Mattayo 13:19 - Bibliyeeda Ghaydit

¹⁹ Siida wassean iiy ng'asheanda sugoocheanduumeeda ak ea mwanala, ghwahidu gidida muyiin ak ghoasealda gidida sihisa guroroadaanyiin.

NEAJEEDA EESH BEA BUUNEESSEAN

¹⁹ Siida wassean iiy ng'asheanda sugoochcheandumeeda ak ea mwanala, ghwahidu giitta muyiin ak ghoasealda gidida sihisa guroroadaannyiin.

Mattayo 13:19 Referans Kwoze

Mattayo 13:38

madamnyeandida ea ng'eanyiida gil, histeanga miyas orjooga sugoocheanduumeeda; nea moorookiga ea orjoogeaba diita muyiin.

Ebraniya 2:1

Asi gamiiseasa gideaba gajeeng'ula muuchi ng'asheega ghayi siyiinyi, ghana eesheagiidana.

1 Yohaana 5:18

Geanali gideaba giliwas Orjeeda ASEETA maygwasin riing'eeda, ak Orjeeda ASEETA gaygafurgeaw, ak eara diita muyiin ea mayghwasat.

Mattayo 4:23

Gwaneayeewa jeeda ng'eanyiida sean bea Galilaya, nea goonealshi aba jeeda ghoorajeega nyaawa siinealshacheewa, nea gwarukwiida giijasta miy bea sugoocheanduumeeda, nea ghoahaap geeyoonung'weaka sean ea sawanaduutka mideawa buuneeda.

1 Yohaana 3:12

ak ea adoowuurjeewi Gayni ghayi was siida muy ak gwanuus orjeeda ghaamwat. Ak ghwasaan inyas gwanuus? Gweagu searoojigaaschi munyas nea orjeeda ghaamwat ea doabiiwaat.

Ruumi 1:28

Hean nea ghwadaah gideaba mwahida gideaba gayghamwas ASEETA, ghwanung'waada ASEETA gwasin searoojiga munyas gasa fugheerga nyaawa.

2 Desaloniikke 2:12

ak abeeda geergweaksa sean giika mamwasa huumeandean ak goohoosan geat aba jeeda ng'asheega munyasiin.

Ruumi 14:17

Aba gideaba gheambalmeeda ASEETA mii agiischooda gil ea leeshooda, ada doobiiwnata gil ea hoyyoo ea hooseaneega aba jeeda Guroorooda Ghaydit;

Ruumi 2:8

nea fugiga aheakiida suurjeaniin biissa ea moawala ng'asheega huumwaan, nea gwasiniisa mureeda ng'asheega munyas, gay ghwanyas nyarasta ea gharbeeda.

Gadiyeeda Giijasoodiga 28:23

Iing'ata nea niheeleesa eaweeda jea gwaroonyeewa, gaweesa fuga saang'a eanyasa gheeda abiita. Gwarukusa nea gweasa geaw ghang'eada sakteayda ea ghoah shing'ada muuwuunooda ng'asheega sugoocheanduumeeda ASEETA, nea ghaghurghur aba ng'asheega Yesu, aba deaweedeeda ghayi bea Musa ea dea sibanga.

Gadiyeeda Giijasoodiga 20:25

Asi ghamneawa, ng'ula, aniini ghaanaaleegwa oogasean nea geaneayeewi jeedeang'wa nea geerukwiidi giijasta sugoocheanduumeeda ak ea manda siida jea gudughwadaah gheamamdeanyu.

Gadiyeeda Giijasoodiga 18:15

ama sighus ng'asheega sheang'nyeeda bea ng'asheega ea gheawunga deaweedeedeang'wa, adaaha agooga nea goobeayi geat; aniini ghaaheawi doaw siichea goorgweakiisa ng'asheesu.”

Gadiyeeda Giijasoodiga 17:32

Siyiiy iita ng'asheega duunooda miyeeda, hean gwajuuga mwaatkwa; nea mwaatkwa gwayeesha, “Geegasayi eeleeysiiniit gicha ng'asheanji.

Yohaana 18:38

Gwayeesha Bilato niny, “Huumeanda naaha gil?” Iing'ata rukunoodeaba ng'asheesu gabiikta gicha heeda fuga Yahudi mida jarooda ak gwayeesha, “Aniini mwaadaahi giidiinyeandeaba siisi.

Yohaana 8:43

Ghwasaan agooga anda moanali gideargu? Nih gweagu gideaba moamuusi ooleeysiina iit ng'asheandeanyu.

Lukka 10:9

oahaabwa fuga miyean mida jeedida nea goorukusi fugiga gideaba, ‘Sugoocheanduumeeda ASEETA nineekiiseegwa.’

Lukka 9:2

Goojeakta gaweay gwarukwiida sugoocheanduumeeda ASEETA, nea ghoahaap fuga miyeani.

Marko 4:15

Boogiga abitpisa ghuuta naweedean fugiga iiy ng'asheanda deagheata ghwahidu Shataani ak gageandeawa jeesinga nyaawa.

Mattayo 5:37

Nea ng'asheegeagwa ghoanung' ghoah ‘Ea’ ghana ‘Manda’; gili wassean nyooh ghwanaawda gwaleabu heedeaba diita muyiin.

GHWASIILDEANGA 17:16

Gaygaba naaha lapiyeeda siida dasha jea gwandeawa aba geatingaaschi ak ghwashaaha weaghuumeeda nea niny ea mandeawana fughareeda?

GHWASIILDEANGA 1:7

Gheawalmeeda NG'UTAMIIDA heeda ng'eada fughareeda gil, ak fuga dasheahi gafool weaghuumeeda ea mureeda.

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

ESEKIELI 31:18

Aba miyinda ea hawundeada geedi manda geeta, manda geeta wassean jea eegala aba jeeda boostaaneeda Edeni. Asi geedi ang'iing'i gil Farao was sugoocheanda, ang'iing'i gajeejakseey ng'eanyi heeda fuga nimeewa sea geediga Edeni. Gajeayiinyi heeda fuga mwanala ASEETA sea giika sibwara ng'utean. “Nih gichea uurjeewana Ea Farao, ang'iing'i ea fugaagu, gwarugu NG'UTAMIIDA was ASEETA.”

Mattayo 12:26

Shataani iihoan Shataani, abeeda gang'uchi geaw. Abeeda sugoocheanduumeadaanyi gayghamiinaadaydaan?

Mattayo 13:20

Nea dea sihisa jeeda harearatkean ea siidida iiy ng'asheandideaniin gil ama deagheata ghoang'waay nea gang'weela.