanyi aba heeda ASEATAANG'U?


Hean gwayeesha, “Ghang'wana fugiga iiy ng'asheega ASEETA nea ghoang'waayiin!”


Eakghaambiida NG'UTAMIIDA. Ghang'wana siidida bada NG'UTAMIIDEAN, was dea bwariiy muuchi diigheanyeekaaschi!


Ghang'wana siida mwaada geeshta ng'asheega fuga mii doobiiweadi, ghana ghamiinaada aba naweeda fuga riing'eega, ghana goobideada aba seedooyda fuga juuga buuneeda;


Ak ghamneawa geaduukuuni nea ghaayeashi geaw birjeanda ea deareeda, ak ghaadaayi aniini geawooschi gidamwadaagha.”


Aba damandida gwayi Yesu, “Geabadiischooweey ea Bwaabeeda was Ng'utamiida humng'eeda ea ng'eanyiida, aba gideaba gifunyi ng'asheesu fuga weaghoodi ea fuga mideawa fughareenga ak giihiimsi diibiga manang'i;


“Guroorooda Ng'utamiida gwanda badaydeanyu, aba gideaba nimwaaran dawa darukwiisa fuga barbari Giijasta Miy. Goojeaknean darukusa fuga mida ghealooniga siksiinda nyaawa nea fuga ng'oowi gayghoang'wearda, ak goojeaknean dalealu fuga sighabwas,


Daah Yesu gissin ginealangaaschi gwanyareeksa ak gwayeesha, “Anung'waada diibiga ghapka heedeanyu adoakghuumnyi, aba gideaba Gheambalmeeda ASEETA gammiisa fuga uurji suh.


Ghoang'wani agooga aba gideaba gheanyangeagwa ghoang'wearda nea iidigeagwa gwayiing'shi.


Asi NG'UTAMIIDA ghoamuukghuneegwa ghaweadeagwa; gayghang'eat ak aba gideaba NG'UTAMIIDA was ASEETA ea doabiiwaat, ghang'wana fuga amuughu niny.


Dahoosana dea was ASEETA Yakobo musanyeandaanyi, nea ghaghus NG'UTAMIIDA was ASEATAANYI,


Hean aba jeeda sawanaduutkaaschi ghoapkaat alooheeda NG'UTAMIIDA was ASEATAANYI ak ghwaat geaw ng'eanyi aba madeeda ASEETA ghweanigaaschi.


Ghang'wana siida apkaat siida bwarbwar! Gaygwalealu NG'UTAMIIDA eaweeda sawanadeeda;


Oang'waanya ng'asheega miyaas, adiidu ghwanyareas ak goorootiisi naweeda, aba gideaba nyarastaanyi gaygabay ghwayeat; ghang'wana fuga mang'awsa headaanyi.


Ak niny ea mwaada geaw ng'eanyi aba madeeda NG'UTAMIIDA gawuurji gida aata geaw ng'eanyi Manaseyda was ghwaan, ak Amoni niny ghoahaat ramaseanyeeka saang'a.


Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.


Gwayeesha Yesu niny, “Gimwasi aba gideaba gidaayaani? Ghang'wana fugiga mwadaahan amadu ghamwasiin.”


Ghang'wana soomjeandida ama hidu Siidaanyi hawiin ghwahita nea gwasinda ng'asheega gidaghayi sirukusiindean.


Ea NG'UTAMIIDA bea lugweega ghang'wana siida ghusnyi ang'iing'i.


Ak gajapkaada naweeda sean abeada NG'UTAMIIDA was ASEATAANG'U adoabiiweagwa aba gweanyeew haradam aba jeeda dareapcheeda, nea ghwahiing'neey, ak gwasimsimnyi ghwadaah gida mida jeeda gurooroadaang'u, ghwadaah ea jea sisiina mureeda diigheanyeekaaschi ghana manda.


nea meanang'oocheanda ea siihiing'u, aba gideaba gawuurji deakghweeda seenga gayghang'ata.


Asi ooleeysean iit orjoogeasu, ghang'wana gea ang'waay naweadingeasu.


Ak musiischoadaanyi ea gida shaayda ghuutaanyi ASEETA, ea riing'eagaaschi sean ea ramaseanyeakaaschi ea heeda deeksa heetiyeada ak ghwayiin Asherimu ea sanaamajeega sisin, gheata mii ghwaat geaw ng'eanyi, ng'ula geeng'oorsa jeeda damanyoojiga meanga.


Ghang'wana fuga ahuun hang'weaka nyaawa, ak gwandeawa doobiiwnata jea gaweesiina geeta eaweega ak gaweay jeeda mujiini aba gidaghuudajeagaaschi.


Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”


Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;


Ghang'wana siida wassean bada NG'UTAMIIDA, ak ghwaat geeshta naweadingaaschi!


Nea ghang'wana siida mwasida gil aba badaydeanyu.


Asi geayeeshiineegwa, gayghapka fuga saang'a jea gwaleabu heeda ghayeawa ea heeda biyeara ak gaygoobiitpiit ak gweagiischi sea Abrahamu, ea Isaka, ea Yakobo aba jeeda sugoocheanduumeeda humng'eeda,


“Aduukuunana, aba gideaba sugoocheanduumeeda humng'eeda nineekiit.


gwayeesha Yesu, “Anung'waada diibiga manang'i ghapka heedeanyu, adoakghuumnyi; aba gideaba fuga uurji suh sugoocheanduumeeda humng'eeda daanyaawa.”


gawuurji gidaghayi goondaneani Bwaabwa sugoocheanduumeeda, eara aniini gaydagooneegwa,


Ak gajayeagiischeena nea gooleeshi aba jeeda sugoocheanduumeedeanyu, nea goopiitpiidi hoorgajeega sugoodiga ak goorgweaksi dooshin damaniyeenya bea Israeli.


Aba gideaba giyeeni aniini geawooschi meanang'oocheanda ak ea neabaruurji, ak ea meagassi gil; ak ang'iing'i ea minali gideaba mindeawani uurda, nea guwoosi bwarbwar, ak giwoosi ng'oaw, nea guwoosi dawiish.


Swiv nou:

Piblisite


Piblisite