Mattayo 5:18 - Bibliyeeda Ghaydit

¹⁸ Aba huumwa geayeeshiineegwa; eara ghang'ata humng'eeda ea ng'eanyiida, ghanyea manda eara hiji mwanang', ghana roobadeanagi mwanang', muuchi bea deaweeda majeegeanda ea gwasa ng'asheega sean.

NEAJEEDA EESH BEA BUUNEESSEAN

¹⁸ Aba huumwa geayeeshshineegwa; eara ghang'atta humng'eeda ea ng'eanyiida, ghanyeamanda eara hiji mwanang', ghana roobadeanagi mwanang', muuchchi bea deaweeda majeegeanda ea gwasa ng'asheega sean.

Mattayo 5:18 Referans Kwoze

Lukka 16:17

Gajeawusus ng'ateayda jea ghang'ata humng'eeda ea ng'eanyiida, mayghwasam gideaba gayghwasuunya ng'asheanjagi mwanang' was deaweeda.

ISAYA 40:8

Nyeega gaygagajeamiidi, nea deakghweeda ghwasis; nea ng'asheanda ASEETEANYA gayghamiinaada damanda manda muudeanooda.

1 Betro 1:25

ak ng'asheanda Ng'utamiida gayghwashng'u ea ghoah damanda manda muudeanooda.” Ak ng'asheanji ea Giijasta Miy sirukuneegwa gil.

Marko 13:30

Gearukuneegwa aba huumwa, Seaygeani bea ghamneawean mayghwanaawda nea mii adaaha ng'asheesu.

ISAYA 51:6

Agatgada gheanyangeagwa ookeala humng'eeda, ak goong'uliisi ng'eanyiida ng'eanyi, aba gideaba humng'eeda gayghang'ata gawuurji aroosta, ak ng'eanyiida gayghawaasiit ea gawuurji hang'da, nea fuga mida jeedida eara ada gaygameewa, nea lealeanoodeanyu ea manda muudeanooda, ak doobiiwnateanyu ea mayghwashiy.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

NYIIGHEEGA 102:26

Suh gaygoosha, nea ang'iing'i gindi; gaygooshealda sean hang'da. Ak gay yamda saawa hang'weaka, ak gayghang'ata.

Yohaana 5:19

Gwayeesha Yesu saawa, “Aba huumwa, aba huumwa, geayeeshiineegwa, Orjeeda moamu gwasin gida nea gaba geaw ghoamu gwasin gidida dea nea gwasin Ghwaaniin; aba gideaba gidida sin Ghweandean, eara Orjeeda abeeda gaygwasin.

Mattayo 17:20

Gwayeesha Yesu, “Gwasin gheashooyda masaweegeagwa. Geayeeshiineegwa aba huumwa, inyeeda goondeawi masaweega deena ghajiileanda haradaali, gajoamuusa ayeeshiina giijeeni, ‘Loadadawana hiji ak guwi hoowa,’ ak gaygawa, ak ghanyi ea manda ng'asheanda hang'waay majoamuusa sinooda.”

Mattayo 16:28

Aba huumwa geayeeshiineegwa, gwanda hiji bea jeedeang'wean fuga maygameewa, ea eaghus ea nidaah Orjeeda Siida nea ghoana jeeda sugoocheanduumeadaanyi.”

Mattayo 13:17

Aba huumwa geayeeshiineegwa sibanga saang'a ea fuga doobiiweadi ghayi gagaseadayi deakteaba ng'asheesu ghamneawa oadaayiin, ak ea mwadaaha, nea ghwayiiy ng'asheesu ghamneawa oayiinyiin ak ea mwayiinya.

Mattayo 10:23

Iighabwaaseagwa buuneeda aba mujiineani, goomng'awsi mujiineanuut. Aba huumwa geayeeshiineegwa majaduulni mujiinajeega ng'eanyiida Israeli nea miighwahidu Orjeeda Siida.

Mattayo 6:2

“Asi ang'iing'i iidaydi haleanjeeda iiweadi fuga barbari adiidiing'u geaw ak gisindi gidasiniida fuga amiitu geat aba jeesinga ghoorajeega siinealshacheewa ea ghuusiga naweadinga, gagwarsa buuneeda. Aba huumwa, geeyeeshiineegwa suh ninyas giimearda nyaawa.

Mattayo 5:26

Aba huumwa geayeeshiineey, mayrinana jeeni ea eaghus ea niidayda heelajeanda huuydean.

NYIIGHEEGA 119:152

Ghang'eada garayi ghaanali aba ng'asheagaagu imuuwu aba gideaba ghayi gisini goobiida damanda manda muudeanooda.

Yohaana 21:18

Aba huumwa, aba huumwa, geayeeshiineey, ghayi nea guduwoosa gheareemaneeda iissa giimuusi rada manandaang'u ak guwi heeda wassean igasayi; amadu nea nihuuwi gweargweeda, gajadoabiiwa geatingaagu, ak ghwaranyi siinuut ak ghwaanyi heeda ghwanyawa migassi una.”

Yohaana 16:23

Eaweedida manda ng'asheanda jea oanyaashaan. Aba huumwa, aba huumwa, geayeeshiineegwa, gida wassean oomuschi Bwaabwa gaygagoneegwa aba gheawungeasu.

Yohaana 16:20

Aba huumwa, aba huumwa, geayeeshiineegwa, agooga gajooyeawda nea googutu heareega ak gaygang'weela ng'eanyiida, gajoogiisana amadu gayghwayamwa giiseaneegeagwa ak ghoah hooseaneega.

Yohaana 14:12

“Aba huumwa, aba huumwa, geayeeshiineegwa, siida mwasan gaygwasin gadiyoojusu easinyi aniiniin; asi gaygwasin eara gadiyoojiga hees muuchi, aba gideaba aniini geawi heeda Bwaabwa.

Yohaana 13:38

Hean ghwasha Yesu nea gwayeesha, “Gajaghaashta eaweagaagu aba badaydeanyu? Aba huumwa, aba huumwa, geayeeshiineey, damanda miigooguula nghaghooda gajea nishaang'nyaan niba samwagu.

Yohaana 13:16

Aba huumwa, aba huumwa, geayeeshiineegwa, soomjeanda mii haweewa siidaanyi haw, ghana siida siicheakta mii haweewa siida ajeakta.

Yohaana 12:24

Aba huumwa, aba huumwa, geayeeshiineegwa, gheang'nyeanda ngaano iissa goobiida damwanagi ea eaghus goobissa jeesigeeda ak ghami. Iing'ata miyeeda gwaji haghweega saang'a.

Yohaana 10:7

Gabiikta Yesu gicha ak gwayeesha, “Aba huumwa, aba huumwa, geayeeshiineegwa, aniini geawooschi gidaghuuta gisilga.

Yohaana 10:1

“Aba huumwa, aba huumwa, geayeeshiineegwa, siida wassean masiga gidaghuuta ak gawa jeeda gheeda gisilga amadu ghamwaasta ak ghwala nawa nuut, siisi mareanghweanda gil nea gooreedi fih haleanjeeda;

Yohaana 8:58

Gwayeesha Yesu saawa, “Aba huumwa, aba huumwa, geayeeshiineegwa, dea mii gwandeewa Abrahamu, abeeda aniini geandi.”

Yohaana 8:51

Aba huumwa, aba huumwa, geayeeshiineegwa, siida jea ghoang'waay ng'asheandeanyu ea mayghwadaah miyeeda earahay.”

Yohaana 8:34

Ghwasha Yesu nea gwayeesha saawa, “Aba huumwa aba huumwa, geayeeshiineegwa, gilinyoo ea sih nyooh gwasina riing'eeda soomjeanda riing'eeda.

Yohaana 6:53

Gwayeesha Yesu saawa, “Aba huumwa, aba huumwa, geayeeshiineegwa, iimoayaagi saseeda Orjeeda Siida, ak ghoaleayi foojeandaanyi, ea maygwanda jeesingeagwa eaweega;

Yohaana 6:47

Aba huumwa, aba huumwa, geayeeshiineegwa, siida mwas gwandeawa eaweega manda muudeanooda.

Yohaana 6:32

Gwayeesha Yesu saawa, “Aba huumwa, aba huumwa, geayeeshiineegwa, mii Musa gil dea gooneegwa mukaateeyda leabu humng'eeda; Bwaabwa dea gooneegwa mukaateeyda huumwa leabu humng'eeda.

Yohaana 6:26

Ghwasha Yesu nea gwayeesha saawa, “Aba huumwa, aba huumwa, geayeeshiineegwa, moogaseadayean, aba gideaba ghayi noadaayi gwadeagooda, googassean aba gideaba ghayi ghoayaaji mukaate ak goolang'uuchi.

Yohaana 3:11

Aba huumwa, aba huumwa, geayeeshiineey, aseasa geeruku gida sinalli ak geemuuwu gidaghayi sidaayi; amaduuku agooga ghanyea moamwasi ng'asheega simuuwu.

Yohaana 3:5

Ghwasha Yesu ak gwayeesha, “Aba huumwa, aba huumwa, geayeeshiineey, siida iimeejiilana beega ea Guroorooda ea mayghoammu gawa jeeda sugoocheanduumeeda ASEETA.

Yohaana 3:3

Ghwasha Yesu ak gwayeesha niny, “Aba huumwa, aba huumwa geayeeshiineey siida iimeebiikta eeji deaba iyeenya ea mayghwadaah sugoocheanduumeeda ASEETA.”

Yohaana 1:51

Hean gwayeesha niny, “Aba huumwa, aba huumwa, geayeeshiineegwa, gajadaaha nea ghwajaada humng'eeda, ak gajadaaha malaykajeega ASEETA heeda mwascheeng'da suurja ghwararang'aan ghapka heeda Orjeeda Siida.”

Lukka 23:43

Ak gwayeesha, “Aba huumwa geayeeshiineey askweareani, gajeendeayeesiina nyeamus.”

Lukka 18:29

Hean gwayeesha saawa, “Aba huumwa geayeeshiineegwa, manda siida nung'wa heeda gheanyi, ghana gatmoadaanyi, ghana orjooga ghaamwat, ea fuga jiilu ghana diibiga aba sugoocheanduumeeda ASEETA,

Lukka 18:17

Aba huumwa gearukuneegwa gideaba, siida mwadeaptaayda sugoocheanduumeeda ASEETA baleanda maygawa jeeda.”

Lukka 13:35

Ang'ula, ghaheang'wa sinung'usa heeda. Ak geayeeshiineegwa, maygudu abiikta adaahaan ea eaghus ayeena, ‘Sibadiischeesa siida wuna gheawunga Ng'utamiida!’”

Lukka 12:37

Ghang'wana soomjoogiga hita ghweanda nyaawa nea ghoang'wearuun; aba huumwa geayeeshiineegwa, gaygwaradiischi ak gagooneegwa hamita, nea gagadiyeeseegwa.

Lukka 11:51

ghang'eada giihiideayda foojeanda Habeli ea gagul foojeanda Sakariya, ghayi sinuuksa dageascheeda heeda wagiida ea heeda Ghaydit. Asi huumwa gil geayeeshiineegwa, gajeegasa aba heedeaba jeacheeng'su.

Marko 14:30

Ghwalamda Yesu ak gwayeesha, “Aba huumwa geayeeshiineey, eaweani bea ghamneawean heeda mii googuula nghaghooda niba iyeenya, gajea niheawanaan niba samwagu.”

Marko 14:25

Aba huumwa, Maygutali difaayeeni was mideega haghweega sabiibuun, ea eaghus galanya dawa dali gea eashish aba jeeda Gheambalmeeda ASEETA.”

Marko 14:18

Iidu nea geeyeagiischi gwayeesha Yesu, “Aba huumwa ghamneawa geayeeshiineegwa jeedeang'wa gwanda siida eambuucheewi jea ghwalaabwan bwadaw.”

Marko 14:9

Ak ghamneawa aba huumwa ghoanung' darukuneegwa, heeda wassean aba muunda ng'eanyiida jea eeweay ak geerukwiida Giijasta Miy, ng'asheanji sin gatmooniin gajeeruku ghoah gichea eepkeata niny.”

Marko 12:43

Hean gaguursa Yesu ginealangaaschi ak gwayeesha, “Aba huumwa geayeeshiineegwa, gatmooni was masiinung'weanda bwarbwariin, nih ghamneawa ghoadayda gidahaw ea ghwalaabwa hoowa buuneesean iin lapiya jeeda sandakwajeanda siyiina haleanjeeda ghadooweedean.

Marko 11:23

Aba huumwa Gaydarukuneegwa gideaba, Ghamneawa siida eesha, giijeeni ‘loadaadawana hiji ak guwi jaksiina geaw jeeda basooda,’ nea siisi gwarukuta ng'asheanji nea mwanyeaha jeadaanyi, ak ghamwas gideaba ng'asheega sean rugu gaygwasa, ng'asheanji gajeesissa.

Marko 10:29

Ghwalamda Yesu ak gwayeesha, “Aba huumwa geayeeshiineegwa, Siida wassean nung'usa heeda gheeda, ghana orjooga ghaamwat ghana haweega ghaamwat, ghana ghaamwat, ghana ghwaan, ghana diibiga, ghana madameega aba badaydeanyu ea Giijasta miy,

Marko 10:15

Aba huumwa Gearukuneegwa gideaba siida mamwasta ng'asheega ASEETA baleanda mwanang' siisi maygawa jeedeaba Gheambalmeani.”

Marko 9:41

Ama siida wassean jea gagoonaneegwa beega jea aleaha gideaba goowooschi fuga Gristo siisi aba huumwa eara niny majaghanyi ea mwanyasa giimeardaanyi.

Marko 9:1

Gabiikta Yesu ak gwayeesha, “Aba huumwa gaydarukuneegwa gideaba aba jeeni hiji gwanda fuga maygameewa ea eaghus ea nidaah gheambalmeeda ASEETA gidahitaayda nea gweadu uurda.”

Marko 8:12

Gagiisan Yesu aba gurooroadaanyi aba ng'asheanji ak gwayi, “Anda fiisu bea seaygeaniin gagassiidunu gwadeagooda? Adiidu. Aba huumwa fiisu bea seaygeaniin mwajeataw gwadeagooda.”

Marko 6:11

Nea iyoahiti ng'eanyiida deepa ea meadeaptaneegwa nea ghanyea mealeeyseegwa eara iit, iyoabeawi ng'eang'da nyaawa alalakta birjeanda geeshangeagwa. Abeeda gajea giibuhanda nyaawa gil.”

Marko 3:28

“Aba huumwa Gearukuneegwa, riing'eega sean sina buuneeda manda dea majeesamsa, eara ng'asheega munyas rituuna ghuusiga buuneeda gaygwasamsa ASEETA.

Mattayo 25:45

Ak gaygwayeesha niny, gaydayeeshiineegwa, ‘Aba huumwa, ghayi iissa iyoaheawi asisiina ng'asheesu siyagi aba jeedeaba orjusu manang'iin, abeeda ghoaheawi asinnean aniini.’

Mattayo 25:40

Ghwasha Sugoocheanda nea gwayeesha, ‘Aba huumwa gaydayeeshiineegwa, gili wassean noosisi siyagi aba jeedeaba orjusu bea giyeanya manang'iin goosinnean aniini.’

Mattayo 25:12

Ghwasha nea gwayeesha; ‘Aba huumwa, geayeeshiineegwa, agooga mwanaleagwa.’

Mattayo 24:47

Aba huumwa, gaydayeeshiineegwa, gaygageanu ak ghwayiin haghweeda haleanjeadaanyi sean.

Mattayo 24:2

Ghwasha niny ak gwayeesha, “Moong'uli haleanjeeni seaniin? Aba huumwa geayeeshiineegwa, manda eara lagheaneanagi jea ghoabit aba uhuudeaba niirja jea ea majeeng'adeadu.”

Mattayo 23:36

Aba huumwa geayeeshiineegwa ng'asheesu seaniin gayghwahidu badaydeaba seaygeani.

Mattayo 21:31

Heapi! Aba jeedeaba fiisu asiyeenyean gwasin aneeda gidagasa ghwaan?” Gwayeesha saawa, “Diita bea madeedean.” Ng'ata gwayeesha Yesu saawa, “Aba huumwa, geayeeshiineegwa, fuga ang'oonyi gwaadi ea fuga hiseada gaygoosheedeaweegwa beata jeeda sugoocheanduumeeda ASEETA.

Mattayo 21:21

Ghwasha Yesu nea gwayeesha saawa, “Aba huumwa geayeeshiineegwa, iyoondeawi masaweega nea manda jeesingeagwa machmajeega, ghoamuuschi nea majeaghus nih bea shaboogheecheandean ak ghwahit, gajoamuusa eara gideaba gajayeeshiina giijeeni, ‘Loadaada ak geejakseey jeeda basooda,’ ak gaygwasa.

Mattayo 19:28

Gwayeesha Yesu saawa, “Aba huumwa, geayeeshiineegwa, agoogeeda ooyeadu geeshteanyu aba ng'eanyiideesh, jea ghwahidu eaweeda jea goopteadawa Orjeeda Siida hoorgeadaanyi ghaambiidaat, abeeda eara agooga gajoopiidana hoorgajeegiga atamaniyeenyean ak goorgweaksi eemoojigiga atamaniyeenya bea Israeliin.

Mattayo 19:23

Gwayeesha Yesu giinealangaaschi, “Aba huumwa geayeeshiineegwa gajeahang'waay beata jea gawa meanang'oocheanda jeeda sugoocheanduumeeda humng'eeda.

Mattayo 18:18

Aba huumwa, geayeeshiineegwa, gida wassean oarachi aba hiji bea ng'eanyiidean abeeda gajea sirat aba hoowa bea humng'eedean, nea gidootiinyi aba hiji bea ng'eanyiidean gajea siitin aba hoowa bea humng'eedean.

Mattayo 18:3

ak gwayi, “Aba huumwa geayeeshiineegwa, Iimoayami geat ea awuurjeewana diibiga, ea majaghanyi aweayeena jeeda sugoocheanduumeeda humng'eeda.

Mattayo 11:11

Aba huumwa geayeeshiineegwa, manda siida wassean aba gea jih gadeemga dea haweewa Yohaneeda Abaatiisachi eara siidida siyi ea mwanang'eawa sean aba jeeda sugoocheanduumeeda humng'eedean eahaweewa niny.

Mattayo 10:42

Siida wassean jea ghoadaw siyagi aba jeedeaba fiisu manang'iin beega garbapi aba gideaba giinealaneeda, aba huumwa geayeeshiineegwa eara niny mayghwaroat giimeardaanyi.”

Mattayo 10:15

Aba huumwa geayeesheegwa eaweeda girgweaksiinda gajeawusus ng'eanyiida Sodoma ea Gomora gamilikghteaysa ghoorjooda eaweeda girgweaksiinda ea ghang'al mujiineedida.

Mattayo 8:10

Iiy Yesu ng'asheesu, ghahamng'eanyi ak gwayeesha fuga gwachi aat geeshta, “Aba huumwa geayeeshiineegwa, miidadaah aba jeeda ng'eanyiida Israeli siida mideawa masaweega uurji nih.

Mattayo 6:16

“Nea iyoolluuldi geat, ea adoowuurjeewi fuga amitu geat, saawa iissa gookaroomnyi gheamamuunatka nyaawa ghoahiimu geat ghwadaah buuneeda gideaba niiluulda geat. Aba gideaba geayeeshiineegwa suh ninyas giimearda nyaawa.

Lukka 4:24

Ak gwayeesha, “Aba huumwa geayeeshiineegwa manda sibaneeda jea eamwas aba jeeda ng'eanyiidaanyi.

NYIIGHEEGA 111:8

diigheanyeekaaschi gayghwashng'u damanda manda muudeanooda, ak geesin aba doobiiwnata ea masaweega.

ISAYA 44:26

dea amajeek ng'asheanda siidaanyi bea gadiyeeda, nea ghwanung' ghoah huumwa ng'asheega giijasoodigaaschi; ak geayeeniisi Yerusalemu, ‘Gaygoobiida buuneeda,’ ak mujiineeda Yuda, ‘Gajeadeas, nea gaydanung' ghamiinaada gicha eemeegeagwa ghayi sinyarja’;