Mattayo 27:51 - Bibliyeeda Ghaydit

⁵¹ Ghabwaasha, hang'da sibwaasha gheeda sibata ASEETA nibiyeenya, ghang'eada humng'eeda ea gagul ng'eanyi, gwasim geaw ng'eanyiida ak gabearshachi lagheanga hees;

NEAJEEDA EESH BEA BUUNEESSEAN

⁵¹ Ghabwaasha, hang'da subwaasha gheeda sibatta Aseetta nibiyyeenya, ghang'eada humng'eeda ea gagul ng'eanyi, gwasim geaw ng'eanyiida ak gabearshachchi lagheanga hees;

Mattayo 27:51 Referans Kwoze

Marko 15:38

Hean ghabwaasha bugusta hang'dida sibwaasha jeeda gheeda sibata ASEETEAN, ak ghoah iyeenya ghang'eada uhuuda ea gagul ng'eanyi.

Ebraniya 6:19

Geendeawi ng'asheanji nea gwarugu huumwa ak gawuurji alooheeda jea ghaweat giisiimeanda, ghusooda iissa gawa heeda ghaydit laabwa hoowa hang'da sibwaasha gheeda,

Lukka 23:45

iidu nea gagarbiit aseeta; hean ghang'at bugusta hang'dida sibwaasha jeeda gheeda sibata ASEETEAN nibiyeenya.

Giidaheechta 11:19

Ng'ata geetin Gheeda sibata ASEETA mida humng'eeda, ak geadaah sandakwajeanda diigheanda aba jeedeaba gheanyi sibata ASEETA; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchi bea lagheanga.

Mattayo 27:54

Hean dea shirikarajeanda haw ea fuga gwachi fur Yesu gidasimda geaw ng'eanyiida ea ng'asheegiga ghwanyawa bunuun, ghabeal muuchi nea gwayi, “Aba huumwa siisi Orjeeda ASEETA gil!”

Mattayo 28:2

Hean gwasimgeaw ng'eanyiida muuchi, ak gwashuubean malaykajeanda humng'eeda bea Ng'utamiida leabu humng'eeda amwahit ghoaraakghraakghta lagheaneedida sidukuteawa ghuuta bung'eedean ak goopteadawa.

ISAYA 25:7

Nea aba uhuudeaba giijeeni gaygageanda NG'UTAMIIDA shamooghooda, gurmeahiida dukuta buuneesean, ea sawanadeeda dukuta eemoojiga sean.

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada meatkweanagi mwanang' bea mujiini; ak gameewa fih sagalamnyooji ispwa aba sawoodida bea ng'eanyiidean, ak ghang'ut muuwda gea siipuut, ak ghoaghaambiit ASEETA humng'eeda.

Ebraniya 9:3

Badaydeaba hang'deaba iyeenya bea beashooda gwanda maheemajeanda was heeda Ghaydit muuchi,

HABAKUKI 3:10

Giijeega ghwadaanyi, ak ghaboadan; ak ghwahidu roopta ng'waan; ak goojuur beega mida uuta ng'eanyiida, nea gwadiyeada laweajajeagaaschi gagal humng'eeda.

2 DAMANYOOJIGA 3:14

Ng'ata gwasin hang'da oomu, ea dea meajea oomu, ea dea areara, ea hang'da bumbuni, ng'ata gwasin diyeanga dabiniga siguura geeruubajeega.

NG'ASHEEGA LAWI 21:23

ak ea maygawa jeeda hang'da beashooda ghana gwaneekiisa heeda wagiida, aba gideaba gaba bada, ak ea mabwarana ririnnyeanda heedeanyu ghaydit; aba gideaba geawooschi NG'UTAMIIDA amiineegwa.”

HABAKUKI 3:13

Guwi mwadi aba lealnooda fugaagu, aba lealnooda fugaagu imwaari. Ak gilasi iheenga fuga munyas, ak gilasi sugoocheanda fuga munyas ea gawa ng'eanyi ak giduulu fugaaschi mida geeshta.

NYIIGHEEGA 18:15

Hean geadaah uuta basooda, ak geanung' ghwadaajiit sindeeta ng'eanyiida, Ea NG'UTAMIIDA, aba gidireekusiindi ang'iing'i, aba ginyaashta jeameeda sareenuukaagu.

NYIIGHEEGA 18:7

Amadu gwaduumduum ng'eanyiida nea ghaboadan, nea gwaduumduum sindeeta giijeega nea gwasin geaw, aba gideaba ninyareas.

NG'ASHEEGA LAWI 16:2

ghwalamda NG'UTAMIIDA ak gwayeesha Musa, “Eeshiina orjeeda geamadu was Haruni adagoona damanyoojiga sean heeda ghaydit was beashooda, was madeeda hoorgeeda baydeayda mida uhuuda sandaku, aba gideaba gajiidu ghami; aba gideaba gaydabareanu aba jeeda shamooghooda aba badayda hoorgeeda baydeayda.

RITEAYDA 40:21

ak gweadu sandakwajeanda jeeda maheemajeanda, ak gwadukuta aba hang'da beashooda, ak gwadukuta sandakwajeanda muuwuunooda, gawuurji gidarukusiinda NG'UTAMIIDA Musa.

IITOODA 4:5

damanda jea ghoang'eada beata, gaygawa Haruni jeeda ghooriida, sea orjoagaaschi, ak gayghwahiing'u hang'da beashooda siiheeniida, ak gookwealsa sandakwajeanda muuwuunooda;

Lukka 23:47

Daah shirikarajeanda haw gwaduumsheesa ASEETA nea gwayi, “Aba huumwa siisi ea doabiiwaat!”