Mattayo 16:13 - Bibliyeeda Ghaydit

¹³ Muchu nea gawa Yesu ng'eanyiida Gaysariyayda Filipi, ghoanyaash giinealangaaschi nea gwayeesha, “Buuneeda gwayeena Orjeeda Siida ng'eaha?”

NEAJEEDA EESH BEA BUUNEESSEAN

¹³ Muchchu nea gawa Yeesu ng'eanyiida Gaysariyeeda Filippi, ghoanyaash giinealangaaschi nea gwayeeshsha, “Buuneeda gwayeena Balleanda Siida ng'eaha?”

Mattayo 16:13 Referans Kwoze

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

Yohaana 5:27

ak gabiissa ghoadaw gheambalmeeda jea goorgweaksiina buuneeda, aba gideaba niny Orjeeda Siida gil.

Mattayo 9:6

Geagasayi anala gideaba, Orjeeda Siida gwandeawa gheambalmeeda aba badayda ng'eanyiida jea gwasamsiina riing'eega”; ak gwayeesha siidida abitu damealgean, “Ng'eada, sareana muundaang'u ak guwi ghoah.”

Mattayo 13:37

Gwayeesha, “Siida hista histeanga miyaasiin Orjeeda Siida;

Mattayo 12:8

Aba gideaba Orjeeda Siida niny Ng'utamiida sabaatohi.”

Mattayo 8:20

Gwayeesha Yesu, “Fureayoonga gwandeawa shoomeanga, dariidaka gwandeawa ghoorajeega; nea Orjeeda Siida ea mandeawana heechea ghwayiin uhuudaanyi.”

Gadiyeeda Giijasoodiga 10:38

gidamwaarda ASEETA Yesuheeda Nasareti aba Guroorooda Ghaydit ea uurda; ea gidaneayeata nea gwasin ng'asheega miyaasiin nea ghoahaap buuneesean minighis meang'nyeandeendean, aba gideaba ASEETA gwandeayi sea niny.

Gadiyeeda Giijasoodiga 7:56

Ak gwayi, “Ang'ula, ghaadaayi humng'eeda nea ghwajaada, nea Orjeeda Siida ghamiinaada aba meatkweeda geatinda dugwa bea ASEETA.”

Yohaana 12:34

Hean ghwasha eemeeda ak gwayeesha, “Aseasa gwarukuneasa deaweeda gideaba Gristo gayghwashng'u eaweega manda muudeanooda. Abeeda ghoamuustiin gideaba gajayeena Orjeeda siida gajeetiing'da humng'eeda? Orjeeni bea siidean ng'eaha?”

Marko 10:45

Aba gideaba Orjeeda Siida ghayi moani eegadiyeesa. Ghayi ghoan niny gagadiiyeesa buuneeda nea ghoan gabeagu eaweagaaschi aba giitinooda fuga saang'a.”

Marko 8:38

Siida wassean aba seaygeani bea riing'eeda biissa ea meawala ASEETEAN, siida isinnean gheanyanga ea ng'asheegeasu, abeeda Orjeeda Siida gaygwasissa gheanyanga siidida, damanda jea ghoana nea nighaambiit ghwaan sea giijasoodiga ghaydidi bea humng'eeda.”

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.

Mattayo 15:21

Ghabeawa Yesu hoowa ak gawa meatkwajeega Diro ea Sidoni.

Mattayo 13:41

Orjeeda Siida gaygoojeagu malaykajeagaaschi, ak ghoawaam aba jeeda sugoocheanduumeadaanyi haleanjeeda sean eadu riing'eeda ea fuga sean sina ng'asheega munyas.

Mattayo 12:32

Amadu gicha siida jea gwarukuna ng'asheanda muy badayda Orjeeda Siida gajeesamsa, duuku siidida jea gwarugu ng'asheanda muy badayda Guroorooda Ghaydidiin, ea majeesamsa aba jeedeaba ng'eanyiini, ghana eara aba ng'eanyiita jea ghoahiiduunu.

Yohaana 3:14

Gawuurji gida ghayi atoasta Musa ichibooda aba dareapcheeda, gwasunu eara Orjeeda Siida gajeatoastunu.

Yohaana 1:51

Hean gwayeesha niny, “Aba huumwa, aba huumwa, geayeeshiineegwa, gajadaaha nea ghwajaada humng'eeda, ak gajadaaha malaykajeega ASEETA heeda mwascheeng'da suurja ghwararang'aan ghapka heeda Orjeeda Siida.”

Mattayo 12:40

Gawuurji gida abiideata Yona jeeda ghweayeanda haw eawooji samwagu eawa ea askweari nih gichea gawuurji Orjeeda Siida gaygoobiida jeesigeeda eawooji samwagu eawa ea askweari.

Mattayo 16:27

Aba gideaba Orjeeda Siida gayghoana giigheambiita Ghwaan nea goodeana malaykajeega ak abeeda gayghoadaw gilinyoo ea sihi gidageatindaanyi aba sinaweagaaschi.

Mattayo 16:28

Aba huumwa geayeeshiineegwa, gwanda hiji bea jeedeang'wean fuga maygameewa, ea eaghus ea nidaah Orjeeda Siida nea ghoana jeeda sugoocheanduumeadaanyi.”