Mattayo 3:2 - Bibliyeeda Ghaydit

² “Aduukuunana, aba gideaba sugoocheanduumeeda humng'eeda nineekiit.

NEAJEEDA EESH BEA BUUNEESSEAN

² “Aduukkuunana, aba gideaba sugoochcheandumeeda humng'eeda nineekkiit.”

Mattayo 3:2 Referans Kwoze

Mattayo 4:17

Ghang'eada damandida ghoang'eat Yesu rukwiideayda ng'asheega ASEETA nea gwayi, “Aduukuunana aba gideaba sugoocheanduumeeda humng'eeda nineekiit.”

Marko 1:15

nea gwayeeniisa, “Nigul damanda, nea gheambalmeeda ASEETA ea nineekiit, Aduukuunana riing'eega ak ghoamwaschi Giijasta Miy.”

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Mattayo 6:10

Sugoocheanduumeadaang'u nung' ghwahidu, Gidigasayi gagasa eesin, aba hiji bea ng'eanyiidean gawuurji gisisiniida aba hoowa bea humng'eedean.

2 Goriinto 7:10

Aba gideaba giiseaneega fuga bada ASEETA iissa gweadu duukuunooda eadu lealeanooda ak ea manda gichea ghwanung' giisana, nea giiseaneega muunda ng'eanyiida gaygweadu miyeeda.

Mattayo 10:7

Aba jeeda neayeedeang'wa arukwiida gideaba, ‘Sugoocheanduumeeda humng'eeda nineekiit.’

Gadiyeeda Giijasoodiga 3:19

Asi aduukuunana, ak goobiikti ayamni geat, ak abeeda geegeanda riing'eegeagwa, ak abeeda ghwahidu damanda hawdeayda jea gwaleabu heeda Ng'utamiida,

Lukka 15:10

Asi gwasunu, ak geayeeshiineegwa, gaygahoosan malaykajeega ASEETA aba badayda siida asagi mideawa riing'eeda iiduukuuna.”

Lukka 13:3

Geayeeshiineegwa, Manda; iimooduukuunani riing'eegeagwa eara agooga gajooshealda saawa.

Lukka 11:20

Ama iyearuuti meangeenda aba uurda ASEETA abeeda ghoanali gideaba sugoocheanduumeeda ASEETA nihisseegwa.

2 Betro 3:9

Asi Ng'utamiida mii lambeech aba heeleesiindaanyi gawuurji gida rarda mwaatkwa gideaba aalaambeach, niny iissa ghamilightaneegwa, nea magassa gideaba gayghwaroat sih, niny gagasa gideaba gayghwanyas sean duukuunooda.

Gadiyeeda Giijasoodiga 17:30

Damanda leendeeda ninaawa geaw ASEETA, ak ghamneawa gwarukusa buuneeda gideaba aduukuunana riing'eegeagwa,

Gadiyeeda Giijasoodiga 11:18

Iidu nea ghwayiiy ng'asheesu ghwasiinda. Ng'ata geakghambiit ASEETA nea geeyi, “ASEETA niidaw eara Eemoojiga gheata duukuunooda ak ghwanyas eaweega.”

Gadiyeeda Giijasoodiga 2:38

Ghwalamda Betaro ak gwayeesha, “Aduukuunana, giliwas sih geepaatiisananeegwa gheawunga Yesu Gristo aba samsiinda riing'eegeagwa; ak geegooneegwa Guroorooda Ghaydit.

Lukka 6:20

Iidu gagatkat gheanyangaaschi goong'weersa ginealangaaschi, ak gwayeesha: “Ghoang'wani agoogeeda barbari, aba gideaba sugoocheanduumeeda ASEETA deang'wa.

Mattayo 13:52

Ng'ata gwayeesha saawa, “Asi gilinyoo ea ng'oorshoocheanda gil was giinealaneeda sugoocheanduumeeda humng'eeda, gawuurji sea siida mideawa gheeda geanu aba jeeda gheaseadaanyi haleanjeeda eashish ea gea woosi.”

Mattayo 13:47

“Gicha sugoocheanduumeeda humng'eeda gawuurji sea gheareedanga siipuuta jeeda basooda, ak ghoang'waay heeluutka sean bea ghweayeega;

Mattayo 13:33

Gwarukusa saawa gicha galeega, “Sugoocheanduumeeda humng'eeda geegala sea hamiirayda geanu gatmooda, ak googuuyi sea dearang'spa gweeraji samwagu ak geeyi bwak ea ghaghuut geaw sean.”

Mattayo 12:41

Gayghamiinaada fuga Ninawi eaweeda girgweaksiinda ak gaygoorgweaksa seaygeani aba gideaba gwandeawa giidiinyeanda. Aba gideaba fuga Ninawi ghayi saawa gwaduukuuna riing'eeda aba ng'asheega rukwiida Yona, nea aba hiji gwanda siida haweewa Yona.

2 Dimoteo 2:25

Aba damandida reekusiina fuga mamwasa ng'asheagaaschiin, gammiisa ea garbabu aba gideaba iideepa gwasa gwadeepa ghoadaw ASEETA fiisu duukuunooda ak ghwanal huumeanda.

Golosaayi 1:13

Ak niny gwalealnaneasa jeeda uurda misanuumeeda ak goobaleegeasa ea ghwadeasa jeeda sugoocheanduumeeda Orjeedaanyi bwariiy,

Gadiyeeda Giijasoodiga 20:21

ak geamuuwiisi sean fuga Yahudi ea fuga Yunani ak gearukusi iita duukuunooda aba heeda ASEETA ea iita masaweega mida jeeda Ng'utamiideanya was Yesu Gristo.

Lukka 15:7

Asi gwasunu, ak geayeeshiineegwa, gaygwanda hooseaneega muuchi aba humng'eeda aba badayda siyagi mideawa riing'eeda ak gwaduukuuna, maygawuurji fugiga was seedam ea damashageash doobiiweadi magassa duukuunoodean.

Lukka 13:5

Manda; geayeeshiineegwa, iimooduukuunani eara agooga gajooshealda gidashealda saawa.”

Lukka 9:2

Goojeakta gaweay gwarukwiida sugoocheanduumeeda ASEETA, nea ghoahaap fuga miyeani.

Marko 6:12

Hean ghang'eatng'eat giijasoodiga gaweay. Gwarukwiisa buuneeda gideaba, Aduukuunana ng'asheega munyas bea riing'eeda.

Marko 1:4

Yohaneeda Abaatiisachi geedeaksa jeeda dareapcheeda nea gwarukwiisa buuneeda gideaba aduukuunana ng'asheega munyas ak geepaatiisan ak gwasamsa ASEETA riing'eega nyaawa.

Mattayo 5:10

“Ghang'wana fuga sisawana aba doobiiwnata, aba gideaba sugoocheanduumeeda humng'eeda daanyaawa.

Mattayo 5:3

“Ghang'wana fuga barbari gurooruunat, aba gideaba sugoocheanduumeeda humng'eeda daanyaawa.

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

AYUBU 42:6

Ak ghamneawa geaduukuuni nea ghaayeashi geaw birjeanda ea deareeda, ak ghaadaayi aniini geawooschi gidamwadaagha.”

Giidaheechta 2:21

Ak ea naadawji gheata gwaduukuuna, ak ghaheawa duukuunooda mealuuleagaaschi.

Mattayo 13:31

Gwarukuta gicha galeega nea gwayeesha, “Sugoocheanduumeeda humng'eeda gawuurji sea ghajiileanda geeta siguura haradaali ghayi geanu siida ak gwahisa jeeda madamnyeandaanyi;

Mattayo 13:11

Ghwasha nea gwayeesha saawa, “Agooga sigooneegwa nalooda makcheameeda sugoocheanduumeeda humng'eeda, nea saawa ea miyeataw.

Mattayo 6:33

Anyo ghanyi oosheeda agassa sugoocheanduumeadaanyi ea doobiiwnataanyi, ak abeeda gajeehoaneegwa haleanjeeni seaniin gajea geagwa.

Giidaheechta 2:5

Asi apkaada gidabwaanyi, ak giduukuuni ak gibiiksi gadiyoojiga ghayi iisini bea madeeda. Ak iimisini, gaydahidu headaang'u, ak gaydageanda hoorgeeda gheaboonyaneadaang'u aba heeda mida, ea eaghus duukuunana.

Ebraniya 6:1

Asi aseasa eeweaya mwadi eanung'waada ng'asheegiga ghayi bea garayi bea giinealshooda Gristohiin nea geehitiisi heeda, ak ea adagudeesinyi sindeeta duukuunooda aba gadiyoojiga nimeewa ak geendeawi masaweega aba heeda ASEETA,

Gadiyeeda Giijasoodiga 26:20

ak aba madeeda ghaang'eachi rukwiideayda ng'asheega ASEETA aba ng'eanyiida Dameski, ea Yerusalemu ea ng'eanyiisean bea Yahudi, ea heeda fuga Eemoojiga, gideaba gwaduukuuna ak gwayamsa geat ASEETA ak ghoahiimu aba gadiyoojiga nyaawa gideaba niduukuuna.

Mattayo 22:2

“Sugoocheanduumeeda humng'eeda gawuurji sea sugoocheanda gasa gageesheesa orjeedaanyi,

Mattayo 25:1

“Abeeda sugoocheanduumeeda humng'eeda gaygawuurji sea haw damanamughuush geanu gheaboonyanga nyaawa ak gaweay ghwadeapta siida geeshi.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 20:1

“Aba gideaba sugoocheanduumeeda humng'eeda gawuurji siida bea gheeda riteawa sakteayda duw ak gagasa fuga jea ghabwar ng'eanyi aba jeeda madamnyeandaanyi bea sabiibu.

Mattayo 18:23

“Aba deascheani sugoocheanduumeeda humng'eeda gawuurji sea sugoocheanjagi gasa gwayiida haleanjeeda sea soomjoagaaschi.

Mattayo 11:20

Iimuchu goojuursa mujiinajeegiga ghayi sissa niny ng'asheega deamdeameadi ak ea maduukuunana riing'eega nyaawaan.

1 SUGOODIGA 8:47

inyas gabumbuniidi gurooruunatka aba ng'eanyiida ghayi siyaat ghoah soomjooga, ak gwaduukuuna, ak gamusnyi aba ng'eanyiida weajoodiga nyaawa, nea gwayi, ‘Sisinyi riing'eeda, ea ng'asheega gwaneadi ea gea munyas’;

Lukka 21:31

Asi eara agooga iyoadaayi ng'asheesu nea gapnu, anala gideaba sugoocheanduumeeda ASEETA nineekiit.

Lukka 16:30

Hean gwayeesha, ‘Manda ghweandeanyu Abrahamu; inyeeda gabiiksa saawa siida leabu miyeeda, gaygwaduukuuna.’

Mattayo 25:14

“Damandida gaygawuurji sea siida gasa gawa bareanyeeka, gaguursa soomjoagaaschi ak goodeaga haleanjeadaanyi;

Mattayo 13:24

Gwarukuta gicha galeega nea gwayeesha, “Sugoocheanduumeeda humng'eeda gawuurji siida weah gwahista histeanga miyaasiin aba jeeda madamnyeandaanyi.

Mattayo 4:23

Gwaneayeewa jeeda ng'eanyiida sean bea Galilaya, nea goonealshi aba jeeda ghoorajeega nyaawa siinealshacheewa, nea gwarukwiida giijasta miy bea sugoocheanduumeeda, nea ghoahaap geeyoonung'weaka sean ea sawanaduutka mideawa buuneeda.

Lukka 1:16

Ak gaygooguumsa orjooga saang'a bea Israeli Ng'utamiida was ASEETA nyaawa,

AYUBU 39:12

Ak gayrara gideaba gaygweadu boagaagu ghoahi, nea gooweamsa booga heeda jea eelaksa?