Mattayo 26:10 - Bibliyeeda Ghaydit

¹⁰ Gwajeeng'u Yesu gidabaloola jeesinga nyaawa ak gwayeesha, “Ghwasaan anda gooteawiichi gatmooda? Niny gwasinnean ng'asheanda miy.

NEAJEEDA EESH BEA BUUNEESSEAN

¹⁰ Gwajeeng'u Yeesu gidabaloola jeesinga nyaawa ak gwayeeshsha, “Ghwasaan andagootteawiichi gatmooda? Niny gwasinnean ng'asheanda miy.

Mattayo 26:10 Referans Kwoze

Ditto 3:8

Ng'asheanji earguun huumwa gil. Ak geagasayi rukuta ng'asheesu nea giimajeegi, aba gideaba fugiga mwas ASEETEAN goobiida jeeda sinooda ng'asheega miyaas; nea suh ea miyaasiin nea ghwadoabiiw aba heeda buuneeda.

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.

Ditto 3:14

Ak eara fugaasa saawa gammiisa gideaba ghoanaal geat giibinda jeeda sinooda ng'asheega miyaas, ak gwasisin ng'asheega gasa ealamwach sinooda, ak ea mawoosa gea manda haghweega.

Ditto 3:1

Apkeasiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.

2 Dimoteo 2:21

Ak siida iyaamiidu geaw ak gooheeli geaw ng'asheesu munyasiin niny abeeda gayghoah dabicheanda siihuun ak ghwanyas mureeda haguuwsa Ng'utamiida ak sinoadaanyi geebaysiina gwasin gadiyoojiga sean miyaas.

1 Dimotteo 5:10

Ak ea simoowuuna badaydaanyi ng'asheega miyaasiin bea giireerda diibiga, ak ea nideapta rabasta nea niihuun geeshanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

1 Dimotteo 3:1

Ng'asheanji huumwa gil gideaba siida jea ghoah siida haw jea ghoahaaghwa fuga ganiisa gagasa gadiyeeda miy.

2 Desaloniikke 2:17

ak gageandeawa gurooruunatkeagwa salgheang'da, nea goomajeegiideegwa aba giliwas gadiyeeda miy ea ng'asheanda.

Golosaayi 1:10

ak abeeda gajoomuusa oopiideata gidagasiida Ng'utamiida nea goosinyi gichea goohoosan, ak giibindeang'wa gaygwaji haghweega aba gadiyoojiga miyaasiin nea gooheetu aba fughareeda ASEETA.

Efeeso 2:10

Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Galattiya 6:17

Gidang'eada ghamneawa adagoodeawiidan sih; aba gideaba aniini geandeawi giirooraneeda Yesu aba saseedeanyu.

Galattiya 5:12

Aniini gideabali fugiga nung' ea moopidi ng'eanyiini ghwalajaada geat!

Galattiya 1:7

mii gideaba gwanda giijasta miy nuut gil, iidu gwanda fuga mwaatkwa adeawiideegwa nea gagasa ghoaschoarda giijasta miy bea Gristo.

2 Goriinto 9:8

Nea ASEETA ghoamu ghoanyiideagwa ghawooda, ak abeeda goondeawi agooga heeluutka haleanjeeda sean aba galeagasean abeeda ghoanyiideagwa muuchi aba giliwas gadiya miy.

Marko 14:6

Nea Yesu niny gwayeesha, “Anung'waada gatmooni oogasean. Gooteawiisi naaha? Nih gwasinnean gitoabiiw.

AYUBU 13:7

Gajabaloolana ng'uyeega aba badayda ASEETA, ak gajabaloolana gea mii doobiiweadi aba badaydaanyi.

NEHEMIYA 2:18

Ak gearukusi saawa gidamiiyda geatinda ASEETEANYU aba gidanisinnean ea ng'asheega rukunean sugoocheanda. Ak ng'ata geeyi, “Asi eang'eatng'eada ak geadeaschi.” Hean geemajeek geatinga nyaawa aba gadiyeeda miy.

1 Betro 2:12

Andeawana searoojiga miyaasiin aba jeeda Eemoojiga, aba gideaba iisinapsa badahuukeagwa ng'uyeega gideaba goosinyi ng'asheega munyas, hean iing'ula sinaweegeagwa miyaasiin ghoaghaambiit ASEETA eaweeda jea ghwahina.

Mattayo 26:9

Nagheani gwachi iisishaayda gayghwanyas lapiyeeda saang'a jea eataw fuga barbari.”

Mattayo 26:11

Aba gideaba fuga barbari goondeaydooscheewi galeagasean, amaduuku aniini ea majeendeayeena galeagasean.

Lukka 8:49

Damani duu gabaloolean, ghwahidu siida leabu gheeda siida haw ahaaghwa gheeda siinealshacheewa ak geeyeesha, “Hudaang'u niibita; adagudideawiidi Giinealshoocheanda.”