Mattayo 27:2 - Bibliyeeda Ghaydit

² Geerada aba biingu ak geayaat heeda Bilato nea siida ambal ng'eanyiita gil.

NEAJEEDA EESH BEA BUUNEESSEAN

² Geerada aba biingu ak geayaat heeda Bilatto nea siida ambal ng'eanyiitta gil.

Mattayo 27:2 Referans Kwoze

Gadiyeeda Giijasoodiga 3:13

ASEETA Abrahamu ea Isaka ea Yakobo, ASEETA ghweanigaasa, nighaambiit soomjeandaanyi was Yesu ak siisi ea dea ghayi ooyiinyi geatinga fuga hees gil ak goodardeaysi aba madeeda Bilato, eara aba damandida gasa gwasiksiina ninyiin.

Mattayo 20:19

ng'ata gajeayaat ak geayiin geatinga Eemoojiga eeshka, nea geabwar aba mughoowooda, ak geengoor, ama eaweeteaba samwagu gaygwaduudu.”

1 Dimotteo 6:13

Ng'asheanji gearukuneey aba madeeda ASEETA diita adaw haleanjeeda sean eaweegean, ea madeeda Gristo Yesuheeda ghayi muuwu muuwuunoadaanyi miy aba madeeda Bontio Bilato,

Lukka 13:1

Abeeda damandida gwanda Fiisu rukusa iita fuga Galilaya aguuyi Bilato foojeanda nyaawa sea haleanjeeda sisabwa geadi bea ghadooweeda.

Ebraniya 13:3

Oapkaada fuga Mida ghealooniga, ak goowuurjeewi giloondeayeesi ghealooniga sea saawa. Oapkaada fugiga sisawaniin, aba gideaba eara agooga goondeawi sasanuuka.

2 Dimoteo 2:9

Aniini geesawanan aba badaydeaba Giijasi miyiin, ea eeyaadan ghealooniga dawuurji siida Sin ng'asheega munyas, ak ng'asheega ASEETA ea mwajearat.

Gadiyeeda Giijasoodiga 28:20

Ghoaw gideaguurnaneegwa ak geebalooli aba gideaba geerateewean munyaloalajeega aba gidida ghus fuga Israeliin.”

Gadiyeeda Giijasoodiga 24:27

Muchu nea ning'ata gweanyeew iyeenya, ghoaghiis hoorgeeda Feliksi siisi siguura Barkiyo Festo; ak gagasa gooduupchi geaw fuga Yahudi, muchu Feliksi ghwanung'wa Bawlo ghealooniga.

Gadiyeeda Giijasoodiga 22:29

Hean ghang'eatng'eat gaweay aba geeshangiga fugiga gwachi gasa goonyeari ng'asheegean aba geeshangiga; eara shirikarajeanda haw iidu ghabeal, iijeeng'u gideaba Bawlo siida ng'eanyiida Rumi gil, ea gideaba gwachi nirada.

Gadiyeeda Giijasoodiga 22:25

Iidu nea nihit radita aba ghealooniga, ghoanyaash Bawlo shirikarajeanjagi miinaada aba hoowa nea gwayeesha, “Heapi ghwadoabiiwi gideaba geabwar siida ng'eanyiida Rumi, nea miyeergweaksa?”

Gadiyeeda Giijasoodiga 21:33

Gaweesa shirikarajeanda haw Bawlo ak ghoang'waay, ak gwayeesha aradana munyaloalaji iyeenya, amahit ghoabwaarda, siida was ng'eaha, ea ginisin.

Gadiyeeda Giijasoodiga 12:6

Eaweedida jea gwachi iimuchu gooruuna Herodehiin, abeeda Betaro gwalil aba dageascheeda shirikaraji iyeenya, ak ea sirada aba munyaloalaji iyeenya, nea shirikara suuk gafur gheeda siratiisa buuneeda;

Gadiyeeda Giijasoodiga 9:2

ak gamus niny barawajeanda jea ghwaat ghoorajeega siinealshacheewa mida Dameski, ea gideaba inyas hoowa headiga ghana gadeemga aat Naweedida, ghoang'waay ak gweadu Yerusalemu.

Gadiyeeda Giijasoodiga 4:27

nea aba huumwa jeedeaba mujiineani gabatiisa geat fuga heawa soomjeandaang'u ghaydit was Yesu, was dea ghayi imwaari, sean Herode sea Bontio Bilato, sea fuga Eemoojiga ea fuga Israeli,

Yohaana 18:24

Hean ghwanung' Anasi eerada ak geayaat heeda Ashoohoocheanda Haw was Gayafa.

Yohaana 18:12

Ng'ata ghoang'waay Yesu gharmucheandida bea Shirikaraan sea shirikarajeanda haw sea furiischoodiga Yahudi ak geerada.

Lukka 20:20

Inyeesa geasaach niny nea geegasa gheata miy ak geecheakta fuga hinda geat fuga doobiiweadi, eanyas gheata gichea eaghasta aba ng'asheesu ikaaschiin, ak geayiin geatinga sugoocheanda haw ahaaghwa ng'eanyiida.

Lukka 3:1

Aba gweaydeaba damanamuut bea Diberio Gaysari, nea abeeda Bontio Bilato ea sugoocheanda ng'eanyiida Yudeya gil, nea Herode abeeda ea sugoocheanda ng'eanyiida Galilaya, nea orjeeda ghaamwat siguura Filipo ea sugoocheanda Itureya ea Dirakoniti, nea Lisaniya, abeeda ea sugoocheanda Abilene,

GIING'EETA 22:9

Iidu nea ghwahita heeda rukusa ASEETA, gwasin Abrahamu heeda wagiida aba hoowa, ak gwajip ghweenga muuchi, ak gwarada Isakeeda was orjeedaanyi, ak gooluul aba badayda heeda wagiida, was badayda ghweenga.

Mattayo 28:14

Amadeepa ghwanyas iita sugoocheanda bea ng'eanyiida, gajeepaloola niny ak gajeegeandeawaneegwa shata.”

Lukka 23:1

Ghang'eatng'eat fugiga sean bea girgweageedean ak ghwaat madeeda Bilato.

Lukka 23:12

Ghang'eada damandida gwaduupchi Herode ea Bilato, aba gideaba ghayi aba mwadi gwanda furjeeda dageascheeda nyaawa.

Yohaana 18:28

Ng'ata geegeanda Yesu aba gheeh Gayafa ak geayaat gheeda abiita sugoocheanda nea gudea beashata gil ak ea maweayi saawa jeedeaba gheedida aba gideaba ea mwang'udana geat ririnnyeanda ak abeeda ghwaak hamita Basaaka.

FUGA LAJA GIRGWEAGUUTKA 15:12

Hean gwayeesha saawa niny, “Geapkaanyi eang'waanyeeyi ak geahaaknyi geatinga fuga Filisti.” Ak gwayeesha Samsoni, “Ayeaksean habeawooda gideaba majanuuseani agooga.”