Mattayo 22:16 - Bibliyeeda Ghaydit

¹⁶ Iidu goojeakta giinealanga nyaawa headaanyi ea gea Herode geanyaash nea geeyeesha, “Giinealshoocheanda, Aseasa geanali gideaba ang'iing'i guwoosi siida huumwa, ak gibwadi nih giinaali buuneeda naweeda ASEETA aba huumeanda, nea ghanyea miduupi hawunda siida aba gideaba ming'uli ratooda buuneeda.

NEAJEEDA EESH BEA BUUNEESSEAN

¹⁶ Iiduw goojeakta giinealanga nyaawa headaannyi ea gea Heroode geannyaash nea geeyeeshsha, “Giinealshoochcheanda, Aseasa geanalli gideaba ang'iing'i guwosi siida huumwa, ak gibwadi nii giinnaali buuneeda naweeda Aseetta aba huumeanda, nea ghanyea miduuppi hawunda siida aba gideaba ming'ulli ratooda buuneeda.

Mattayo 22:16 Referans Kwoze

Marko 3:6

Deagheata gwarita jarooda Farisaayajeega ak gaweay gang'weaschi sea fuga Herode, ghwadaawdaaw gichea ghwanyasta gheata nuusta Yesu.

Lukka 20:21

Geanyaash niny nea geeyeesha, “Giinealshoocheanda, geanali gideaba giruku ng'asheega nea giidoabiiwi, nea miduupi siisi haw, ang'iing'i giinaali buuneeda naweeda ASEETA doabiiwaat.

Marko 12:14

Geapka headaanyi ak geeyeesha, “Ea Giinealshoocheanda, aseasa geanali gideaba guwoosi siida doabiwaat rukwiida huumeanyeeka nea ghanyea miiwali gheang'ba sih. Nea eara hawunda siida ghanyea miduupi, ak giinealayi ng'asheega naweeda ASEETA bea huumwa. Heapi Rukuneasa ea ghwadoabiiwi gideaba geeruuta gwaadi eataw Gaysari ghana manda? Gajeatawa ghana majeatawa?

Marko 8:15

Iidu gwareekusa Yesu ginealangaaschi nea gwayeesha, “Ashageada matawanda Farisaayajeega ea dea Herode.”

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

Yohaana 18:37

Hean gwayeesha Bilato niny, “Asi ghamneawa ang'iing'i guwoosi sugoocheanda?” Ghwasha Yesu nea gwayeesha, “Girgu ang'iing'i gideaba aniini geawooschi sugoocheanda. Aniini geejiilan aba badaydeaba nih, nea aba badaydeaba nih ghaawunyi jeeda ng'eanyiida, gideaba gaydamuuwu huumeanda. Siida wassean mida jeeda huumeanda iissa gooleeysiit ghuuteanyu.”

Yohaana 14:6

Gwayeesha Yesu niny, “Aniini geawooschi naweeda, ea huumeanda, ea eaweega; siida moamu gawa heeda Bwaabwa, geaghus gwasku heedeanyu.

Yohaana 7:18

Siida baloola gheambalmeadaanyi abeeda gagaseadayi giigheambiiteaba geaw, amaduuku siida gasa giigheambiita siida ghayi ajeagu gaba huumwa nea jeadaanyi ea manda munyinda.

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

1 Desaloniikke 2:4

gawuurji gidaghayi goondaneasa ASEETA gheata Giijasta miy, ea gidasirukwiidi, nea meewuurjeewani fuga ahoosani buuneeda, geewooschi fuga ahoosan ASEETA nal gurooruunatkaasa.

Galattiya 2:6

Nea ng'asheega leabu heeda fuga siiwal gheanyangean nea geanung' ghoah giliin (aba heedeanyu mwayamwa gil; aba gideaba ASEETA mashiita buuneeda) fugiga eayeenyi, fuga siiwal gheanyangean manda gichea gooheanean aniini;

Galattiya 1:10

Neada ghoaghanyi gili eagasayi dashiit buuneeda, ghana ASEETA? Ghana eagasayi deahoosan buuneeda? Asi iidu deahoosani buuneeda, ea maydoaw soomjeanda Gristo.

2 Goriinto 5:16

Ghang'eada ghamneawa, asi aseasa meesissiini siida wassean mureeda aba ng'asheega saseeda; earapeadi aseasa sinali Gristo gideaba siida gil, amadu ghamneawa ea mudea gissinaldi.

2 Goriinto 4:2

Siheawi ng'asheega baspaseega, ea naweadinga ng'uyyeenya; ak geaheawi gideaba gajeesna milmilanda ghana eeyamujeena sea ng'asheanda ASEETA, geaghus aba ng'asheega huumeanda sirugu aba eeshpwara ak geaghwarji geat aba giliwas fughareemba sih aba madeeda ASEETA.

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahiida ng'asheanda ASEETA; gagasa eewuurjeewana fuga mideawa doobiiwnata, was fuga adaw ASEETA gadiyeeda, aba madeeda ASEETA iissa geebalooli aba badayda Gristo.

Lukka 7:40

Ghwasha Yesu ak gwayeesha niny, “Simon, gwanda ng'asheanji jea darukuneey.” Ghwasha niny ak gwayeesha, “Naaha gil, Giinealshoocheanda?”

Marko 10:17

Ng'eat Yesu nea gaygawa bareanyeakaaschi, gafaju sih ama hidu gwatkuy aba madeadaanyi ak gwayeesha, “Ea Giinealshoocheanda waam, ak gaydasin naaha iijeadanyas eaweega manda muudeanooda?”

Mattayo 26:49

Hean gwaneekiisa Yuda Yesu ak gwayeesha, “Seayu Siida haw!” Amwahit ghwasam.

Mattayo 26:18

Gwayeesha niny, “Aweayeena mujiini gheapa sih ak gooyeeshi, ‘Gwayi Giinealshoocheanda, nigul damandeanyu ak geagasayi daak hamita Basaaka sea giinealangeasu aba jeedeaba gheang'u.’”

Mattayo 22:26

Gwasunu eara aba baleandeaba iyeenya, ea baleandeaba samwagu, ea ghwahita ispeeda nyaawa.

Mattayo 22:24

nea gwayeesha, “Giinealshoocheanda, ghayi gwayi Musa, ‘Siida iimea, nea moabuuda diibiga, gayghaghi masinung'weandida itaanyiin orjeeda ghaamwat, ak gwanyaksa orjeeda ghaamwat diibiga.’

MALAKI 2:9

ak ghaanung' eefooleegwa nea geesawaneegwa aba madeeda buuneesean, gawuurji gidameang'waaydani ng'asheegeasu ak ghoahiimu shiitmeeda aba jeeda deaweedajeegeagwa.”

MALAKI 2:6

Ghuutaanyi gwanda diigheanda huumwa, ak ea manda ng'asheanda muy nirina ghuutaanyi. Iissa geadeayeewi aba hoyyoo ea doobiiwnata, ak ghwayam fuga saang'a ea ghwanung'waada ng'asheega munyas.

GHWASIILDEANGA 29:5

Siida amiitu geaw aba heeda giischeewoocheandaanyi gwasin gheareedaneeda jea ghaghasa geeshtaanyi.

NYIIGHEEGA 55:21

Ng'asheagaaschi ea bumbuni ea ghang'al nagheedeesh nea gurooroadaanyi gwanda ng'ucheeda ng'asheagaaschi ea bumbuni ea ghang'al nagheeda ak iissa ghwalachta ng'uta ng'aniip.

NYIIGHEEGA 12:2

Iissa goobaloola geat ng'asheega ng'uyeega sea siida mideawa, fuga mideawa ghuusiga amiitu geat; ak goobaloola geat gurooruunatka amiitu geat;

NYIIGHEEGA 5:9

Aba gideaba manda huumeanda ghuusiga nyaawa; gurooruunatka nyaawa nyariida gil, nea muwooguuka nyaawa ea bung'eeda abwaraghuut gil, nea ghaghwar geat aba ng'ushapkeaka nyaawa.

1 SUGOODIGA 22:14

Ng'ata gwayeesha Mikaya, “Gidamideata NG'UTAMIIDA, gichea gwarukunean, gayghoah gichea dargu.”

GIIPKEATA DIIGHEANDA 33:9

dea ayi aba badayda ghwaan ea ghaamwat, ‘Aniini mii dadaah saawa’; ak ea mamwasa eara orjooga ghaamwat, ak ea mwanala eara diibigaaschi. Aba gideaba gang'ula ng'asheandaang'u, ak ea niing'waay neajeadaang'u.

Marko 12:13

Geecheakta buuneeda mwaatkwa was Farisaayajeega, ea fuga duuba Herode gaweay goobalool Yesu nea gagasa gichea eaghasta aba ng'asheagaaschi.