Mattayo 2:2 - Bibliyeeda Ghaydit

² “Gwanda yeenu baleanda siji was sugoocheanda Yahudi? Aba gideaba geadeaksi miing'weandaanyi heeda ghayeawa, ak geapkaanyi eaghadoawana.”

NEAJEEDA EESH BEA BUUNEESSEAN

² “Gwanda yeenu jeepta siji was sugoochcheanda Yahuudi? Aba gideaba geadeaksi ming'weandaannyi heeda ghayeawa, ak geapkannyi eaghadoawana.”

Mattayo 2:2 Referans Kwoze

IITOODA 24:17

Geang'ulayi niny, ak ea mii ghamneawa; geang'ulayi niny, ak ea mii neeki, gaygwarina miing'weanda jeeda Yakobo, nea bileangida gheambalmeeda gaygwarina Israeli; ak gaygwahirjeaweada gujaka Moabu, ak gwahirjeaweada orjooga sean bea Seti.

YEREMIYA 23:5

“Ak hean gwayi NG'UTAMIIDA, “Ng'ula gayghapka eawoojiga jea danung' gafirfirsa Dawdi damealeanda doabiiwaat, ak gaygoombaliischi gawuurji sugoocheanda aba weaghuumeeda, ea huumeanda ea aba doobiiwnata aba ng'eanyiida.

Giidaheechta 22:16

“Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

ISAYA 60:3

Ak eemoojiga gayghapka heeda weeshindaang'u, nea eara sugoodiga gaygaweesa weeshinda iboong'si.

Yohaana 18:37

Hean gwayeesha Bilato niny, “Asi ghamneawa ang'iing'i guwoosi sugoocheanda?” Ghwasha Yesu nea gwayeesha, “Girgu ang'iing'i gideaba aniini geawooschi sugoocheanda. Aniini geejiilan aba badaydeaba nih, nea aba badaydeaba nih ghaawunyi jeeda ng'eanyiida, gideaba gaydamuuwu huumeanda. Siida wassean mida jeeda huumeanda iissa gooleeysiit ghuuteanyu.”

Ebraniya 1:6

Ak gicha, iyeadu duweacheadaanyi badayda ng'eanyiida, gwayeesha, “Nung'waada ghaghadoawan niny malaykajeega sean bea ASEETA.”

Lukka 23:38

Gwanda ng'ooruutka uhuuda beehiidaanyi sing'waar, “Nih sugoocheanda Yahudi gil.”

Lukka 23:3

Ghoanyaash Bilato nea gwayeesha, “Asi ang'iing'i guwoosi sugoocheanda Yahudi?” Ghwasha niny ak gwayeesha, “Gidirukuteaydi ang'iing'i gil.”

NYIIGHEEGA 2:6

“Ak aniini ea naambiichi sugoocheandeanyu aaloachi aba uhuuda Sayuneeda was giijeedeanyu ghaydit.”

Yohaana 5:23

abeeda gwasissa buuneesean mureeda Orjeeda gawuurji gidasiniisiinda mureeda Bwaabwa. Siida masisiina Orjeeda mureeda masisiina mureeda Bwaabeeda ghayi ajeagu niny.

Yohaana 1:49

Ghwasha Natanaeli nea gwayeesha, “Rabi, ang'iing'i guwoosi Orjeeda ASEETA! Guwoosi Sugoocheanda Israeli!”

Lukka 19:38

nea geeyi, “Ning'usha ASEETA sugoocheanda wuna gheawunga Ng'utamiida! Niiw hoyyoo aba humng'eeda ea giigheambiita aba hoowa bea humng'eedean.”

Lukka 2:11

Aba gideaba eanean aba mujiineeda Dawdi siji aba badahuukeagwa, lealnoocheanda, niny Gristoyda was Ng'utamiida gil.

YEREMIYA 30:9

Ng'ata gaygagadiyeesa NG'UTAMIIDA was ASEETA nyaawa, ea sugoocheanda nyaawa siguura Dawdi, jea daaghaambiit ghoahaaghwa saawa.

NYIIGHEEGA 45:11

Ak gayghabwariiy sugoocheanda leangaagu. Aba gideaba niny siidaang'u hawi, sisiina niny mureeda;

Yohaana 9:38

Hean gwayeesha, “Ng'utamiida, Naamwaschi”; ak ghaghadoawan niny.

Yohaana 19:19

Gang'oorsa Bilato uhuuda beehiida; ng'asheega siyi, “Yesuheeda Nasareti Sugoocheanda Yahudi.”

Yohaana 12:13

Hean gwahirjeawi damealga miilayga ak gaweay roonyeeda nea goojuur muuchi nea gwayi, “Hoosaana! Sing'usha siisi wuna gheawunga Ng'utamiidean, eara sugoocheanda Israeli!”

Mattayo 27:11

Geanung' ghamiinaada Yesu aba madeeda siida haw bea ng'eanyiita. Hean ghoanyaash Siidida haw bea ng'eanyiidean nea gwayeesha, “Ang'iing'i guwoosi sugoocheanda fuga Yahudi?” Gwayeesha Yesu, “Girgu ang'iing'i.”

Yohaana 20:28

Ghwasha Domaso nea gwayeesha, “Ng'utamiideanyu ea ASEETEANYU!”

Mattayo 21:5

“Ayeeshiina hudeaba Sayuni, Ang'wearda, sugoocheandaang'u ghwaan headaang'u, ea ng'eeni nea gwading'da digeeda, gureenda digeeda, dayeenda digeeda.”

Mattayo 2:3

Iiy sugoocheanda siyi Herode ng'asheesu, gwahirbaban sea Yerusalemooda sean.