Mattayo 13:11 - Bibliyeeda Ghaydit

¹¹ Ghwasha nea gwayeesha saawa, “Agooga sigooneegwa nalooda makcheameeda sugoocheanduumeeda humng'eeda, nea saawa ea miyeataw.

NEAJEEDA EESH BEA BUUNEESSEAN

¹¹ Ghwasha nea gwayeeshsha saawa, “Agooga sugooneegwa nalooda makcheameeda sugoochcheandumeeda humng'eeda, nea saawa ea miyeattaw.

Mattayo 13:11 Referans Kwoze

1 Goriinto 2:14

Siida maba guroorooda mayghwanyas gida jea ghoadaw Guroorooda ASEETA, aba gideaba aba headaanyi leendeeda gil, ak ea mayghwanal aba gideaba geaghus eanal aba jeeda guroorooda.

Mattayo 19:11

Hean gwayeesha saawa, “Moamu buuneesean ghoang'waay ng'asheanji, geaghus fugiga adaw ASEETEAN.

Yakkobo 1:5

Asi siida wassean mida jeedeang'wa iisuunyeewa weaghuumeeda, ea damwaash ASEETA, adawi buuneesean haleanjeeda aba inyeanda jeeda, nea maygwareekusa ak gajeataw.

1 Yohaana 2:27

nea giimearda ghayi oanyaschi aba headaanyiin gwanda jeesingeagwa, ak ghanyea moogassi ghoanaaleagwa sih; aba gideaba giimeardida ghoanaaleagwa haleanjeeda sean, ak ea huumwa, ak ea manda ng'uyeega, gawuurji gidaghayi anaaldaneegwa, oopiidana jeadaanyi.

1 Yohaana 2:20

Ak agooga ea nimwaareagwa dea ghaydit, ak ghoanali oogasean.

Mattayo 16:17

Ghwasha Yesu nea gwayeesha niny, “Ging'wani ang'iing'i, Simoneeda Bar-Yona! Aba gideaba ng'asheanji moadaajiida saseeda ea foojeanda nih ghoahiimneey Bwaabeeda mida humng'eeda.

Efeeso 1:9

Aba gideaba nideajiineasa aba weaghuumeeda sean ea makcheameeda funyaat bea gidida gasean, aba gidida bada aba badayda Gristo was gidagasa iihita damandean,

ISAYA 35:8

Nea aba jeedida gaygwanda naweeda bareanda, ak gajeeguura “Naweeda ghaydit;” ak fuga riing'eega ea maygwasik naweedida, geaghus fuga ASEETA, ak eara fuga dasheahi, maygwarooda aba naweedida.

Efeeso 5:32

Makcheameeni funyaadiin aahaw ak aniini geabalooli badayda Gristo ea ganiisa;

Ruumi 16:25

Asi ghamneawa siidida ammu goomajeegeegwean, aba giteascheata sea giijasteanyu miy ea gissirukwiideayda Yesu Gristo, ak gwadeaschi sea giidaheachta makcheameedida ghayi funyaat ng'eada deaghayi bea garayiin,

Lukka 8:10

gwayeesha, “Agoogeeni simeayneegwa makcheameeda sugoocheanduumeeda ASEETA; nea aba fih suuk geaghus eegala geat, aba gideaba eara iyang'wearda ea mayghwadaah, ama eara iiyiiy ea mayghwanal gidawas.

1 Goriinto 15:51

Asi ng'ula gearukuneegwa agooga makcheameeda. Aseasa majeemeewa sean, ak gajeayameasa eesa sean,

1 Goriinto 2:7

Ak geerugu makcheameedida ea weaghuumeedida funyaat bea ASEETEAN, ghayi nung' ASEETA ghoah diigheanda aba mwadi aba giigheambiiteanyean.

Yohaana 6:65

Hean ng'ata gwayi, “Nih gidearukuneegwa gideaba manda siida jea ghoamu ghwaan heedeanyu iimwanung' Bwaabwa ghwaan.”

1 Dimotteo 3:9

Ak saawa gammiisa gideaba goomajeek masaweega aba jeeda miy.

1 Goriinto 13:2

Nea eara dandeawa uurda sibaneanduumeeda, ak ghaanali makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawoosi gil.

Marko 4:11

Ghwalamda Yesu ak gwayeesha, “Agoogeeni ghamneawa simeayneegwa makcheameeda Gheambalmeeda ASEETA. Ama sinung' fugiga manda jeedeaba gheambalmeeniin, saawa ng'asheega iijea eerukwiisa geaghus eegala geat.

Golosaayi 2:2

abeeda geemajeek gurooruunatka nyaawa, nea gaguuyi aba bariinyeega, ak ghwanyas meanang'oocheanduumeeda sean bea huumwa, ak ghwanal makcheameedida bea ASEETA was Gristohiin,

Efeeso 6:19

ak gwasunu eara aba heedeanyu, ak abeeda ghaamuuschi darukuta iyaajaachi ghuuteanyu ak gearukuti makcheameeda funyaat bea giijasta miy,

1 Goriinto 4:7

Ghwadaa ng'eaha gida wasean sajaadawaat aba jeedeang'wa? Ak goondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili meegooneegwa?

1 Goriinto 4:1

Nih gidagasa ghwadaaktaneasa siida gil, gideaba geewooschi soomjooga Gristo ea fuga siiteaga gadiyeeda funyaat bea ASEETA.

Yohaana 7:17

siida bwariiy gwasin gida bwariiy niny, gayghwanal giinealshooni ea gwaleabu heeda ASEETA ghana gideaba gearuku aba gheambalmeedeanyu.

NYIIGHEEGA 25:14

Duupcheeda NG'UTAMIIDA gwanda heeda fuga awali gheang'da, ak gayghwanung' ghwanal saawa neajeadaanyi.

1 Dimotteo 3:16

Ak ea huumwa gil gideaba makcheameeda badita ASEETA aahaw. ASEETA geetaajiit aba saseeda Ak doobiiwnataanyi ghoahiimu Guroorooda Ak ghwadaah giijasoocheanda humng'eeda Ak geerukwiida iitaanyi aba jeeda eemoojiga, Ak geamwas aba jeeda ng'eanyiida, Ak geeyaat humng'eeda heeda ghaambiidaat.

Efeeso 1:18

Gheanyanga mida jeesingeagwa gagasa eayeat, ak ghoanali rarooda gidaguurdeaydaneegwa giduurji, ea meanang'oocheanduumeadaanyi ea giigheambiita hearaniischoadaanyi aba heeda fuga ghaydidi,

ISAYA 29:10

Aba gideaba NG'UTAMIIDA niidearseegwa guroorooda ruweanga, ak ea nidukuta gheanyangeagwa was gheanyanga sibanga, ak ea nidukuta iheengeagwa was iheenga fuga deaha ng'asheega.

Gadiyeeda Giijasoodiga 16:14

Abeeda gwanda gatmoanagi aleeyseasa iit siguura Lidiya, leabu mujiineeda Diyatira, nea gwasheahiida hang'weaka oomng'i, haw sheayeat ak gabada ASEETA. Hean ghwajaat Ng'utamiida gurooroadaanyi gooleeysiit muuchi ng'asheega rugu Bawlo.

ISAYA 29:11

Ak gilisiihiimu aba badaydeaba ng'asheesu seaniin gawuurji giijasta sing'oorsa jeeda gitaabooda sirat aba giirooraneeda. Ama iyeasi siida was sean nal giisoomanda ak giyeeshi, “Asoamwana gitaabwajeanji,” gaygwayi, “Maydaamu daasoamwa aba gideaba sirat aba giirooraneeda.”

Mattayo 13:10

Ghapka headaanyi giinealanga ak gwayeesha, “Ghwasaan anda gibalooli saawa nea gigali geat ng'asheega?”

Mattayo 20:23

Gwayeesha Yesu, “Sawanadeedeanyu gajoomilikghteaysiina, ama duuku giipteadayda geatindeanyu bea dugwa ea geatindeanyu ghaadaam, meandeawani uurda jea dagoona, geaghus eataw fuga ghayi nibay gwararsa Bwaabwa.”

Marko 10:40

Ak gajea ng'eaha siida jea goobiida meatkweedeanyu bea geatinda dugwa, ghana meatkweedeanyu bea geatinda ghaadaam. Nih mii gadiyeedeanyu jea dasin gil, geaghus eataw fuga ghayi bay gwararsa ASEETA.”

Ruumi 11:25

Asi awoosa milmili aba ghwarjeedeang'wa, geagasayi anala gili funyaadiin, fuga eaduupcheewi: nihidu hang'ooynata badahuuka fuga Israeli, ea ghwahita mooneeda Eemoojiga hidu.