Mattayo 10:5 - Bibliyeeda Ghaydit

⁵ Goojeakta Yesu giijasoodigiga atamaniyeenyean ak ghoadaw giijasta nea gwayeesha, “Adooweayi jeeda darooraka Eemoojiga, ghana jeeda mujiineeda wassean bea Samariya.

NEAJEEDA EESH BEA BUUNEESSEAN

⁵ Goojeakta Yeesu giijasoodigiga attamaniyyeenyean ak ghoadaw giijasta nea gwayeeshsha, “Adooweeyi jeeda daroorakka Emoojiga, ghana jeeda mujiineeda wassean bea Samariya.

Mattayo 10:5 Referans Kwoze

Yohaana 4:9

Gwayeesha Gatmoodida bea Samariyahiin niny, “Ang'iing'i guwoosi siida Yahudi, nea aniini geawooschi gatmooda Samariya giimuustiin gideaba gaymusean beega?” Aba gideaba fuga Yahudi maguuyi haleanja sea fuga Samariya.

1 Desaloniikke 2:16

nea ghoadealeasa aseasa ea meerukusiini fuga Eemoojiga gideaba gajeelealu ak gawuurji gili siinyiit giideenda riing'eega nyaawa. Iidu ea nihidu nyarasta ASEETA badahuuka nyaawa aba huuydeanda.

Lukka 17:16

goobeedeaysa Siidida geeshanga Yesu ak gabadiischeesa. Nea siidida gaba eemeeda Samariya.

Gadiyeeda Giijasoodiga 10:45

Nea fugiga mideawa masaweega leabu jeeda fuga siyaat ghasmeahooda ghayi adeena Betarohiin ghahamng'eanyi, aba gideaba Guroorooda Ghaydit siitaw eara fuga Eemoojiga.

Lukka 9:2

Goojeakta gaweay gwarukwiida sugoocheanduumeeda ASEETA, nea ghoahaap fuga miyeani.

Gadiyeeda Giijasoodiga 1:8

Ak gajanyasa uurda iiwuh heedeang'wa Guroorooda Ghaydit; ak gajahuuwa muushoodigeasu aba Yerusalemu ea Yudeyeesean ea Samariya ea ghoah muudeanooda ng'eanyiida.”

Yohaana 20:21

Gabiikta Yesu ak gwayeesha gicha, “Abeaha Hoyyoo. Gawuurji gidaghayi ajeakteaydanean Bwaabwa, asi eara aniini geajeaktaneegwa agooga.”

Yohaana 7:35

Gabalool fuga Yahudi nea gwayeeniissa geat, “Siisi gaygawa yeenu jea ea mwajeamuusa eanyasaan? Gaygawa heeda eemeeda dardaawaat mida Yunani ak ghoanaal eemeeni bea Yunani iin?

Yohaana 4:5

Ghwahita mujiineeda Samariya siguura Sikari, neekeewa madamnyeanda ghayi adaw Yakobo orjeedaanyi siguura Yosefu.

Lukka 10:33

Ghwahidu siispa Samariya was bareanyeanda, gweadu naweeda ama hita hoowa mida siidideani; ghwadaah ak ghabwayda,

Mattayo 4:15

“Ng'eanyiida Sabuloni ea ng'eanyiida Naftali, Naweeda gal basooda, giigheawda Yordani, Galilayeeda Eemoojiga

Gadiyeeda Giijasoodiga 8:1

Ak ghamwas Sawli miyeadaanyi. Nea aba eaweedida ghwanyas ganiiseeda mida Yerusalemu ghabasta haw; ak ghwadarda sean aba jeeda ng'eanyiida Yudeya sea Samariya, ea eaghus giijasoodiga.

Yohaana 8:48

Ghwasha fuga Yahudi nea gwayeesha, “Neada ea meatoabiiwi rukunooda gideaba guwoosi siida Samariya, ak gibwadi gideaba gindeawi meangeenda?”

Yohaana 4:20

Ghweanigaasa ghayi iissa ghaghadoawan ASEETA aba uhuudeaba giijeeni, amadu gooyeenyi agooga heeda miisa ghadoawanda ASEETA Yerusalemu gil.”

Lukka 10:1

Ng'ata ng'asheesu ghwaloat Ng'utamiida fih suuk laadam ea damanamughuush, ak goojeakta gabadiina iyeenya, goosheedeawa niny, gaweay gil nyooh ea mujiini gil ea heeda wassean gasa niny gawa.

Mattayo 22:3

hean goojeakta soomjoagaaschi gaguursa fugiga sirariin ghapka nyeangiida, amadu fugiga sirariin ghaheawa ghapka.

Marko 6:7

Gaguursa giinealanga atamaniyeenyean ak goojeakta nea ghwanung' gabadiina iyeenya iyeenya. Ghabiiw uurda jea ghwajoara meangeenda

Lukka 9:1

Hean gaguursa ginealangaaschi atamaniyeenya ak ghoadaw uurda ea gheambalmeeda jea goobala meangeenda sean ea giiheapta geeyoonung'weaka,

Yohaana 17:18

Gawuurji gidaghayi iijeakteaydanean jeeda ng'eanyiida, gwasunu eara aniini neajeakti saawa gaweay jeeda ng'eanyiida.