Mattayo 23:15 - Bibliyeeda Ghaydit

¹⁵ Ashageada geat ng'oorshoodiga ea Farisaayajeega amiitu geat! Aba gideaba gooneayeewi jeesinga baskweega ea ng'eanyiida bwadaw nea googasayi siyagi jea ghwalaalaan, amadu nea niiw, ghoanung' ghoah baleanda maloonghajeega niba iyeenya ea ghwanaawaneegwa agooga.

NEAJEEDA EESH BEA BUUNEESSEAN

¹⁵ Eamuy deang'wa ng'oorshoodiga ea Farisayajeega ammiittu geat! Aba gideaba gooneayeewi jeesinga baskweega ea ng'eanyiida bwadaw nea googasayi siyagi jea ghwalalaan, amaduw nea niiw, ghoanung' ghwoaw jeepta maloonghajeega niba iyyeenya ea ghwanawaneagwa agooga.

Mattayo 23:15 Referans Kwoze

Efeeso 2:3

Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

Gadiyeeda Giijasoodiga 13:43

Iidu nea ghwadardaawa buuneeda girgweageeda gheeda siinealshacheewa, hean ghwaat geeshta geaba Bawlo ea Barnaba fuga saang'a bea Yahudi ea fuga eemoojiga suuk ghayi weay diineeda Yahudi, hean goobaloola saawa gideaba aweayeena mwadi aba jeeda dagheerjeanduumeeda ASEETA.

Gadiyeeda Giijasoodiga 13:10

“Ang'iing'i guwoosi orjeeda meang'nyeandeenda, ak guwoosi weajoocheanda haleanjeeda sean doobiiweadi, ak gaba ng'uya muuchi ea munyinda, ak ea minung'waadani eara huteayda naweadinga doobiiweadi bea Ng'utamiida?

Gadiyeeda Giijasoodiga 14:2

Nea fuga Yahudi suuk heawa ng'asheesu goong'uchi buuneeda was Eemoojiga suurja ak ghwadatas fughareenga nyaawa ghaheawa fuga siduupcheewi.

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

Galattiya 6:12

Suh fugiga gasa gideaba gayghoahiimu geediin gil jea gwadiing'seegwa eata ghasmeahooda, aba gideaba ea meesawana saawa aba beehiida Gristo.

Galattiya 4:17

Fiisu gagaseegwa, ak ea magaseewaneegwa naweeda miy, saawa gagasa gwajapseegwa jarooda, ak abeeda agooga googasayi saawa.

Mattayo 5:22

Ak aniini geayeeshiineegwa, siida wassean jea gwanyareeksa orjeeda ghaamwat gammiisa girgweaksiinda; ama dea ang'eawi orjeeda ghaamwat gammiisa eata madeeda gweargwa, ama dea eesha orjeeda ghaamwat, ‘Guwoosi leekghteanda!’ Gammiisa beasta maloonghajeega.

Gadiyeeda Giijasoodiga 17:13

Iidu nea ghwayiiy fuga Yahudi bea ng'eanyiida Desalonike gideaba Bawlo gwarukwiida ng'asheega ASEETA eara aba ng'eanyiida Beroya, geeweay ama sihita geeyuuk buuneeda nea geang'uda foolayda.

Gadiyeeda Giijasoodiga 14:19

Iidu ghapka fuga Yahudi leabu ng'eanyiida Antiyokiya ea Ikoniyo; ak gafoolan buuneeda, ak geefuta Bawlo lagheanga ak geengiir ea eeruuteawa jeeda mujiini, nea geaghayi gili nimi.

Gadiyeeda Giijasoodiga 2:10

ea gealeabu Frigia ea Bamfiliya, ea Misri, ea gealeabu murdajeega Libya, ea gea leabu Girene, ea rabasta leabu ng'eanyiida Rumi, sea fuga Yahudi ea gea niyamwa ghoah fuga diineeda Yahudi,

Gadiyeeda Giijasoodiga 6:5

Nea ng'asheanda rugu goohoosan eemeetuw, ak ghwaloat Stefano, siida mideawa masaweega muuchi ak gwandeawa Guroorooda Ghaydit, ea Filipo, ea Burokoro, ea Nikano, ea Dimoni, ea Barmena, ea Nikola, was siida doabiiwaat bea ng'eanyiida Antiyokiya.

ESTA 8:17

Ak aba gilinyoo ea daroar gil, ea gilinyoo ea mujiini gil, ea hiji was sean nyooh ghwahita girukuta sugoocheanda, ea iitaanyi, ghwanyas fuga Israeli ghweelmeeda, ea hooseaneega, ea fuufta. Ea gwahinda geat fuga saang'a bea ng'eanyiita was fuga Israeli aba gideaba muuwda ghayi bea fuga Israeli niyamwa gagal heanyaawa.

Mattayo 5:29

Asi iissa iinung' gheang'daang'u bea geatinda dugwa adiinya, giloati ak gijakti gwasheagiit; aba gideaba aamiy ghwashoadeeweey damealeanjagi ak ea meejaksiina saseadaang'u sean jeeda maloonghajeega.

Mattayo 3:7

Hean nea ghwadaah Farisaayajeega saang'a ea Sadukayajeega nea ghapka headaanyi goobaatiisan, ak gwayeesha, “Ea dayeega udang'usheega! Gwareekuseegwa ng'eaha ea amng'awana nyarasta jea ghwahidu?

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [