Mattayo 19:16 - Bibliyeeda Ghaydit

¹⁶ Hean gabeesa Siyagi ak gwayeesha, “Giinealshoocheanda, gaydasin ana ng'ashaan miy iijeadanyas eaweega manda muudeanooda?”

NEAJEEDA EESH BEA BUUNEESSEAN

¹⁶ Hean gabeessa Siyagi ak gwayeeshsha, “Giinealshoochcheanda, gaydasin ana ng'ashaan miy ijadanyas eaweega manda mudeanooda?”

Mattayo 19:16 Referans Kwoze

Yuuda 1:21

afura geat aba jeeda bariinyeega ASEETA; nea ghoamuughu baydeayda Ng'utamiideanya was Yesu Gristo, ea ghwahita eaweega manda muudeanooda.

Yohaana 3:15

Abeeda siida jea ghamwas niny gayghwanyas eaweega manda muudeanooda.”

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

1 Yohaana 1:2

nea eaweega geanung' ghwadaajiit, ak geadaayi, ak geemuuwu, ak geerukuneegwa eaweega manda muudeanooda mida heeda Bwaabwa ak geanung' ghwadaajiit aba heedeanya–

Mattayo 25:46

Abeeda fiisu gaygaweay jeeda ghoorjooda manda muudeanooda, nea fugiga doobiiweadiin gaygaweay jeeda eaweega manda muudeanooda.”

Ditto 3:7

ak abeeda geegooneasa doobiiwnata aba dagheerjeanduumeadaanyi ak geararji hearanda eaweega manda muudeanooda.

1 Yohaana 2:25

Nea nih ea heeleeda ghayi rukuneasa gil, nea ea eaweega manda muudeanooda.

Ditto 1:2

Aba jeeda rarooda eaweega manda muudeanooda, aba heeda ASEETA moamu gwanaba ng'uyeega, sibean eeheeleesa gweanyeeka goola ghang'ata

1 Dimotteo 6:19

nea goodiiwsa geat haleanjeeda ghoah sindeeta miy aba damanda jea ghoan ak ghwanyas eaweega was gea huumwa.

1 Dimotteo 6:12

Ng'ucheena muuchi ng'ucheedida bea masaweegean, ang'waanya eaweegiga manda muudeanooda ghayi siguurnaneeyiin, ak gimuuwu muuwuunooda miy aba madeeda muushoodiga saang'a.

Gadiyeeda Giijasoodiga 16:30

hean gooruudu jarooda ak goobearsa nea gwayeesha, “Ea fuga Mureeda, ak gaydasin naaha iijea dalaalaan?”

Ruumi 5:21

gawuurji gidambalda riing'eeda miyeeda, gwasunu eara miyeenooda goombal doobiiwnata ak gweadu eaweega manda muudeanooda aba naweedida bea Yesu Gristoyda was Ng'utamiideanyean.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayi giigheambiita ea mureeda ea ng'asheega maygameewa, gayghoadaw eaweega manda muudeanooda;

Yohaana 12:25

Siida bwariiy eaweagaaschi gaygwalaku, nea siida sit eaweagaaschi aba badaydeaba ng'eanyiini gayghoaghu ea gagul eaweega manda muudeanooda.

Yohaana 10:28

aniini iissa ghaadawji eaweega manda muudeanooda, ak eara saawa ghanyea maygwarooda earahay ea ghoah eaweega manda muudeanooda, nea ghanyea manda siida ammu gageandeawa geatindeanyu.

Yohaana 6:68

Ghwasha Simon Betaro ak gwayeesha, “Ng'utamiida, ak gajeeweaya heedeabeang'a? Ang'iing'i gindeawi ng'asheega eaweega manda muudeanooda;

Yohaana 6:47

Aba huumwa, aba huumwa, geayeeshiineegwa, siida mwas gwandeawa eaweega manda muudeanooda.

Yohaana 5:39

Agooga goosikiideawi ng'ooruutka nea ghoaghanyi gili aba jeenyaawa goondeawi eaweega manda muudeanooda; ak ea dea muuwu ng'asheega badaydeanyu;

Yohaana 4:14

amaduuku siichea ghwali beega jea daadaw aniini mayghwaak muwoash earahay; aba gideaba beegiga jea daadawiin gayghoah aba jeadaanyi gheang'deenda nea goobeakbeaksa eaweega manda muudeanooda.”

Mattayo 19:29

Nea giliwas sih nung'usa heeda gheeda ghana orjeeda ghaamwat ghana haweega ghaamwat ghana ghwaan ghana ghaamwat ghana diibiga ghana madameega, aba badayda gheawungeasu, gayghwanyas niba bughala ak gwahearan eaweega manda muudeanooda.

DANIELI 12:2

Nea fuga saang'a lil aba jeeda sigeeda gayghang'eatng'eat ak ghwanyas eaweega manda muudeanooda, nea mwaatkwa ghwanyas baspaseega ea foolda maygamuudean.

1 Dimotteo 1:16

Ak aba seareeni ea naanyaschi baydeayda aba gideaba aniineani bea madeedean, ghoadaajiit Yesu Gristo milikghteaydaanyi sean, aba heedeanyu, nea ghaahuuyi siida iidu jea eeteaschi ak aba heeda fuga jea ghamwas ak ghwanyas eaweega manda muudeanooda.

Mattayo 19:26

Goong'weersa Yesu ak gwayeesha, “Ng'asheanji aba buuneeda ahang'waay, ak aba heeda ASEETA ea wusis.”

Mattayo 19:15

Ghwayiin geatingaaschi iheenga nyaawa, ak ghabeawa ng'eanyiita.