Mattayo 10:7 - Bibliyeeda Ghaydit

⁷ Aba jeeda neayeedeang'wa arukwiida gideaba, ‘Sugoocheanduumeeda humng'eeda nineekiit.’

NEAJEEDA EESH BEA BUUNEESSEAN

⁷ Aba jeeda neayeedeang'wa arukkwiida gideaba, ‘Sugoochcheandumeeda humng'eeda nineekkiit.’

Mattayo 10:7 Referans Kwoze

Gadiyeeda Giijasoodiga 28:31

gwarukwiida sugoocheanduumeeda ASEETA nea gooneali ng'asheega badayda Ng'utamiida was Yesu Gristo ng'asheesu gwasin aba eeshpwara nea manda siisi adeal.

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

Lukka 9:60

Gwayeesha niny, “Nung'waada muscheeka gabuy muscheeka nyaawa; ak ang'iing'i, guwi rukwiida sugoocheanduumeeda ASEETA.”

Mattayo 4:17

Ghang'eada damandida ghoang'eat Yesu rukwiideayda ng'asheega ASEETA nea gwayi, “Aduukuunana aba gideaba sugoocheanduumeeda humng'eeda nineekiit.”

Lukka 16:16

“Deaweedajeega ea sibanga ea gagul Yohana; hean geerukwiida Giijaasta miy bea sugoocheanduumeeda ASEETA, nea gaba siisi abwasaay geaw.

Lukka 9:2

Goojeakta gaweay gwarukwiida sugoocheanduumeeda ASEETA, nea ghoahaap fuga miyeani.

ISAYA 61:1

Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.

Marko 6:12

Hean ghang'eatng'eat giijasoodiga gaweay. Gwarukwiisa buuneeda gideaba, Aduukuunana ng'asheega munyas bea riing'eeda.

Gadiyeeda Giijasoodiga 10:25

Iidu nea ghwahita Betaro ghoah gwarita jarooda Gorneliyo ghwadeapta ak gwatkuy aba madeeda geeshangaaschi ak ghaghadoawan.

Gadiyeeda Giijasoodiga 4:2

Gwanyareesi muuchi aba gideaba ghoanaal buuneeda nea gwarukwiida gideaba Yesu niduuna miyeeda.

Yohaana 3:2

Siisi Gaweesa Yesu eawa ak gwayeesha, “Rabi, aseasa geanali gideaba ang'iing'i guwoosi giinealshoocheanda ak gileabu heeda ASEETA; aba gideaba manda siida ammu gwasin gwadeagwajeesu isinayiin, geaghus siida mideayi sea ASEETA.”

Lukka 9:6

Hean ghang'eatng'eat gaweay gharang'weaka gwarukwiida Giijasta Miy nea ghoahaap fuga miyean aba hiji nyooh ghwahita.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 21:43

Aba nih geayeeshiineegwa, sugoocheanduumeeda ASEETA gajeareadeagwa ak geataw eamwa nuut ammu gagu haghweagaaschi.”

Mattayo 21:31

Heapi! Aba jeedeaba fiisu asiyeenyean gwasin aneeda gidagasa ghwaan?” Gwayeesha saawa, “Diita bea madeedean.” Ng'ata gwayeesha Yesu saawa, “Aba huumwa, geayeeshiineegwa, fuga ang'oonyi gwaadi ea fuga hiseada gaygoosheedeaweegwa beata jeeda sugoocheanduumeeda ASEETA.

Mattayo 11:1

Iing'ata giidawda adaw Yesu giinealangaaschi atamaniyeenya iitaanyi, ghabeawa hoowa ak gawa goonealshi aba jeeda mujiinajeega nyaawa nea gwarukwiida Giijasta miy.

Mattayo 10:8

Oahaabwa fuga miyeani, ak gootuudu fuga nimeewa, nea ghoamiidu fuga bearji udamusuura, nea gooruuti meangeenda. Geegooneegwa mwadaagha, oatayda mwadaagha.