Mattayo 12:18 - Bibliyeeda Ghaydit

¹⁸ “Ng'ula siideanyu bea gadiyeeda aaloachi, aabwariinyi nea iissa ghwanung' gahoosan jeedeanyu. Gaydayiin guroroodeanyu badaydaanyi, nea gaygwarukwiida girgweageedeanyu aba jeeda Eemoojiga.

NEAJEEDA EESH BEA BUUNEESSEAN

¹⁸ “Ng'ulla siideanyu bea gadiyeeda aloachchi, abwariinyi nea iissa ghwanung'u gahoosan jeedeanyu. Gaydayiin guroroodeanyu badaydaannyi, nea gaygwarukkwiida girgweageedeanyu aba jeeda Emoojiga.

Mattayo 12:18 Referans Kwoze

ISAYA 42:1

Ng'ula, siideanyu bea gadiyeeda aaloachi ak ghaadawji uurda, ak ghwanung' gahoosan gurooroodeanyu, ak ea naayiinyi gurooroodeanyu jeadaanyi ak niny gaygoorgweaksa eemoojiga girgweageeda doabiiwaat.

Lukka 4:18

“Guroorooda Ng'utamiida gwanda badaydeanyu, aba gideaba nimwaaran dawa darukwiisa fuga barbari Giijasta Miy. Goojeaknean darukusa fuga mida ghealooniga siksiinda nyaawa nea fuga ng'oowi gayghoang'wearda, ak goojeaknean dalealu fuga sighabwas,

Gadiyeeda Giijasoodiga 10:38

gidamwaarda ASEETA Yesuheeda Nasareti aba Guroorooda Ghaydit ea uurda; ea gidaneayeata nea gwasin ng'asheega miyaasiin nea ghoahaap buuneesean minighis meang'nyeandeendean, aba gideaba ASEETA gwandeayi sea niny.

Yohaana 3:34

Aba gideaba siida ghayi ajeagu ASEETA iissa gabaloola ng'asheega ASEETA ak ghoadaw guroorooda nea moodeena;

1 Betro 2:4

Beenni headaanyi, ninyeeda was lagheaneeda mideawa eaweega, ghayi heawa buuneeda ak aba heeda ASEETA ea siloat ak gaba sheayeeda haw;

ISAYA 52:13

Ng'ula, siideanyu bea gadiyeeda gaygwasin nea ghwanyagaada, gajeakghaambiit nea geegatgat eekeal humng'eeda, ak gaygwanda humng'eeda muuchi.

ISAYA 11:2

Ak gaygoobiida guroorooda NG'UTAMIIDA badaydaanyi, guroorooda weaghuumeeda ea fughareeda, ea guroorooda baloolda ea dea uurda, ea guroorooda fughareeda ea gheawalmeeda NG'UTAMIIDA.

2 Betro 1:17

Nea aba damanda nyasa mureeda ea giigheambiita aba heeda ASEETA was Bwaabwa ak ghwanya ghuuta leabu heeda dea mideawa uurda giigheambiita, “Nih Orjeedeanyu aabwariinyi, ahoosanani muuchi,”

Golosaayi 1:13

Ak niny gwalealnaneasa jeeda uurda misanuumeeda ak goobaleegeasa ea ghwadeasa jeeda sugoocheanduumeeda Orjeedaanyi bwariiy,

Golosaayi 1:1

Bawlo was giijasoocheanda Gristo Yesu aba gidagasiida ASEETA, ea Dimoteo orjeeda iya.

Efeeso 1:6

aba duumsheesiinda giigheambiita dagheerjeanduumeeda gooneasa mwadaagha aba naweeda Orjeedaanyi bwariiy.

Gadiyeeda Giijasoodiga 14:27

Iidu nea ghwahita, geebwadageat ganiisa ak geerukusa ng'asheega sean nisissa ASEETA saawa, ea gidanijaata ASEETA gidaghuuta masaweega aba heeda fuga Eemoojiga.

Gadiyeeda Giijasoodiga 11:18

Iidu nea ghwayiiy ng'asheesu ghwasiinda. Ng'ata geakghambiit ASEETA nea geeyi, “ASEETA niidaw eara Eemoojiga gheata duukuunooda ak ghwanyas eaweega.”

Lukka 23:35

Ghamiinaada buuneeda nea geeng'ula, nea fugiga ahaaghwa ng'eanyiidean gang'ula nea gwashika nea gwayeena, “Gwalealu suurja, asi dalealna geaw, iiwas Gristoyda ASEETA loat niny!”

Lukka 9:35

Ghwanya ghuuta nyaasha jeeda shamooghooda, nea gwayi, “Nih Orjeedeanyu aaloachi, ooleeysiiniit niny.”

Lukka 3:22

ak gwashuubeesa uhuudaanyi Guroorooda Ghaydit nea gawuurji ghariibajeanda, ak ghwanya ghuuta nyaasha humng'eeda nea gwayi, “Ang'iing'i guwoosi Orjeedeanyu aabwariinyi; gwadan jeedeanyu.”

Marko 9:7

Miighoah gil ea nihoonu shamooghooda ak gwadukuta. Ghwanya ghuuta Siida nyaasha jeeda shamooghooda nea gwayi, “Nih Jeepteanyu aabwariinyi ooleeysiiniit.”

Marko 1:11

Ghwanya ghuuta nyaasha humng'eeda nea gwayi, “Ang'iing'i guwoosi Orjeedeanyu aabwariinyi; gwadan jeedeanyu.”

Mattayo 17:5

Damani duu gabaloolean deagheata ghwahidu shamooghooda eesh ak gwadukuta, ak ghwanyaasha ghuuta jeeda shamooghooda nea gwayi, “Nih Orjeedeanyu aabwariinyi ahoosanani, ooleeysiina iit niny.”

SAKARIYA 3:8

Aleaydiit ghamneawa Ea Yoshuwa ashoohoocheanda haw, ang'iing'i ea fugaagu irooroocheewi mida madeadaang'u aba gideaba suh fuga was gwadeagooda miyas gil aba gideaba ng'ula gaydeadu siideanyu bea gadiyeeda siguura Damealeanda.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

ISAYA 62:2

Ak eemoojiga gayghwadaah doobiiwnataang'u, nea sugoodiga sean ghwadaah giigheambiitaang'u. Ak gajeeng'aneey gheawunga eeshish, gheawunga jea gang'aneey NG'UTAMIIDA.

ISAYA 53:11

ak gayghwadaah haghweega sawanadeeda saseadaanyi, ak ghamwas; aba fughareeda siideanyu bea gadiyeeda doabiiwaat, gayghwanung' ghoah gea saang'a gea doobiiweadi, nea ghwasar giidiinyeanyeeka nyaawa.

NYIIGHEEGA 89:19

Ak ghoah gidirukusiini fugaagu ghaydidi aba giirgweatka nea giyeeshi, “Naayiinyi shiipka uhuuda siida asagi mideawa uurda, naanung' ghaghaambiit siida siloat aba bugusta buuneeda.

Mattayo 12:17

Abeeda gwasa gida ghayi rugu sibaneeda siguura Isaya nea gwayi: