Mattayo 10:17 - Bibliyeeda Ghaydit

¹⁷ Ashageada buuneeda aba gideaba gayghwaadeagwa gheeda siirgweacha nea ghabwareagwa aba jeesinga gealga nyaawa siinealshacheewa.

NEAJEEDA EESH BEA BUUNEESSEAN

¹⁷ Ashageada Buuneeda aba gideaba gayghwaadeagwa gheeda siirgweachcha nea ghabwareagwa aba jeesinga gealga nyaawa siinnealshachcheewa.

Mattayo 10:17 Referans Kwoze

Marko 13:9

“Asi agooga ashageada, aba gideaba gayghwaadeagwa buuneeda gheeda sirgweacha, nea geabwareagwa aba jeesinga ghoorajeega siinealshacheewa. Gajeayadeagwa madeeda fuga hees ea madeeda sugoodiga aba badaydeanyu, ak abeeda gajahuuwa mushoodigeasu aba madeanyaawa.

Mattayo 23:34

Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinealshacheewa nea ghoahoanyi aba gilinyoo ea mujiini,

Gadiyeeda Giijasoodiga 26:11

Inyeesa ghaanung' ghwanyas sawanadeeda aba jeeda ghoorajeega siinealshacheewa sean nea geadiing'si goong'eawi ASEETA; inyeesa ghaanyareaschi muuchi aba badahuukeaba fiisu, hean geawi ak ghaaghabwaschi aba mujiinajeega sheagi.

Yohaana 16:2

Gaygooheeleeweegwa buuneeda ghoorajeega siinealshacheewa; aba huumwa, aba gideaba ghwaan damanda ama siida nuuseegwa jea ghaghay gili bwat ASEETA.

Lukka 12:11

Ama deepa eayaadeagwa ghooriida siinealshacheewa ea fuga ahaaghwa ng'eanyiida ea madeeda gea mideawa gheambalmeeda, ea adoohirbabanyi aba gichea ashaayda ea ng'asheega jea arukuta;

Mattayo 5:22

Ak aniini geayeeshiineegwa, siida wassean jea gwanyareeksa orjeeda ghaamwat gammiisa girgweaksiinda; ama dea ang'eawi orjeeda ghaamwat gammiisa eata madeeda gweargwa, ama dea eesha orjeeda ghaamwat, ‘Guwoosi leekghteanda!’ Gammiisa beasta maloonghajeega.

Gadiyeeda Giijasoodiga 22:19

Ghaalamdi ak geayeeshi, ‘Ng'utamiida, saawa ghwanal muuchi gidaghayi eabadiiniidi jeeda ghoorajeega siinealshacheewa ak ghaang'waanyi buuneeda nea ghaabwarji fuga mwasnyi ak geajaksi ghealooniga.

MIKA 7:5

Adibwati giischeewoocheanda, nea adighasi siida iduupcheewi; fura gidaghuudajeega ghuutaang'u aba gideaba adaghwanal gatmooda iideaydooscheewi iita;

Ebraniya 11:36

Mwaatkwa gwasawana aba shikooda ea bayiiga, nea ghabwada geerata munyaloalajeega aba ghealooniga.

2 Dimoteo 4:15

Ak gishageadi siisi, aba gideaba ghaheawa muuchi ng'asheagaasa.

Filippi 3:2

Ashageada gudajeega, ashageada fuga gadiyeeda munyas, ashageada fugiga iissa ghwalajaada saseedean.

Yohaana 11:47

Gwasin Ashoohoodiga hees sea Farisaayajeega girgweageeda nea gwayi, “Gajeesina naaha? Anda siisi iissa gwasin gwadeagwajeega saang'a muuchi.

Marko 13:12

Nea Siida gayghwala bwadaw orjeeda ghaamwat ak geenuus, nea Bwaabwa gayghwala bwadaw orjeedaanyi, eara Diibiga gayghabwar ghweaniga nyaawa ak gwanuuseada.

Mattayo 26:59

Hean gagasa Ashoohoodiga hees ea gweargwa sean bea gheeda girgweageeda ng'asheanda ng'uyyeega jea eemuuwu aba badayda Yesu jea iidu eenuuksa,

Gadiyeeda Giijasoodiga 17:14

Deagheata goojeakta fuga siduupcheewi Bawlo gawa ng'eanyiida ghuuta basooda nea Sila ea Dimoteo saawa goobiida hoowa.

Mattayo 20:19

ng'ata gajeayaat ak geayiin geatinga Eemoojiga eeshka, nea geabwar aba mughoowooda, ak geengoor, ama eaweeteaba samwagu gaygwaduudu.”

Mattayo 10:18

Gajeayadeagwa madeeda sugoodiga ea dea fuga ahaaghwa ng'eanyiida aba badaydeanyu, ak goomuuwiisi Giijasta miy saawa ea fuga Eemoojiga.

Gadiyeeda Giijasoodiga 9:2

ak gamus niny barawajeanda jea ghwaat ghoorajeega siinealshacheewa mida Dameski, ea gideaba inyas hoowa headiga ghana gadeemga aat Naweedida, ghoang'waay ak gweadu Yerusalemu.