Mattayo 11:18 - Bibliyeeda Ghaydit

¹⁸ Aba gideaba ghwahidu Yohana ak ea meagiischi nea mwali gil, ak gwayi, ‘Gwandeawa meangeenda’;

NEAJEEDA EESH BEA BUUNEESSEAN

¹⁸ Aba gideaba ghwahidu Yohaana ak ea meagiischi nea mwali gil, ak gwayi, ‘Gwandeawa meangeenda;’

Mattayo 11:18 Referans Kwoze

Lukka 1:15

aba gideaba gaygwaheedu aba madeeda Ng'utamiida, Mayghwali difaayi ghana gichea gooboogit, ak gajeanyiit Guroorooda Ghaydit, ghang'eada jeeda ghaamwat.

Mattayo 3:4

Nea abeeda Yohana gookweali eaghwada sisna buudeega ngamiya nea gwaratiisa manandaanyi ghealooda; nea hamitaanyi ea deashamga gil ea maleeda dareabeeta.

Yohaana 10:20

Gwayi fuga saang'a aba jeenyaawa, “Siisi gabearji meangeenda, ak ghabwada nih gaba geas; ghwasaan anda gooleeysiit?”

Yohaana 8:48

Ghwasha fuga Yahudi nea gwayeesha, “Neada ea meatoabiiwi rukunooda gideaba guwoosi siida Samariya, ak gibwadi gideaba gindeawi meangeenda?”

Yohaana 7:20

Hean ghwasha buuneeda nea gwayeesha, “Gindeawi meangeenda! Gagaseadayi ng'eaha gwanuusnyi?”

Mattayo 10:25

Ghwahit iiwuurji giinealaneeda sea giinealshoocheandaanyi, ak gawuurji soomjeanda sea siidaanyi haw bea gadiyeeda. Abeeda iisiguura siida bea gheeda Beelsebuli, heapi abeeda ea maygwasissa ng'asheega munyas muuchi fuga mida jeedeaba gheanyi.

HOSEYA 9:7

Eawoojiga girgweaksiinda nihidu, eawoojiga jea eawala nupka; Israeli gayghwanal ng'asheesu. Sibaneeda aadasha, siida guroorooda gaba geas, aba munyindeang'wa haw ea sicheeda haw.

YEREMIYA 15:17

Aniini miideapteada sea fuga mida jeeda miyeenooda, nea ea mii dahoosan sea saawa; geapteadi nea geabea geaw, aba gideaba gwanda geatindaang'u uhuudeanyu, aba gideaba ninyiidan nyarastaang'u.

1 Goriinto 9:27

aba sareani geasawanyi saseedeanyu nea geagadiiyi, ak ea mwaahuuwi siida rukwiisa giijasta buuneeda suurja, amadu ghaahuuyi aniini siida jea eaheawa.

Gadiyeeda Giijasoodiga 26:24

Aba damani weada geaw Bawlo aba balooldean, hean ghang'eat Festo ak goojuur nea gwayeesha, “Bawlo, ang'iing'i gibwaageas, giisoomani itaang'u hawiin ning'ulnyi geeska.

YEREMIYA 29:26

‘Ang'iing'i ninung' NG'UTAMIIDA una hoorgeeda ashoohoocheanda siguura Yehoyada, ak ghwanung' miineadaysiina gheeda NG'UTAMIIDA ak gilinyoo gaba geaw iiramoaran, gajang'waanya ak giradayi aba ghealooniga ea munyaloalajeega.

2 SUGOODIGA 9:11

Iidu gabiikta Yehu heeda fuga gadiyeeda siidaanyi haw. Ghwalamda siyagi ak ghoanyaash nea gwayeesha, “Giyeani seayu? Rageananeedida gagasa naaha aba headaang'u?” Ghwalamda niny ak gwayeesha, “Agooga ghoanali gidagasa.”

Mattayo 9:34

Nea Farisaayajeega saawa gwayeena, “Gooruuta meangeenda aba uurda dea haweewa meangeenda.”

Mattayo 11:17

‘Geang'waschi, ak ea moang'wasi; geeyeawdi, ak ea mooyeawdani.’

Marko 3:22

Nea Giinealshoodiga diineeda Yahudi leabu Yerusalemu, saawa gwayi Yesu, “Gwandeawa Beelsebuli! Ak ghahoan meangeenda aba uurda meang'nyeandeenda haw.”

Yohaana 8:52

Hean gwayeesha fuga Yahudi niny, “Asi ghamneawa sinali gideaba ang'iing'i gindeawi meangeenda. Abrahamu ghami ak eara sibanga, ak ghamneawa giyeeni, ‘Siida ang'waay ng'asheandeanyu maygwasamu miyeeda earahay.’