Mattayo 13:14 - Bibliyeeda Ghaydit

¹⁴ Aba heanyaawa gwasa ng'asheanda rugu sibaneeda siyi Isaya nea gwayi: ‘Iing'da gajayiinya, ak ea majanala, giing'weerdeayda gajoang'wearda, ak ea mwajadaaha.

NEAJEEDA EESH BEA BUUNEESSEAN

¹⁴ Aba heannyaawa gwasa ng'asheanda rugu sibaneeda siyi Isaaya nea gwayi: ‘Iing'da gajayiinya, ak ea mwajanala, ging'weerdeayda gajoang'ng'wearda, ak ea mwajadaaha.

Mattayo 13:14 Referans Kwoze

ESEKIELI 12:2

“Ea orjeeda siida ang'iing'i giibiidi bugusta fuga was heeheeweega, fuga mideawa gheanyanga jea ghoang'weardaawa, ak ea mwadaaha, gwandeawa iidiga jea gwayiing'sheewa ak ea mayiing'shi. Aba gideaba fuga nung'usean heeda gil.

2 Goriinto 3:14

Iidu fugheerga nyaawa geanung' gahang'oonyiidi; aba gideaba eara askweareani damanda siisoamwana neajeedeaba garayi, gili siikwealiisa uhuudean gudugwanda heeda, geaghus eegeanda iiguuyi siida sea Gristo.

Lukka 8:10

gwayeesha, “Agoogeeni simeayneegwa makcheameeda sugoocheanduumeeda ASEETA; nea aba fih suuk geaghus eegala geat, aba gideaba eara iyang'wearda ea mayghwadaah, ama eara iiyiiy ea mayghwanal gidawas.

Marko 4:12

Ghoaw ramoraneeda ghayi sirukuta bea gideaba, fiisu gayghoang'wearda muuchi, ak ea mayghwadaah gil. Iidiga nyaawa gaygwayiing'shi muuchi, ak ea manda gili jea gwajeeng'u. Ghang'wana gwachi gwayamsa geat ASEETA ak gwasamsa riing'eega nyaawa.”

GIIPKEATA DIIGHEANDA 29:4

ak askweareani NG'UTAMIIDA maygagoonyi fughareeda jea nalana, ghana gheanyanga jea ang'weardaawana, ghana iidiga jea iinyana.

YEREMIYA 5:21

“Oaleaydiit ea fuga dasheahi nea manda fughareenga, fuga mideawa gheanyanga, nea mwadaaha gil, mideawa iidiga, nea mayiing'shi.

Ruumi 10:16

Iidu ea moang'waanya buuneesean giijastida miyiin; aba gideaba gwayi Isaya, “Ng'utamiida ng'eaha siida mwas iita siitawji?”