Mattayo 11:11 - Bibliyeeda Ghaydit

¹¹ Aba huumwa geayeeshiineegwa, manda siida wassean aba gea jih gadeemga dea haweewa Yohaneeda Abaatiisachi eara siidida siyi ea mwanang'eawa sean aba jeeda sugoocheanduumeeda humng'eedean eahaweewa niny.

NEAJEEDA EESH BEA BUUNEESSEAN

¹¹ Aba huumwa geayeeshshineegwa, manda siida wassean aba gea jii gadeemga dea haweewa Yohaaneeda Abattiisachchi eara siitta siyi amwanang'eawa sean aba jeeda sugoochcheandumeeda humng'eedean ahaweewa niny.

Mattayo 11:11 Referans Kwoze

Lukka 7:28

Asi geayeeshiineegwa aba jeeda diibiga jih gadeemga manda dea haweewa Yohana; ak eara gwasa siida mwanang' muuchi aba jeeda sugoocheanduumeeda ASEETA eahaweewa niny.”

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,

Yohaana 1:15

(Yohana gamuuwu iitaanyi, ak goojuur, “Nih dea ghayi earuku nea geayi, ‘Nih dea ghayi eayeenyi gay gweadu geeshteanyu ak ea haweewaneani aba gideaba gwanda madeedeanyu.’”)

Mattayo 5:19

Asi siida wassean jea ghwalach diigheanjagi mwanang'eawa sean, aba jeedeaba diigheanyeeksu ak ghoanaaldunu buuneeda, gajeeguura dea mwanang' muuchi aba jeeda sugoocheanduumeeda humng'eeda; amadu siidida jea gwasin nea ghoanaal suurjeaniin, nih gajeeguura dea haw aba jeeda sugoocheanduumeeda humng'eeda.

Mattayo 3:11

“Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta.

Lukka 9:48

ak gwayeesha saawa, “Siida deaptaawa gheawungeasu baleanda uurji nih ghwadeaptanaan aniini, nea siida deaptanaan aniini ghwadeapta siida ghayi ajeaknean; aba gideaba siida mwanang'eewaneegwa oogasean ea haweewaneegwa oogasean.”

1 Betro 1:10

Sibanga ghayi ramoaran dagheerjeanduumeeda jea ghoah deang'wa gagaseadayi nea goonyeariida iiteaba lealeanoani;

Ebraniya 11:40

iidu nea nibada ASEETA gidamiy aba badahuukaasa, iidu iisiheeleewi ghanyea maygamajeekcheewiidi.

1 Goriinto 15:9

Aba gideaba aniini geawooschi mwanang'eawa giijasoodiga, biissa ea mamiisean gideaba gajeeguureewean giijasoocheanda, aba gideaba ghayi naaghabwaschi ganiiseeda ASEETA.

1 Goriinto 6:4

Asi iyoondeawi girgweaguutka sunu, ghwasaan inyas ghoayiinyi madeeda fuga meawala gheanyanga aba jeeda ganiisa?

Yohaana 10:41

Gaweay fuga saang'a headaanyi ak geeyeesha, “Yohana miigwasin gwadeagooda, duuku ng'asheega sean ghayi rugu aba badaydeaba siisi ea huumwa gil.”

Yohaana 3:30

Gammiisa niny gideaba gajea ghaloamwaat ak ea meawoosi aniini ghaloamwaat.”

NYIIGHEEGA 51:5

Ng'ula, aniini geejiilsean jeeda munyinda, ak aniini geejiilan nea geabay daba riing'a ak ghwarat iyya aba jeeda riing'eeda.

AYUBU 15:14

Siida naaha gil bwak ea ghamiidu? Ghana diita jiilu gatmoodean, bwak ea ghwadoabiiw?

AYUBU 14:4

Ng'eaha gil jea ghoamu gooruudu gidamiy aba jeeda gidamuy? Manda dea jea ghoamu.

AYUBU 14:1

“Siida jiilu gatmooda, eawoojigaaschi ea ng'ay ak aasaang'a sawanaduutka.

Yohaana 5:35

Niny ghayi gheaboong'nyeanda yeat ak ghoabwaay gil, amadu ghoabwariinyi agooga weeshindaanyi gil nuwaas.

Yohaana 1:27

siisi gaygamaseawnean, ak aniini ea mamiisean deatineada deanga geakaaschi.”

SAKARIYA 12:8

Ak eaweedida gayghwayiin NG'UTAMIIDA igeambooda iheenga fuga mida Yerusalemu. Nea dea ng'arng'ari aba bugusta nyaawa, gaygawuurji Dawdi eaweecheanji, nea gheeh Dawdi eaweecheanji gaygawuurji ASEETA. Nea gawuurji malaykajeanda NG'UTAMIIDA aba madeanyaawa. Abeeda eaweecheanji gaydanung' goosha eemoojiga sean, jea ghapka gang'uchi sea fuga Yerusalemu.

Yohaana 7:39

Gwarugu ng'asheesu aba badayda Guroorooda, jea ghwanyas fugiga jea ghamwas ninyiin; damandida Guroorooda mii ghwaan aba gideaba damandida Yesu miyeekghaambiit.

ISAYA 30:26

Ak weeshinda sheeda gaygawuurji dea daknooda, nea daknooda ghoahaada niba ispwa, gawuurji daknoomba eawooji ispwa. Ak ng'asheesu gaygapnu eaweeda jea ghoahaabwa NG'UTAMIIDA deaneaduutka fugaaschi nea ghwarat.

AYUBU 25:4

Asi siida gajea doabiiwaataan aba madeeda ASEETA? Ak gayghoamuustaan gideaba gayghamiidu siida jih gatmooda?

1 SAMWELI 2:30

Ng'ata gwayi NG'UTAMIIDA was ASEETA Israeli: ‘Aniini gearugu gideaba gheang'u ea ghaheang'wa gayghapka nea gaweay aba madeedeanyu damanda manda muudeanooda’; ak ghamneawa gwayi NG'UTAMIIDA: ‘Gagasa gwasheagiidanean ng'asheanji; aba gideaba fuga sinnean mureeda gaydasissa, nea fugiga foolaniin gaydafool.

Efeeso 2:3

Aba suh ghayi eara aseasa siipiidi eesa sean jeeda haleanjeeda gasa sasanuukaasa, nea geayaachi geeshta haleanjeeda gasa saseeda ea uhuuda, nea geebean eewoosa diibiga nyarasta, ak geewuurjeewi fuga mwaatkwa.

2 Dimoteo 1:10

Ak ghamneawa dagheerjeanduumeani geataajiit aba hinnooda lealnoocheandeanya was Gristo Yesu Niny nijoar miyeeda, ak ghwadaajiit eaweega mayghwadatasa aba giijasta miy,

Lukka 1:15

aba gideaba gaygwaheedu aba madeeda Ng'utamiida, Mayghwali difaayi ghana gichea gooboogit, ak gajeanyiit Guroorooda Ghaydit, ghang'eada jeeda ghaamwat.

Mattayo 3:1

Askwearjoojigiga ghwahidu Yohaneeda Abaatiisachi, ak gwarukwiida ng'asheega ASEETA aba dareapcheeda Yudeya, nea gwayeeniisa;

Mattayo 11:10

Nih siida sing'oorsa ng'asheesuun gil, ‘Ng'ula aniini geajeagu giijasoocheandeanyu madeeda gheanyangaagu, jea gwasineey naweadaang'u aba madeadaang'u.’

Mattayo 11:12

Ghang'eada askwearjoojiga Yohaneeda Abaatiisachi ea gagul ghamneawa sugoocheanduumeeda humng'eeda sibwasay, nea fuga bwasay gageanda aba uurda.