Mattayo 2:11 - Bibliyeeda Ghaydit

¹¹ weay gah ghwadaah baleanda ea Mariyayda was ghaamwat ak goobeedeayi ak ghaghadoawan. Ng'ata, gootin shageeniga nyaawa ak ghoadaw haleanjeeda miyas, was dahaabu ea hideeni ng'andit ea buureata.

NEAJEEDA EESH BEA BUUNEESSEAN

¹¹ Weay gah ghwadaa jeepta ea Mariyaayda was ghaamwat ak goobeedeay ak ghaghadoawan. Ng'atta, goottin shageeniga nyaawa ak ghoadaw haleanjeeda miyas, was lagheanga meengmeeng'i ea hideeni ng'andit ea bureatta.

Mattayo 2:11 Referans Kwoze

ISAYA 60:6

Gaygwadukuta ng'eanyiidaang'u hawanda ngamiya, asaha muhooga ngamiya leabu ng'eanyiida Midiyani ea Efa, ea gea leabu Sheba sean gayghapka. Nea gweadu dahaabu ea hideeda ng'andidi, nea gwarukwiida alooheeda NG'UTAMIIDA.

NYIIGHEEGA 72:10

Sugoodiga Darshishi ea gea darooraka neaweesa beega deasiina niny gwaadi, sugoodiga Sheba ea Seba dagu haleanjeeda duupcheeda!

Lukka 2:16

Gaweay nea ghwalamwajaada ak geanyasa Mariya ea Yosefu heeda mida baleanda nea gwalil aba jeeda daghwalda leeha dugwa beega.

Mattayo 2:2

“Gwanda yeenu baleanda siji was sugoocheanda Yahudi? Aba gideaba geadeaksi miing'weandaanyi heeda ghayeawa, ak geapkaanyi eaghadoawana.”

NYIIGHEEGA 95:6

Apkaani, eamwaasha nea geetkunyi, anung' eetkunya aba madeeda NG'UTAMIIDA, was dea sinneasa!

NYIIGHEEGA 72:15

Asi gagasa goobiida ng'eanyiida ea gageawiit, ak ea deatawa dahaabooda Sheba! Ak ea damusiischeesiina galeaga sean, ak ghoah ghawooda askwearda sean.

1 SUGOODIGA 10:2

Ghwahidu Yerusalemu nea goodeana fuga saang'a, ea ngamiyajeega sareeni dabita, ea dahaabu, ea lagheanga mideawa sheayeeda haw; hean nea ghwahidu heeda Sulemani, gwarukusa gilinyoo gwanda uhuudaanyi.

IITOODA 7:14

ea ganakoanagi bea dahaabu, nea durumanataanyi ea shekeelaji damanamughuush, ak ea siinyiit hideeda;

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Mattayo 14:33

Hean ghaghadoawan fugiga sean mida jeeda maleamboodean nea gwayeesha, “Aba huumwa ang'iing'i guwoosi Orjeeda ASEETA.”

Giidaheechta 5:8

Hean nea gageanu gitaabu ghoabeada diyeangiga asang'wan majeekcheewiin sea gweargiga atiktam ea ang'waniin aba madeeda Dayeenda Gisilleanda, ak gaba nih ang'waay gidoondooriida, ea gweeriida sisna dahaabu nea ghwanyiit hideeda ng'andit, was mooshta ASEETA bea fuga ghaydidi;

Lukka 2:38

Gwardu aba damandida ak gabadiischeesa ASEETA, ak goobaloola niny ng'asheega sean bea fuga amuuku lealnooda Yerusalemu.

1 SAMWELI 10:27

Iidu gwayi fuga marachi gil, “Gayghoamuustaan siisi gwalealneasa?” Ak geefool niny, ak ea meatawa gil.

IITOODA 7:86

ea ganakwajeega dahaabu damaniyeenya nyiit hideeda, nea durumanata giliwas ganakooda ea shekeelaji damanamughuush, iisigala shekeeleeda heeda ghaydit; dahaabooda sean bea ganakwajeegiga ea shekeelaji bughala ea diktam;

NG'ASHEEGA LAWI 6:15

Ak gaygageanu siyagi ghoanyiit geatinda dearanga miyaasiin bea booga sighadoawanda ea nagheadaanyi ea geediga sean ng'andidi mida badayda booga ghadooweeda, ak ghaghwarda ghoah gichea goopkeata aba heeda wagiida, ghoah shearooda ng'andit aba heeda NG'UTAMIIDA.

RITEAYDA 30:34

Ghwalamda NG'UTAMIIDA ak gwayeesha Musa, “Geani geediga ng'andidi miyaasiin was deanguurga, ea buureata ea sakghwiilo, was haleanjeeda ng'andidi miyaas, ea hideeda ng'andit, (haleanjeeni seaniin gagasa gwadeenyi),

GIING'EETA 43:11

Ng'ata ghwalamda ghweanda nyaawa was Israeli ak gwayeesha saawa, “Ng'asheanji iijea gwasunu, abeeda goosindunu: ageani haghweega miyaasiin bea ng'eanyiida ak ghoayiinyi jeesinga mushoodakeagwa, ak gooyeasi siidida ghoah haleanjeeda guskuseega, nagheeni mwanang' ea maleeni mwanang' ea mughoondooda ea geediga ng'andit, ea geediga ng'andidi.

MALAKI 1:11

Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.

NYIIGHEEGA 45:8

hang'weakaagu sean goowiinyi geediga ng'andidi ea hideeda ng'andit ea deanguurga. Nea aba gealga sugoodiga sisna gujaka goohoosanyi gidoondoorajeega nung' hoosana;

NYIIGHEEGA 2:12

Oang'waanya ng'asheega miyaas, adiidu ghwanyareas ak goorootiisi naweeda, aba gideaba nyarastaanyi gaygabay ghwayeat; ghang'wana fuga mang'awsa headaanyi.

1 SUGOODIGA 10:10

Ng'ata ghoadaw sugoocheanda dalaantaji bughala ea diktam bea dahaabu, ea haleanjeeda saang'a, ea lagheanga haw sheayeat; hean ea mudu gwanda haleanjeeda deena suh adaw gatmooda was sugoocheanda ng'eanyiida Sheba heeda sugoocheanda was Sulemani.

RITEAYDA 30:23

“Geani nagheeda ng'andit miy ea geeta ng'andit ea shiliingaji bughalaji muut ea geedi siguura dalasini ng'andit muuchi nung' googweena iyeenya nea bughalaji iyeenya gil ea haradam ea damanamughuush, ea mushearajeega ng'andidi bughalaji iyeenya ea haradam ea damanamughuush,

SARMEEDA SULEMANI 3:6

Siisi siyeeng'na dareapcheedean ng'eaha gil gawuurji daraneeda aroosta, geejooysa geediga ng'andidi ea mughoondooda ea dearanga hideeda ng'andit bea fuga ageakshachi?

Mattayo 1:18

Jeata siji Yesu Gristo ghayi gwasunu. Mariyayda was ghaamwat damanda duu goonyeara Yosefu, damanda mii ghabeawa heedean geadaah nea gweayiideat aba uurda Guroorooda Ghaydit;

Mattayo 2:10

Iidaah fugiga miing'weandida gang'weela ng'weelooda haw muuchi;

Mattayo 12:46

Damanda duu gabaloola sea buuneeda, hean ghwahidu ghaamwat sea orjooga ghaamwat ak ghamiinaada aba gidaghuuta nea gagasa goobalool.

Yohaana 19:39

Deagheata ghwahidu Nikodemeeda ghayi weah headaanyi eawa, ghwaan nea gweadu gharmucheanda siikuuyi weapkeanda ea hideeda ng'andit nea ghwanyiit deebajeanda ea dea agweena iyeenya.