Mattayo 26:72 - Bibliyeeda Ghaydit

⁷² Gabiikta ghwashaang' Betaro nea ghwaak habeawooda nea gwayeesha, “Aniini siisi mwaanali.”

NEAJEEDA EESH BEA BUUNEESSEAN

⁷² Gabiikta ghwashaang' Betro nea ghwaak habeawooda nea gwayeeshsha, “Aniini siisi mwanali”

Mattayo 26:72 Referans Kwoze

Lukka 22:34

Gwayeesha, “Geayeeshiineey, Betaro, eanean maygooguul nghaghooda eaweani nea mii shaang'aan niba samwagu gideaba ginalaan.”

Mattayo 26:74

Damani ghamwaashta geaw Betaro nea ghwaak habeawooda nea gwayeesha, “Aniini siisi mwaanali.” Deagheata googuul nghaghooda.

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

SAKARIYA 8:17

Asi siida adagooteemsheesa ng'asheega munyas aba jeeda gurooroadaanyi aba badayda siinuut, ak ea adoabwariinyi agita habeawooda ng'uyeega, aba gideaba suh seaniin gea aasichi gil, gwarugu NG'UTAMIIDA bea lugweega.”

ISAYA 48:1

Oaleaydiit fuga gheeh Yakobo, ghayi siguushteawa gheawunga Israeli, nea goobea dooshta Yuda, ghayi ghoayaaji habeawooda aba gheawunga NG'UTAMIIDA ak goohindi geat gili oakghadawanyi ASEETA Israeli, ak ea mii huumwa gil nea mwadoabiiwa.

RITEAYDA 20:7

“Adirugu mwadaagha gheawunga NG'UTAMIIDA was ASEATAANG'U, aba gideaba NG'UTAMIIDA mayghwanung' ghoah gilimandeawana ramaseanda siidida ruku gheawungaaschi mwadaaghaan.

Mattayo 26:71

Iidu nea gwariteawa gidaghuuta gabiikta ghwadaah hut nuut bea gadiyeeda ak gwayeesha, fuga ghwanyawa mida hoowa, “Siisi gwachi gwandeayi sea Yesuheeda Nasareti.”

Mattayo 26:73

Ng'ata gheadi nuwaas gaweay fuga gwachi mida hoowa heeda Betaro ak gwayeesha, “Aba huumwa eara ang'iing'i guwoosi siyagi aba jeedeaba fugiga aba gideaba ghoahiimu baloaldaang'u.”