Mattayo 15:4 - Bibliyeeda Ghaydit

⁴ Gwayi ASEETA; ‘Sissiina mureeda gweanu ea geamadu,’ nea ‘Siida ang'eawi ghwaan ghana ghaamwat ea deenuusa.’

NEAJEEDA EESH BEA BUUNEESSEAN

⁴ Gwayi Aseetta; ‘Sissiina mureeda gweanu ea geamadu,’ nea ‘Siida ang'eawi ghwaan ghana ghaamwat ea deenuusa.’

Mattayo 15:4 Referans Kwoze

RITEAYDA 20:12

“Sisiina mureeda gweanu ea geamadu, ak abeeda ghwasaang'ayiit eawoojigaagu aba jeeda ng'eanyiida goonyi NG'UTAMIIDA was ASEATAANG'U.

NG'ASHEEGA LAWI 20:9

Aba gideaba siida mwaashta ghwaan ghana ghaamwat gajeenuus; aba gideaba ghamwaashta ghwaan ghana ghaamwat, foojeandaanyi gaygwanda badaydaanyi.

RITEAYDA 21:17

“Siida inyas ghamwaashta ghwaan ghana ghaamwat abeeda siisi gajeenuus.

GIIPKEATA DIIGHEANDA 5:16

“‘Sisiina mureeda gweanu ea geamadu gawuurji gidarukuteayda NG'UTAMIIDA was ASEATAANG'U ak abeeda gayghoahaada eawoojigaagu, ak nea gaynyagaada aba ng'eanyiida goonyi NG'UTAMIIDA was ASEATAANG'U.

GHWASIILDEANGA 23:22

Aleeysiiniit gweanu ghayi jiilneey, nea adifooli geamadu iiwaasiit.

NG'ASHEEGA LAWI 19:3

Giliwas sih aba jeedeang'wa dasisiina mureeda ghaamwat ea ghwaan, nea ghoang'waanyi sabaatoheedeanyu: Aniini geawooschi NG'UTAMIIDA was ASEETEANG'WA.

Mattayo 19:19

Sissiina mureeda gweanu ea geamadu, ak gibwariiydi giischeewoocheandaang'u gidubwariiydi geaw.”

Efeeso 6:1

Diibiga, asisiina mureeda ghweanigeagwa ea gheamadigeagwa aba naweeda Ng'utamiida, aba gideaba ng'asheanji ghwadoabiiw.

GHWASIILDEANGA 20:20

Siida mwaashta ghwaan ghana ghaamwat, gheaboong'nyeandaanyi gaygamis aba jeeda misaneeda haw.

GIIPKEATA DIIGHEANDA 27:16

“‘Gagasa eamwaashta gilinyoo gafool ghwaan ea ghaamwat’. Ak gaygwayi buuneesean, ‘Amin’.

Ruumi 3:31

Abeeda gajeayamwa deaweeda aba masaweegiga? Manda! Iisiyam abeeda geemmajeekchi deaweeda.

GHWASIILDEANGA 30:17

Siida juuga ghwaan ak gafool nea mooleeysiiniit ghaamwat, gaygang'alu gheang'daanyi udaghuuyda jeeda moangoachi, ak ghwaak diibiga murgheata.

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

ISAYA 8:20

Aba giinealshooda ea muuwuunooda! Nea aba huumwa ng'asheanji ruguun ea manda muudeanooda.

Mattayo 15:3

Ghwasha nea gwayeesha, “Anda eara agooga iissa goofooli diigheanda ASEETA aba ng'asheegeagwa oang'waanyi?

Mattayo 15:5

Ak gooyeenyi agooga, ‘Siida iiyeesha ghwaan ghana ghaamwat, gidida gwachi jea dagoonyi, naadawji ASEETA.’