Mattayo 1:21 - Bibliyeeda Ghaydit

²¹ Gaygwaji orjeeda ak gayguureewana gheawungaaschi Yesu, aba gideaba niny gaygwalealu buuneadaanyi aba jeeda riing'eega nyaawa.”

NEAJEEDA EESH BEA BUUNEESSEAN

²¹ Gaygwaji balleanda ak gayguureewana ghawungaaschi Yeesu, aba gideaba niny gaygwalealu buuneadaannyi aba jeeda riing'eega nyaawa.”

Mattayo 1:21 Referans Kwoze

Gadiyeeda Giijasoodiga 13:23

Aba siisi jea ghwahiduun niidaw ASEETA fuga Israeli lealnoocheanda, Yesu, gawuurji gidaghayi heeleesiinda.

Gadiyeeda Giijasoodiga 4:12

Ak ea manda lealeanooda aba hichpa siinuut, aba gideaba manda gheawun suuk hing'eadayda humng'eeda ghayi siitaw buuneeda jea gwalealneasa.”

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

1 Yohaana 3:5

Nea ghoanali gideaba niny ghwaan gageanda riing'eega, nea niny jeadaanyi ea manda riing'eeda.

Lukka 2:21

Ng'ata eawooji sis nea siyaat ghasmeahooda geeguura Yesu, gheawunga ghayi ng'assa malaykajeanda nea mii ghwanyas ghaamwat gweayuumeeda.

Gadiyeeda Giijasoodiga 5:31

Nih deaghayi adiing'u ASEETA gil ak gawa geatindaanyi bea dugwa ak ghoah siida haw ea lealnoocheanda, ak ghwanung' gwaduukuuna fuga Israeli ak geesamsa riing'eega.

Lukka 1:31

Asi ng'ula, gaygweayiida ak Gayjiila baleanda, ak gayguureewana gheawungaaschi Yesu.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Lukka 2:11

Aba gideaba eanean aba mujiineeda Dawdi siji aba badahuukeagwa, lealnoocheanda, niny Gristoyda was Ng'utamiida gil.

1 Yohaana 1:7

nea iisineayeewi jeeda weeshinda, gawuurji gidamideata niny jeeda weeshinda abeeda ea sibareanyi aseasa, ak foojeanda Yesuheeda was Orjeedaanyi gaygoohuun riing'eegaasa sean.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

Gadiyeeda Giijasoodiga 3:26

Iidu nea niduudu ASEETA soomjeandaanyi, goojeakta niny gaweesa fuga madeeda, ak abeeda gabadiischeesa giliwas sih aba jeedeang'wa arinana jeeda munyasnacheekeagwa.”

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.

Ebraniya 7:25

Nea giduurji sean ghoamu aba damanyoojiga sean gwalealu fugiga neekiissa ASEETA aba ninyiin, nea niny gwanda galeagasean nea gooduupchi saawa.

DANIELI 9:24

“Wiikaji laadam ea damanamughuush niba gweanyeew laadam ea damanamughuush gajea damanda jea eetina fugaagu ea mujiineadaang'u ghaydidi, ak goosha munyinda, ak nea gwaduulean riing'eeda, ak gwasin giiduupcheeda, ak gweadu eaweega manda muudeanooda doabiiwaat, ak gooroor giirgweatka ea sibaneeda, ak ghwayeash heeda ghaydit muuchi.

YEREMIYA 23:6

Ak aba damandaanyi Yuda gajeelealu, ak eara Israeli gaygaba seayu. Nea gichea eeguura gheawungaaschi ea nihi: ‘NG'UTAMIIDA doobiiwnateanya.’

GIING'EETA 18:10

Gwayeesha NG'UTAMIIDA, “Gaydabiigu headaang'u gweanyiin sheedeaba shageash, nea Sarayiheeda was gatmoadaang'u gajea niji baleanda.” Nea ghoaleaydiit Sara aba gidaghuuta maheemajeanda.

Lukka 1:13

Ak gwayeesha Malaykajeanda, “Adibeali, Sakariya, aba gideaba siyiiy gidimwaashi, nea eara Elisabeteeda was gatmoadaang'u gaygwajiilneey baleanda, ak gaygureewana gheawungaaschi Yohana.

YEREMIYA 33:16

Nea eaweedida Yuda gajeelealu ak Yerusalemu gaygoobiida nea gaba seayu. Ak nih ea gheawungaaschi jea eeguura gil, ‘NG'UTAMIIDA Doobiiwnateanya.’

GIING'EETA 17:19

Iidu gwayeesha ASEETA, “Manda, gaygwajiilneey Sarayiheeda was gatmoadaang'u baleanda, ak gayguureewana gheawungaaschi Isaka. Ak gaydasin neajeedeanyu sea niny was neajeeda maygamuudean aba jeacheangaaschi.

GIING'EETA 17:21

Ak gaydasin neajeedeanyu sea Isaka, was dea jea gwajiilneey Sara gweanyiin damani.”

FUGA LAJA GIRGWEAGUUTKA 13:3

Hean ghwahidu malaykajeanda NG'UTAMIIDA heeda gatmooda ak gwayeesha, “Ng'ula ang'iing'i mijiili ak ghamneawa gaynyasa durumanata ak gayjiila baleanda.

1 SAMWELI 1:20

ng'ata damwan gagweayiit Hana ak gwaji baleanda, ak gaguura gheawungaaschi Samweli, aba gideaba gwayi, “Nih ghaang'ali NG'UTAMIIDA.”

Mattayo 1:25

ea mawa heeda ea gwaji baleanda; ak gaguura gheawungaaschi Yesu.

Yohaana 4:42

Gwayeesha saawa gatmoodida, “Aseasa meamwasi aba ng'asheagaagu irugu, aseasa siyiinyi, ak geanali gideaba aba huumwa siisi lealnoocheanda ng'eanyiida.”