Mattayo 5:11 - Bibliyeeda Ghaydit

¹¹ “Ghoang'wani agooga iyang'eaweegwa buuneeda nea geesawaneegwa nea geerukuna badahuukeagwa ng'asheega munyas sean aba ng'uyyeega aba badaydeanyu.

NEAJEEDA EESH BEA BUUNEESSEAN

¹¹ “Ghoang'wani agooga iyang'eawweegwa buuneeda nea geesawaneegwa nea geerukuna badahuukkeagwa ng'asheega munyas sean aba ng'uyyeega appadaydeanyu.

Mattayo 5:11 Referans Kwoze

1 Betro 4:14

Iisiyaataneegwa ghuut aba gheawunga Gristo ea ng'wanaweegeagwa gil aba gideaba guroorooda giigheambiita bea ASEETA gwanda badaydeang'wa.

Lukka 21:17

ak agooga gajeesteagwa aba gheawungeasu.

Marko 13:13

Ak agooga gayghwasteagwa buuneeda aba gheawungeasu. Nea siida jea ghamilikghta ea gagul damandida bea muudeanoodean, siisi gayghaghu.

Mattayo 24:9

“Iimuchu gheeda gajealaabeagwa bwadaw eesawaneegwa amadu geenuuseegwa; gayghwasteagwa Eemoojiga sean aba badaydeanyu aba gheawungeasu.

Lukka 6:22

“Ghoang'wani agoogeeda sideagwa buuneeda, nea gwahistaneegwa nea goong'eaweegwa ak geemunyasiidi gheawungeagwa, aba badayda Orjeeda Siida!

1 Betro 2:23

Niny ghayi iisiing'eawi ea miighoadeelda giing'weaka; nea eara iisawana ea miigoomuuw sih; ghaghus ninyeeda laja girgweageeda nea ghoadoabiiw.

Yohaana 15:21

Amadu gaygwasineegwa ng'asheesu seaniin aba badaydeanyu, aba gideaba saawa mwanala dea ajeaknean.

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

ISAYA 66:5

Ooleeysiiniit ng'asheanda NG'UTAMIIDA, agoogeeni ng'udeagwa muuwda aba ng'asheandaanyiin “fugeagwa ooduupcheewi ghwasteagwa, ghayi ak gwahistaneegwa aba gheawungeasu. Ak geeyi, ‘Asi oakghaambiida NG'UTAMIIDA ak gajeadaha hooseaneegeagwa’; nea ghana gajeapwaaspwaas saawa.

Mattayo 10:39

Siida agaba eaweagaaschi gaygahuteawi, nea siida huteawi eaweagaaschi aba badaydeanyu gaygwalealu.

Giidaheechta 2:3

ak ghaanali giihaang'ooydaang'u nea gimilikghti nea giidiing'di gheawungeasu, ak ghanyea mii bura.

Mattayo 19:29

Nea giliwas sih nung'usa heeda gheeda ghana orjeeda ghaamwat ghana haweega ghaamwat ghana ghwaan ghana ghaamwat ghana diibiga ghana madameega, aba badayda gheawungeasu, gayghwanyas niba bughala ak gwahearan eaweega manda muudeanooda.

2 Goriinto 4:11

Aba gideaba aseaseeni sindiin iissa geetaydaneasa eenuuseasa galeagasean aba badayda Yesu, ak abeeda geatahaach eaweega Yesu aba sasanuukaasa jea gameewa.

1 Goriinto 4:10

Aseasa geewooschi dasheahi aba badayda Gristo, amadu agooga goondeawi weaghuumeeda aba badayda Gristo. Aseasa geewooschi ng'arng'ar, nea agooga goondeawi uurda. Agooga geesineegwa mureeda, nea aseasa ghanyea meesineasa mureeda.

Ruumi 8:36

Gawuurji gidaghayi sing'waarda, “Aba badaydaang'u geenuuseasa askwearda sean, sinung' eewuurjeewana gisilga jea eenuuseada.”

Lukka 21:12

Ak damanda mii gapnu ng'asheesu seaniin gajeang'waanyeagwa ak geesawaneegwa, nea geayaadeagwa gealga siinealshacheewa ak gajeejakseegwa ghealooniga ak gajeayadeagwa madeeda sugoodiga hees ea madeeda fuga hees ambaliischi aba gheawungeasu.

Lukka 9:24

Aba gideaba siida wassean iigasa gwalealu eaweagaaschi gaygabeagu, nea siida huteawi eaweagaaschi aba badaydeanyu gaygwalealu.

Marko 8:35

Aba gideaba siida gasa ghoaghu eaweagaaschi gaygabeagu, amadu siida beagu eaweagaaschi aba badaydeanyu ea badayda Giijasta miy gayghoaghu.

Mattayo 10:25

Ghwahit iiwuurji giinealaneeda sea giinealshoocheandaanyi, ak gawuurji soomjeanda sea siidaanyi haw bea gadiyeeda. Abeeda iisiguura siida bea gheeda Beelsebuli, heapi abeeda ea maygwasissa ng'asheega munyas muuchi fuga mida jeedeaba gheanyi.

Gadiyeeda Giijasoodiga 9:16

ak gaydaahiimsa ng'asheega saang'a jea ghwanyasa sawanadeeda aba gheawungeasu.”

NYIIGHEEGA 44:22

Manda, aba badaydaang'u geabwareasa askwearda sean, geehindaneasa gisilga weay eenuuseada.

Marko 13:9

“Asi agooga ashageada, aba gideaba gayghwaadeagwa buuneeda gheeda sirgweacha, nea geabwareagwa aba jeesinga ghoorajeega siinealshacheewa. Gajeayadeagwa madeeda fuga hees ea madeeda sugoodiga aba badaydeanyu, ak abeeda gajahuuwa mushoodigeasu aba madeanyaawa.

Mattayo 27:39

Iissa fuga ng'ata aba naweeda goong'eawi nea goodiindiil iheenga nyaawa nea gwayeesha,

Marko 4:17

Ghanyea mandeawana hawunga iissa ghanyi gageanu gheadi nuwaas iihidu sawanaduutka ea munyinda gabay ghwalagaan.

Mattayo 10:18

Gajeayadeagwa madeeda sugoodiga ea dea fuga ahaaghwa ng'eanyiida aba badaydeanyu, ak goomuuwiisi Giijasta miy saawa ea fuga Eemoojiga.

Yohaana 9:28

Geeng'eawi nea geeyeesha, “Ang'iing'i guwoosi giinealaneadaanyi ak aseasa geawooschi giinealanga Musa.

NYIIGHEEGA 35:11

Mushoodiga munyas nimiinaada ak ghoanyaashan ng'asheega mwaanali.

ISAYA 25:8

Ak gaygageanda miyeeda damanda manda muudeanooda, NG'UTAMIIDA was ASEETA gaygoobuus dabeaka mida gheanyanga sean, nea gageanda baspaseega fugaaschi aba badayda ng'eanyiisean, aba gideaba nih gwarugu NG'UTAMIIDA.

ISAYA 51:7

“Ooleeysean iit agoogeeda oanali doobiiwnata, fuga jeesinga nyaawa mida deaweedeedeanyu; adaghang'udeagwa muuwda aba giing'weaka ang'eaweegwa buuneeda, nea adoohirbabanyi aba gideaba geemachidaneegwa.

YEREMIYA 37:14

Ghwalamda Yeremiya ak gwayeesha, “Manda aniini meawani daguuy sea fuga Galdayo.” Ak Iriya niny ea mamwasa, ak ghoang'waay Yeremiya ak ghwaat heeda fuga hees.

Filippi 1:29

Aba gideaba agooga geegooneegwa gheata aba badayda Gristo jea agadiyeesiina, ea mabeachi masaweega gwanda eara gideaba gajeesawaneegwa aba badaydaanyi,