Mattayo 10:14 - Bibliyeeda Ghaydit

¹⁴ Nea siida iimwadeaptaneegwa ghana ghaheawa gooleeysiit ng'asheegeagwa, iyooriteawi gheedida ghana mujiineedida, ghoalalakti birjeanda mida geeshangeagwa.

NEAJEEDA EESH BEA BUUNEESSEAN

¹⁴ Nea siida iimwadeataneegwa ghana ghaheawa gooleeysiit ng'asheegeagwa, iyooritteawi gheetta ghana mujiineedida, ghoalalakti birjeanda mida geeshangeagwa.

Mattayo 10:14 Referans Kwoze

Gadiyeeda Giijasoodiga 18:6

Iidu nea ghaheawa nea geeng'eawi, hean ghang'eat ghwalalakta hang'weakaaschi nea gwayeesha, “Foojeandeang'wa gagasa goobiida iheengeagwa! Aniini meandeawani gidamuy. Ak gidang'eada ghamneawa gaydaweesa Eemoojiga.”

NEHEMIYA 5:13

Ak ghaalalakti hang'deanyu nea geayeenyi, “Gagasa ghwalalakta ASEETA gili was sih aba gheanyi aba gadiyeeda nyaawa was gea masina heeleesiini. Asi gagasa ealalaktaaydunu ak ea mandeawana gil.” Ak gwayi fuga sean bwat geat, “Amin” ak geakghambiit NG'UTAMIIDA. Ak gwasinda buuneeda gidaheeleata.

Gadiyeeda Giijasoodiga 13:51

Ng'ata gabardeaysa birjeanda geeshanga nyaawa, ak gaweay ng'eanyiida Ikoniyo.

Lukka 9:5

Nea iyoahiti heeda meegasseegwa, iyooriteawi mujiineedida ghoalalakti birjeanda mida geeshangeagwa ak gayghoah muuwuunooda aba badahuuka nyaawa.”

Marko 6:11

Nea iyoahiti ng'eanyiida deepa ea meadeaptaneegwa nea ghanyea mealeeyseegwa eara iit, iyoabeawi ng'eang'da nyaawa alalakta birjeanda geeshangeagwa. Abeeda gajea giibuhanda nyaawa gil.”

1 Desaloniikke 4:8

Nea siida heawa ng'asheesu, ea mwaheawa siida ghaheawa ASEETA, gooneegwa agooga Gurooroadaanyi Ghaydit.

Yohaana 13:20

Aba huumwa, aba huumwa, geayeeshiineegwa, Siida deapta dea eajeagu abeeda ghwadeaptanaan aniini, nea siida deaptanaan aniini abeeda ghwadeapta dea ajeaknean.”

Marko 9:37

“Siida deapta baleanda uurji nih aba gheawungeasu, ghwadeaptanaan aniini. Nuut siida deaptanaan aniini mwadeaptanaan aniini ak ghwahit, ghwadeapta eara siida ajeaknean.”

Mattayo 18:5

“Nea siida wassean jea ghamwas jeabwagi uurji nih aba gheawungeasu, abeeda ghamwasan aniini.

Lukka 9:48

ak gwayeesha saawa, “Siida deaptaawa gheawungeasu baleanda uurji nih ghwadeaptanaan aniini, nea siida deaptanaan aniini ghwadeapta siida ghayi ajeaknean; aba gideaba siida mwanang'eewaneegwa oogasean ea haweewaneegwa oogasean.”

Mattayo 10:13

Nea gheedida iimiisa hoyyooydeang'wa, abeeda danyasa hoyyooydeang'wa. Ama deepa ea mamiisiina abeeda hoyyooydeang'wa gaygabiikseegwa agooga.